@QIBRAY_SADOSI СИЗ-У БИЗГА, ШУ ВАТАН ТУПРОҒИНИ СЕВУВЧИЛАРГА, ҚАЛБИДА ЭЗГУЛИК БАРҚ УРАЁТГАН ИНСОНЛАРГА КЕРАК КАНАЛ!

Каналимизга обуна бўлинг ва дўстларингизга улашинг👇:
https://t.iss.one/joinchat/AAAAAEyXccPFUEJo1KhknA

#МУХИМ_МАЪЛУМОТЛАР

Ўзбекистонда коронавирус инфекцияси қайд этилганлар сони 1113 нафарни ташкил этмоқда.

Каналга уланиш:
@qibray_sadosi

#АЙНИ_ПАЙТДА_ҚИБРАЙДА

Қибрай шаҳарчасидаги Зебуннисо маҳалласида табиат инжиқлиги туфайли рўй берган ноқулайликларга Қибрай туман ҳокимлиги томонидан барҳам берилмоқда. Дарахт шохлари синиши ва электр энергияси тармоқларига зарар етказиши оқибатлари тугатилмоқда.

Туман ҳокими ўринбосари Акмал Қосимхўжаев маҳалла аҳли ва мурожаатчилар билан суҳбат ўтказиб, тушунтириш ишлари олиб борди.

Каналга уланиш:
@qibray_sadosi

#карантин
#Қибрай

📌Ижтимоий тармоқларда Тошкент ситида бемақсад ва ниқобсиз ҳолатда айланиб юрган қизнинг видеолари тарқалган эди. Унга нисбатан Инстаграм, фейсбук, телеграм тармоқларида кўплаб танқидий комментариялар билдирилди.

📝Куни кеча ушбу фуқаро Қибрай туманида истиқомат қилувчи Маҳлиёбону Бозорова эканлиги маълум бўлди. Қоидабузарга нисбатан Санитария эпидемиология давлат назорати инспекцияси вакили томонидан баённома расмийлаштирилди. Унга энг кам иш ҳақининг беш баравари миқдорида жарима белгиланди.

❗️Шайхонтохур туман ИИБга келтирилган қонунбузар эса халқдан кечирим сўради. Фурсатдан фойдаланиб, ёшларга бу каби бемаъно ва бачкана видеолавҳалар уюштирмаслик лозимлигини таъкидлаб ўтмоқчимиз.

Web-site| Facebook| Instagram| Telegram

#БИРОЗ_ТАБАССУМ

Уйда🏡 қолинг!

Каналга уланиш:
@qibray_sadosi

Шу кеча-кундуз энг кўп муҳокама қилинаётган масалалардан бири карантин қачон тугаши, шу офат оқибатида юзага келган иқтисодий инқирозни қандай юмшатиш, айниқса, аҳолининг кам таъминланган қисмига манзилли ёрдам кўрсатиш масаласи бўлиб қолаяпти.

Айниқса, иқтисодчилар шу кунларда давлат кимга қандай ёрдам кўрсатиши борасида кўплаб тавсияларни беришмоқда. Улар битта масалада якдил фикрда: инқироз туфайли қийналиб қолган, иши ва даромадини йўқотган кишилар, аҳолининг заиф қатламларига тўғридан-тўғри ёрдам ажратиш керак. Ажратилган кўмак ҳам картошка, пиёз, макарон, ёғ шаклида эмас, балки айнан пул кўринишида бўлиши лозим. Бу пуллар оила эҳтиёжини қондириш асносида яна иқтисодиётга қайтади.

Айрим иқтисодчилар эса бундай ёрдамни биринчи бўлиб ишсиз ва фарзандли аёллар олиши кераклигини таъкидлашмоқда. Бу асосий критерий бўлиши кераклигини қайд этишмоқда. Шу маънода айтадиган бўлсак, Миллий масс-медиани қўллаб-қувватлаш ва ривожлантириш жамоат фонди томонидан “Хавфсиз ёрдам” лойиҳаси доирасида республика бўйлаб ижтимоий ҳимояга муҳтож, фарзандларини ёлғиз тарбия қилаётган, ишсиз қолган минг нафар аёлга мингта Uzcard карточкалари тайёрлангани ва 1 млрд сўм ўтказиб берилгани шу критерийнинг тўғрилигини кўрсатмоқда. Ўн кун ичида карталар ўз эгаларига етказилади.

Назаримизда, давлатнинг яқин истиқболда аҳолининг кам таъминланган қатламига ажратиладиган манзилли ёрдами учун ҳам бу тажриба асқотади. Ҳа, қийналиб қолган оилаларга ёрдам берилиши керак, у аввало пул шаклида бўлиши керак. Чунки қийин вазиятга тушиб қолганлар оиласига нима биринчи ўринда кераклигини ўзлари жуда яхши билишади. https://t.iss.one/SShMirziyoyeva/298

davletovuz

ТУН МУТОЛААСИ

Леч Макдональд

Сабоқ

Ҳаётидан яхшилик изламайдиган бир қизга отаси сабоқ бериш учун ошхонага чорлади. Уч хил идишдаги қайнаган сувга картошка, тухум ва қаҳва
доналарини солди. Йигирма дақиқадан сўнг барини идишга бўшатиб, қизига юзланди:
— Қандай ўзгариш юз берди?
Қиз картошка юмшаганини, тухум қаттиқлашганини, қаҳва эса хуштаъм шарбатга айланганини
айтди.
— Лекин бу билан нима демоқчилигингизни
тушунмадим?
— Ҳаёт машаққатдан иборат. Машаққатлар исканжасида картошкадай эзилиб қоласанми ё қалбинг тухум каби қаттиқлашадими, ё бўлмасам, қаҳва доначаларидек, ғамга бўйин бермай ўзингни
комиллаштириб, ҳаётингга айрича таъм ҳадя этасанми?
Қиз ўзининг ношукрлигидан уялиб қолди. Шунда ота қизининг бошини силаб:
— Ҳаёт ҳикмат излаб яшаш учун берилган. Унга кулиб боқсанг, ҳаёт ҳам сенга кулиб боқади, — деди.

Каналга уланиш:
@qubray_sadosi

Сабр ва яна сабр даркор!
Яқинда ҳаммаси ўз ўрнига тушади, булутлар пардек тарқайди, қуёш ярақлаб чиқади ва навбатдаги қийин синов ҳам ортда қолади.

АССАЛОМУ АЛАЙКУМ, АЗИЗЛАР!

Каналга уланиш:
@qibray_sadosi

#ТОНГ_ТАВСИЯСИ

СИЗ БОЙЎҒЛИМИСИЗ ЁКИ СЎФИТЎРҒАЙ?

Эрта тонгдан уйғонасизми, ёки кечроқ? Саҳар-мардондан уйғонсангиз, сиз аниқ – сўфитўрғайсиз.

Кечаси ухламай ва тонгдан уйғонолмасангиз, демак сиз – бойўғлисиз.

Аммо кунни унумли ва хушкайфият бошлашингиз учун бунинг фарқи йўқ.

❤️Энг аввало тонгни қаршилашингиз билан ўзингизга яхши тилакларни тиланг. Бу – худбинлик эмас. Шунчаки, яхшиликни ўзингиздан бошласангиз, кун давомида ўзгаларга ҳам улашишингиз мумкин.

💙Бир стакан сувни секин-секин хўплаб ичинг. Танангиз тунда сувсизланиб қолар экан. Унинг ўрнини тўлдириш лозим.

💜Жисмоний машқлар бажаринг. Агар ёқтирмасангиз, шунчаки чўзилинг, тортилинг, айланинг, сакранг –асосийси харакатланишни бошланг.

💛15 минут бўлсада севимли машғулотингиз билан шуғулланинг. Китоб мутолаа килинг, газета-журналларни саҳифаланг, мусиқа эшитинг.

💚Албатта, нонушта эсдан чиқмасин!

КУНИНГИЗ ХАЙРЛИ БОШЛАНСИН!

Каналга уланиш:
@qibray_sadosi

#МУХИМ_МАЬЛУМОТЛАР

Ўзбекистонда коронавирус инфекцияси қайд этилганлар сони 1165 нафарни ташкил этмоқда.

Кетма-кет икки кундан буён мамлакатда инфекция аниқланиш бўйича кунлик энг кўп кўрсаткич янгиланмоқда. Кеча жами 167 та ҳолат қайд этилди.

Бу рақам камайишини истасангиз, улар орасида сиз, оилангиз ва яқинларингиз бўлишини хоҳламасангиз, уйда қолинг!

Унутманг: вирусни биз тарқатмасак, у ўз-ўзича тарқала олмайди.

Уйда🏠 колинг!
Каналга уланиш:
@qibray_sadosi

#МУХИМ_МАЪЛУМОТЛАР

Янги автотранспорт воситалари давлат рўйхатидан ўтказиладиган автосалонлар рўйхати эълон қилинди

Ўзбекистонда карантин қоидаларига амал қилмаслик билан боғлиқ ҳолатлар сони 60 мингга яқинлашди

Карантин вақтида фирибгарлар ёлғон смс-хабарлари жўнатиб, электрон маблағларни ўзлаштиришга уринмоқда - «Ўзкомназорат»

Уйларни дезинфекция қилишга ҳожат йўқ – Нурмат Отабеков

Ўзбекистон Венгрияга 500 минг дона ҳимоя ниқоби жўнатди


Манба: Kun.uz

Каналга уланиш:
@qibray_sadosi

#МУХИМ_МАЪЛУМОТЛАР

ҲОКИМ ВА СЕКТОР РАҲБАРЛАРИ МАСЪУЛИЯТИ ОШИРИЛДИ

Президент Шавкат Мирзиёев 14 апрель куни глобал инқироз ва пандемия шароитида Ўзбекистон қишлоқ хўжалиги олдида турган долзарб вазифалар муҳокамасига бағишланган видеоселектор йиғилиши ўтказди.

Бу ҳақда давлат раҳбари матбуот хизмати хабар бермоқда.

Йиғилиш аввалида президент коронавирус инфекциясига қарши кураш доирасида мамлакатимизда амалга оширилаётган ишларга яна бир бор алоҳида тўхталиб ўтди.

— Кундалик матбуотдан хабарингиз бор, бутун дунёда, жумладан республикамизда ҳам касалликка чалинганлар сони тобора кўпайиб бораётгани барчамиздан, бутун халқимиздан ҳушёрлик ва огоҳликни кескин кучайтиришни, карантин билан боғлиқ жорий этилган барча тартиб-қоидаларга сўзсиз ва қатъий амал қилишни талаб этмоқда.

Мавжуд вазиятдан келиб чиқиб, Ҳукумат комиссияси, Қорақалпоғистон Республикаси Жўқорғи Кенгеси, вилоятлар ва Тошкент шаҳар ҳокимликлари, тегишли вазирлик ва идоралар раҳбарлари кечиктириб бўлмайдиган чораларни кўришлари зарурлиги таъкидланди.

Жумладан, Республика комиссияси мутасадди вазирлик ва идоралар билан бирга, жойлардаги ҳокимлар, секторлар раҳбарларига коронавирус тарқалиши олдини олиш ҳамда унинг иқтисодиёт ва инсонлар ҳаётига салбий таъсирини имкон қадар чеклаш учун масъулиятини янада ошириш чораларини кучайтириши вазифаси белгилаб берилди.


✅ Айниқса, ҳокимлар ва сектор раҳбарлари аҳолининг энг муҳим ҳаётий эҳтиёжларини тўлиқ таъминлаш, нарх-навонинг ошиб кетмаслигига эришиш ва кам таъминланган оилаларни қўллаб-қувватлаш борасидаги ишлар самарадорлиги учун шахсан жавоб беради.

✅ Айни пайтда, кам таъминланган, эҳтиёжманд ва ёрдамга муҳтож оилаларга мурувват ва саховат кўрсатиш, уларнинг ҳолидан хабар олиш, бу каби эзгу ташаббусларни кўпайтириш жойлардаги барча мутасадди раҳбарларнинг асосий вазифаларидан бири бўлмоғи лозим, деди Шавкат Мирзиёев.

Каналга уланиш:
@qibray_sadosi

​​#ЁҚИМЛИ_ИШТАҲА

МЕНЕМЕН – ТУРКЛАРНИНГ ШОҲОНА НОНУШТАСИ

Менемен нима эканлигини кўпчилигимиз биламиз. Турк сериалларини кўриш жараёнида буни билиб олганмиз. Мисол учун, Пўлат Аламдорга севгилиси Элиф ва дўсти Абдулҳайнинг пишириб берган менемени иштаҳа қўзғагани аниқ. Сиз ҳам ошхонангизда бу ёқимли таомни тайёрлашингиз мумкин.

Менемен тайёрлаш учун қуйидаги маҳсулотлар керак бўлади:

- Помидор – 400 гр
- Пиёз – 100 гр
- Булғори қалампири – 100 гр
- Тухум – 3 та
- Зайтун ёғи – 2 ош қошиқ
- Томат пастаси – 0,5-1 ош қошиқ
- Кўкатлар
- Туз
Тайёрлаш жараёни:

♦️Барча сабзавотларни тозалаб, тўртбурчак шаклда тўғранг.

♦️Ўртача оловда қизиган товага зайтун мойини солинг.

♦️Пиёзни товага солиб, тахминан, 5-7 дақиқа давомида тилларанг бўлгунча қовуринг.

♦️Пиёздан кейин булғори қалампирини қўшиб, юмшоқ бўлгунича қовуринг.

♦️Қовурилган пиёз ва булғори қалампирга тўғралган помидорни қўшинг.

♦️Сабзавотларга томат пастаси қўшиб аралаштиринг ва това қопқоғини 8-10 дақиқага ёпинг.

♦️Тухумни алоҳида идишга чақиб, санчқи билан атала ҳолига келтиринг.

♦️Товадаги сабзавотлар устига тухумни қўшиб, 5-10 сония аралаштиринг ва 1-2 дақиқа қовуринг.

♦️Кейин оловни ўчириб това қопқоғини 1-2 дақиқага ёпиб қўйинг.

Эслатма: Оловни ўчиришдан аввал тухум қотмаган ва бироз суюқ ҳолатда бўлиши муҳим.

ЁҚИМЛИ ИШТАҲА!

Каналга уланиш:
@qibray\_sadosi

АҚШнинг Сиэтл шаҳрида коронавирусга қарши вакцина илк бор соғлом инсонда – 44 ёшли Женнифер Халлерда синаб кўрилди. У вакцина олганидан кейинги ҳиссиётлари ва унинг таъсири тўғрисида The Telegraph нашри орқали ҳикоя қилди.

Халлернинг айтишича, мРНК-1273 рақамли вакцина грипп эмламасига ўхшайди. У вакцина қабул қилаётган вақтида ҳеч қандай оғриқ ёки нохушлик ҳис этмаганини айтди.

Аёл шунингдек, эмланганидан сўнг нималар юз берганини ҳам айтиб ўтди.

«Биринчи куни ҳароратим озгина кўтарилди. Иккинчи куни қўлим қаттиқ оғриди. Шу билан ҳаммаси ўтиб кетди», — деди у.

Нашрнинг ёзишича, хавфсизлик нуқтаи назаридан аёл карантинда қолган. Бир оз вақтдан кейин у ва тажрибада иштирок этаётган яна 44 киши қайтадан эмланади. Улар келгуси йилнинг баҳоригача шифокорлар кузатувида бўлади.

Аввалроқ мРНК-1273 вакцинаси ҳайвонларда синаб кўрилганди. Ижобий натижалардан сўнг уни инсонларда синаб кўришга қарор қилинди, деб ёзади The Telegraph.

Каналга уланиш:
@qibray_sadosi

#МУХИМ_МАЪЛУМОТЛАР

Ўзбекистонда коронавирус инфекцияси қайд этилганлар сони 61 нафарга кўпайиб, 1275 нафарни ташкил этмоқда.

Каналга уланиш:
#qibray_sadosi

Синовли оламда одам бўлайлик | "Адолат" СДП
https://adolat.uz/partiya/sinovli-olamda-odam-bolajl