#Uzum_sayli

⚡️Ayni damda Parkent tumanida “Uzum sayli” va xalqaro vinochilik festivali boshlanish arafasida. Mazkur festivalni oʻtkazishdan koʻzlangan asosiy maqsad, mamlakatimizning turizm salohiyatini namoyon etish, milliy mahsulotlar brendini jahon bozorida munosib oʻringa ega boʻlishini taʼminlash, qadimiy uzumchilik va vinochilik tajribasi hamda bogʻdorchilik mahsulotlarining noyob tur va navlarini keng ommalashtirishdan iborat.

Festivalga vazirlik va idoralar hamda xalqaro tashkilotlardan nufuzli mehmonlar, shuningdek, milliy va xorijiy ommaviy axborot vositalari vakillari, sohaning yetuk namoyondalari taklif etilgan.

Xalqaro doiradagi festivalda soha mutaxassislari ishtirokida ilmiy-amaliy seminarlar tashkil etilib, nominatsiyalar boʻyicha respublika koʻrik-tanlovlari, hunarmandchilik mahsulotlari, milliy taomlar va liboslar koʻrgazmalari hamda boshqa madaniy tadbirlar tashkil etilgan.

🌐Telegram 🌐Website 🌐YouTube 📱Instagram 📱Facebook 📱Twitter

#Uzum_sayli

Viloyatda uzumchilik sohasiga oid asosiy koʻrsatkichlar:

➖viloyatdagi uzumzorlar maydoni 13 ming gektardan 19 ming gektarga yetkazildi;

➖uzumlarning 40 ming tonnadan ortiq qismi 11 ta davlatga, vino mahsulotlarimiz esa 9 ta davlatga eksport qilinmoqda.

➖kelgusi 3 yilda viloyatda yana 20 ming gektar hosildor uzum plantatsiyalarini yaratishni rejalashtirilgan;

➖natijada uzum maydonlari 39 ming gektarga yetkaziladi;

➖yetishtirilgan hosil 400 ming tonnaga oshiriladi;

➖yurtimizda 28 dan ortiq xoʻraki va vinobop uzum navlari yetishtirilayotgan boʻlsa, shundan 13 tasi aynan Toshkent viloyatida yaratilgan.

➖eng asosiysi aholi xonadonlarida uzum yetishtirish, mayiz, shinni kabi maxsulotlarni tayyorlashning asrlardan-asrlarga oʻtib kelayotgan anʼanaviy usullarini yanada rivojlantirishga alohida eʼtibor qaratilmoqda.

✅Telegram 🌐Website 📹YouTube✅Facebook 🕊Twitter