#befarqemasman

Бахтиёр Рўзметов, Урганч давлат университети профессори, иқтисодиёт фанлари доктори, АҚШнинг Нью-Йорк фанлар академияси аъзоси:

— Мен 1992 йилда Ўзбекистон Республикасининг биринчи Конституцияси қабул қилинишида ҳам қатнашганман. Шунингдек, янгиланаётган Конституциямиз лойиҳасининг тайёрланишида ҳам фаол иштирок этдим. Эндиликда 51-модданинг алоҳида олий таълим тизимига бағишланиши, ушбу модда академик моделлик, яъни эркинлик, ўз ўзини бошқариш, илмий тадқиқот олиб бориш ҳамда ўқитиш эркинлигини кафолатланганлиги Ўзбекистонда олий таълим тизимини жаҳон андозалари даражасига чиқишида муҳим рол ўйлайди. Мен Конституциямизга #befarqemasman.

@menbefarqemasman

#befarqemasman

Назокат Чориева, ўқитувчи (Тошкент вилояти):

— Янги Конституциямизнинг 52 - моддаси билан ўқитувчиларнинг қадр-қиммати, шаъни ҳимоя қилинаяпти, уларни ижтимоий-маънавий қўллаб-қувватлайдиган, ҳуқуқларини кафолатлайдиган янги нормалар киритилаяпти. Биз ўқитувчилар таълимга оид ислоҳотларга бефарқ эмасмиз! 30 апрелда бўлиб ўтадиган референдумда иштирок этамиз!

@menbefarqemasman

#befarqemasman

Севара Мирсидиқова, Ўзбекистон давлат консерваторияси магистранти:

— Конституциявий қонун лойиҳасининг Брайль алифбосидаги нашри ногиронлиги бўлган шахсларнинг ҳуқуқ ва эркинликлари, қонуний манфаатларини таъминлашга хизмат қилади. Лойиҳанинг 57-моддасига кўра, ногиронлиги бўлган шахсларнинг ҳуқуқлари давлат томонидан ҳимоя қилинади. Конституциядаги инклюзив таълим тўғрисидаги норма мени илҳомлантирди. Чунки инклюзив таълим ҳар бир ногиронлиги бўлган шахс учун билим олиш имкониятини беради. Мен конституциявий ислоҳотларга бефарқ эмасман. 30 апрель куни референдумда иштирок этаман!

@menbefarqemasman

#befarqemasman

Саодат Турсунбоева, "Sharq Ayoli" халқаро хотин-қизлар жамоат фонди раҳбари:

— Бугунги кунда мамлакатимизда рақамли иқтисодиёт ва технологиялар трансфери тезкорлик билан ривожланмоқда. Бизнинг фондимиз бу йўналишда кўплаб ишларни амалга оширмоқда. Масалан, "Аёл ва рақамли иқтисодиёт" лойиҳамизда хотин-қизлар электрон тижорат асосларига, онлайн дўконлар очиш ва рақамли касбларга ўргатилмоқда. Бу аёлларнинг уйдан чиқмасдан ишлашига имкон беради.

Янгиланиётган Конституцияда давлат қулай инвестиция ва ишбилармонлик муҳитини таъминламоқда, тадбиркорлар ҳар қандай фаолиятни амалга ошириш, унинг йўналишларини мустақил танлаш ҳуқуқига эга бўлмоқда. Бу оилалар фаровонлигини ошириш, технологик ривожланиш учун мустаҳкам пойдевор бўлади. Мен бунга #befarqemasman!

@menbefarqemasman

#befarqemasman

Достон Ёқубов, оғир атлетика бўйича жаҳон чемпиони:

— Фаолиятим давомида кўплаб мусобақаларда иштирок этганман. Авваллари "қанийди, бизнинг мамлакатимизда ҳам жаҳон чемпионатлари ўтказилсайди" деб орзу қилардик. 2021 йил ушбу орзуимиз ушалди. Ота-онамиз, ҳамюртларимиз кўз ўнгида дунёнинг энг кучли полвонлари билан беллашдик. Пойтахтимизда ўтган ушбу мусобақада жаҳон чемпиони деган шарафли номга эришдим. Ишонаманки, давлатимизнинг бундай эътибори билан янги ғалабаларга ҳам эришамиз. Янги Конституциямиз эса келажакдаги ғалабаларимизга асос бўлишига ишонамиз. Шунинг учун Қомусимизга киритилаётган ўзгаришларга бефарқ эмасмиз.

@menbefarqemasman

#befarqemasman

Наримон Ражабов, Тошкент давлат юридик университети профессори:

— Энг муҳим масалалардан бири инсон соғлиғи-саломатлигидир. Шундай экан, янгиланаётган Ўзбекистон Республикаси Конституциясининг 49-моддасида янги киритилди, яъни ҳар ким қулай атроф-муҳитга эга бўлиш, ҳар ким атроф-муҳит тўғрисида ишончли ахборотларни олиш ҳуқуқига эга. Ушбу норма амалдаги Конституцияда йўқ. Агар сиз қулай атроф-муҳитда яшаш ҳуқуқингиз таъминлашини истасангиз, унда албатта, 30 апрелда бўлиб ўтадиган конституциявий ўзгаришлар бўйича референдумда иштирок этинг.

@menbefarqemasman

#befarqemasman

Шоҳида Ибрагимова, тадбиркор, бизнес-тренер:

— Мен бир нечта бизнеслар асосчисиман ва бу соҳада 13 йиллик тажрибага эгаман. Ижтимоий тармоқлардаги саҳифаларимда аудиториянинг асосий қисмини аёллар ташкил этади. Молиявий саводхонлик бўйича олиб бораётган дарсларимдан билдимки, аёлларнинг таълим олишида тўсқинликлар бор: турмуш ўртоғи, қайнона, қайнотаси, ота-онаси ўқишига рухсат бермайди. "Қиз болага ўқишнинг кераги йўқ, мактабни тамомласанг бўлди, турмушга берамиз", дейишади. Ваҳоланки, бу унинг ҳуқуқи. Янги Конституцияда ҳам бу ҳуқуқ мустаҳкамлаб қўйилмоқда. Мен аёлларнинг таълим олишига бефарқ эмасман!

@menbefarqemasman

#befarqemasman

Муаззам Валиева, Ўртачирчиқ тумани "Чангтепа" маҳалласи ёшлар етакчиси:

— Юртимиз бўйлаб янгиланаётган Конституция лойиҳаси бўйича кўплаб фикр ва таклифлар илгари сурилди. Мени энг қувонтирган жиҳати, Конституция лойиҳасининг 42-моддасида ҳомиладорлиги ёки боласи борлиги сабабли аёлларни ишга қабул қилишни рад этиш, ишдан бўшатиш ва уларнинг иш ҳақини камайтириш тақиқланади, деган норманинг акс эттирилишидир. Ҳомиладор ва болали аёлларнинг меҳнат қилиш ҳуқуқи конституциявий тартибга солинмоқда. Биз аёллар учун оила, ёшлар ва болаларга бағишланган Конституциянинг 14-боби муҳим аҳамиятга эгадир. Ўйлайманки, янги Конституция — Ўзбекистон тараққиётининг асоси, меҳнатсевар халқимизнинг қадр-қимматини ҳимоя қилиш учун кўп йиллар хизмат қилади. Мен Бош Қомусимизга бефарқ эмасман, сиз ҳам бефарқ бўлманг!

@menbefarqemasman