#bildirish

Hurmatli fuqarolar!

Oʻzbekiston-Qozogʻiston davlat chegarasidagi oʻtkazish punktlari orqali harakatlanayotgan fuqarolar uchun yanada qulay sharoitlarni yaratish, transport vositalari tirbandliklarining oldini olish, bojxona postlarining oʻtkazuvchanligini oshirish maqsadida

➡️Oʻzbekiston Respublikasining “Gʻishtkoʻprik”, “S.Najimov” va “Navoiy”;

➡️Qozogʻiston Respublikasining “Kazigurt”, “Atameken” va “Qaplanbek” chegara bojxona postlarida qurilish-bunyodkorlik va modernizatsiya ishlari amalga oshirilmoqda.

Shu munosabat bilan 2022-yil 1-dekabrdan “Navoiy” (Oʻzbekiston) – Kaplanbek (Qozogʻiston) chegara bojxona postlarida yuk va yengil avtotransport vositalari hamda fuqarolar harakati;

2023-yil 15-fevraldan Qozogʻistonga chiqish yoʻnalishida “S.Najimov” (Oʻzbekiston) – “Kazigurt” (Qozogʻiston), “Sirdaryo” (Oʻzbekiston) – “Atamaken” (Qozogʻiston) oʻtkazish punktlarida yengil avtotransport vositalari hamda fuqarolar harakati vaqtincha cheklangan.

Natijada, aksariyat fuqarolar va yengil avtotransport vositalari haydovchilari “Gʻishtkoʻprik” chegara bojxona posti orqali harakatlanmoqda va tirbandliklar kuzatilmoqda.

Hozirda mazkur yoʻnalishda “Yallama” (Oʻzbekiston) – “B.Konisbayev” (Qozogʻiston) chegara bojxona posti tunu kun faoliyat koʻrsatmoqda.

Shuningdek, “Malik” (Oʻzbekiston) – “Sirdaryo” (Qozogʻiston), “Oqoltin” (Oʻzbekiston) – “Selinniy” (Qozogʻiston) chegara oʻtkazish punktlari orqali esa kunning yorugʻ vaqtida yengil avtotransport vositalarida hamda piyoda holda harakatlanish mumkin.

“Gʻishtkoʻprik” (Oʻzbekiston) – “Jibek Yoʻli” (Qozogʻiston) chegara bojxona postlari orqali esa piyodalarning harakatlanishlari tavsiya qilinadi.

🌐Telegram 🌐Website 🌐YouTube 📱Instagram 📱Facebook 📱Twitter