⚡️Видеоселектор йиғилишида ҳар бир ҳудуд ўз хусусиятлари, касалликларнинг таркибига қараб, хусусий секторни жалб қилган ҳолда даволаш муассасаларини ташкил этиши белгиланди.

Мисол учун, ҳар юз минг кишига:
📌Фарғона ва Сирдарёда нафас йўллари,
📌Қашқадарёда эндокрин,
📌Тошкент шаҳрида ошқозон-ичак,
📌 Андижонда юрак қон-томир,
📌 Қорақалпоғистон ва Хоразмда буйрак касалликлари энг кўп қайд этилган.

✅Вилоят ҳокимларига Андижонда – кардиология, Бухоро ва Навоийда – ошқозон-ичак, Жиззах ва Сирдарёда – нафас йўллари, Қашқадарё ва Фарғонада – эндокрин, Самарқандда – гепатология, Наманган ва Сурхондарёда – асаб ва қон айланиши тизими, Қорақалпоғистон ва Хоразмда – буйрак, Тошкент вилоятида – офтальмология, Тошкент шаҳрида – онкология касалликлари бўйича илғор хорижий клиникалар филиалларини ташкил этиш вазифаси қўйилди.

▶️Бунда жойлардаги бўш турган коллеж ва лицейларнинг биноларидан самарали фойдаланиши зарурлиги таъкидланди.

❗️Ҳар бир вилоят ҳокими келгуси йил 1 июнга қадар ўз ҳудудида ташкил этилган ихтисослашган хорижий клиникалар фаолияти бўйича шахсан Президентга ахборот беради.

♻️Шунингдек, Сирдарёда таклиф этилаётган тизим асосида туман (шаҳар) тиббиёт бирлашмаларига ажратилаётган маблағлар доирасида, заруриятга қараб тор доирадаги мутахассис штатларини мустақил белгилаш ваколати берилади.

📌Ихтисослашган республика тиббиёт марказларини ҳудудий тиббиёт муассасалари билан боғлаш лозимлиги кўрсатилди.

🔺Марказлардаги мураккаб жарроҳлик амалиётлари, янги диагностика ва даволаш услублари вилоят, туман ва шаҳар шифохоналарига трансляция қилинади.

▶️@ssvuz

⚡️Давлатимиз раҳбари видеоселектор йиғилиши Тиббиёт ходимлари куни арафасида ўтказилаётганини таъкидлаб, соҳанинг барча вакилларини байрам билан табриклади.

– Бугунги давр талаби шундайки, байрам кунлари, тантанали айёмларда ҳам, ҳаётнинг ўзи олдимизга қўяётган турли муаммолар ҳақида ўйлашимиз, уларнинг самарали ечимларини топишимиз зарур. Барча соҳалар қатори тиббиёт тизими олдида ҳам ғоят мураккаб вазифалар юзага келмоқда. Инсон саломатлиги учун ўзини масъул ва жавобгар деб ҳисоблайдиган ҳар бир тиббиёт ходими билим ва малакасини доимий ошириб бориши, янги технологиялар ва даволаш усулларини ҳар томонлама пухта эгаллаши энг ўткир масалага, ҳаётий заруратга айланмоқда.

Аминманки, Абу Али ибн Синодек буюк аждодларимизнинг муносиб ворислари, Ўзбекистон тиббиёт мактаби анъаналарининг давомчилари бўлган сиз, азизлар, ўз фаолиятингизни ана шундай юксак мезонлар асосида ташкил этиб, олижаноб бурчингизни бундан буён ҳам шараф билан адо этасизлар, – деди Президент.

✅Соғлиқни сақлаш тизимини ривожлантириш, соҳа ходимларининг меҳнатини муносиб қадрлаш, малакали кадрлар тайёрлаш, хорижий тиббиёт марказлари ва олийгоҳлари билан илмий-амалий ҳамкорликни кучайтириш масалалари давлатимизнинг доимий эътиборида бўлиши таъкидланди.

🦠Пандемиянинг биринчи кунларидан бошлаб бу курашга 100 мингдан зиёд тиббиёт ходимлари сафарбар этилгани, улар ўзларини аямасдан, жонларини гаровга қўйиб, ҳақиқий қаҳрамонлик кўрсатаётгани эътироф этилди.

– Ишонаман, жонкуяр шифокорларимиз бугунги белгиланган вазифаларни ҳам фидойилик ва матонат билан, бор билим ва тажрибаларини ишга солиб, албатта уддалайдилар. Энг катта бойлик бўлган халқимиз саломатлигини сақлашда ҳақиқатда жонбозлик кўрсатадилар, – деди Шавкат Мирзиёев.

▶️@ssvuz

🔺2020 йил 6 ноябрь соат 23:00 ҳолатига кўра, Ўзбекистонда коронавирус инфекцияси қайд этилганлар сони 68 283 (+60) нафарни ташкил этмоқда.

🔴Янги касалланиш ҳолатларининг:
📌14 нафари Тошкент шаҳрида,
📌46 нафари Тошкент вилоятида коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

⚫️Шу билан бирга, 1 нафар коронавирусга чалинган бемор вафот этди.

♻️Бугун айни пайтга қадар:
📌Қорақалпоғистон Республикасида 5 нафар,
📌Андижон вилоятида 11 нафар,
📌Жиззах вилоятида 11 нафар,
📌Қашқадарё вилоятида 8 нафар,
📌Наманган вилоятида 9 нафар,
📌Сурхондарё вилоятида 4 нафар,
📌Фарғона вилоятида 8 нафар,
📌Тошкент вилоятида 55 нафар,
📌Тошкент шаҳрида 106 нафар бемор тузалди.

🟢Шундай қилиб, юртимизда 65 550 (+217) нафар коронавирус инфекциясига чалинган фуқаролар тузалди ва соғайиш кўрсаткичи 96 фоизни ташкил қилмоқда.

❗️Ҳозирда мамлакатимизда 2 153 нафар беморга шифокорларимиз томонидан белгиланган стандартлар бўйича даво чоралари кўрилмоқда.

Соғлиқни сақлаш вазирлиги
Жамоатчилик билан алоқалар бўлими.

Вазирлик расмий канали: @ssvuz

БУГУН ЮРТИМИЗДА 217 НАФАР БЕМОР КОРОНАВИРУСДАН СОҒАЙДИ

🔺Шу йилнинг 6 ноябрь куни мамлакатимизда 223 ҳолатда касаллик қайд этилди.

⚫️Шу билан бирга, бугун 1 нафар коронавирусга чалинган бемор вафот этиб, жами кўрсаткич 580 нафарга етди.

♻️Эътиборли жиҳати, бугун Тошкент шаҳри, Қорақалпоғистон Республикаси, Тошкент, Андижон, Жиззах, Наманган, Сурхондарё, Фарғона, Қашқадарё вилоятларида 217 нафар бемор тузалди.

🟢Ҳозирда касаллик қайд этилган жами 68 283 нафар бемордан 65 550 нафари соғайиб, даволаниш кўрсаткичи 96 фоизни ташкил этмоқда.

❗️Айни пайтда тиббиёт муассасаларида даволанаётган 2153 нафар бемордан 251 нафари оғир, 67 нафари эса ўта оғир аҳволда.

@ssvmatbuotkotibi

Президент: Тиббиёт ходимларининг маънавиятини, маърифатини, энг катта нарса, уларнинг манфаатини, ойлигини жойига қўйиб, уйлар қилиб бериб, шароит яратсак, улар ҳам жону дили билан халқимизга хизмат қилади
—
Президент: Если поднимем дух, просвещенность, самое главное, заинтересованность медицинских работников, обеспечим их достойными зарплатами, жильем, условиями, они с удовольствием будут служить нашему народу

▶️@ssvuz

Шавкат Мирзиёев: Ишонаман, жонкуяр шифокорларимиз белгиланган вазифаларни фидойилик ва матонат билан, албатта уддалайдилар

Бугун соғлиқни сақлаш тизимига бағишланган видеоселекторда айтилган энг муҳим фикрлар:

👉 Умумий амалиёт шифокори оилавий шифокорга айлантирилади.
Батафсил

👉 Оилавий шифокорга ёрдам берадиган ўрта тиббиёт ходимларидан иборат терапия, педиатрия, акушерлик ва патронаж бўйича “тиббиёт бригадалари” ташкил этилади.
Батафсил

👉 Бирламчи бўғин шифокорларига ипотека уйлари ажратилади.
Батафсил

👉 Олис ва чекка ҳудудлардаги бирламчи бўғин тизимига ишга қабул қилинган тиббиёт ходимларига 30 миллион сўм миқдорида бир марталик пул маблағи, хизмат уй-жойи билан таъминланади ёки ижара тўловини компенсация қилинади.
Батафсил

👉 Энди оилавий шифокор аҳолига қанча кўп хизмат кўрсатса, бригадаси билан шунча кўп ойлик олади.
Батафсил

👉 Аҳолининг саломатлик ҳолати баҳоланиб, электрон базаси яратилади. Бунинг учун тиббиёт ходимлари планшет, мобил диагностика воситалари билан таъминланади.
Батафсил

👉 Шифокорларни қоғозбозликдан халос этиш учун жараёнлар рақамлаштирилади. Мисол учун, ҳозир битта шифокор иш кунининг 60 фоизини 10-15 та қоғоз ҳисоботларни тўлдиришга сарфлайди.
Батафсил

👉 Тиббиёт олий ўқув юртлари ҳудудларга бириктирилади. Қайси ОТМ қайси ҳудудга бириктирилиши ҳам эълон қилинди.
Батафсил

❗️ Энди врач, касалхона, поликлиникалар бош шифокорларлари ёки бошқа тиббиёт ходимлари бирорта қўшимча ишга жалб қилинмайди.
Батафсил

👉 Ҳар бир вилоятда Сирдарё тажрибаси асосида “тиббиёт кластерлари” ташкил этилади.
Батафсил

👉 2021 йил 1 июндан бошлаб 6 хил тоифадаги аҳоли бепул дори воситалари ва витаминлар билан таъминланади. Кимлар қандай дорини бепул олиши ҳам эълон қилинди.
Батафсил

👉 «Қачонгача одамлар даволаниш учун пойтахтга қатнаши керак?», - деди Шавкат Мирзиёев. Тошкентдаги 17 та ихтисослашган республика тиббиёт марказларининг минтақавий филиаллари ташкил этилади. Қайси ҳудудда қандай касалликка ихтисослашган марказ очилиши маълум қилинди.
Батафсил

👉 Тиббий хизматлар ва дори воситалари пакетларини молиялаштирувчи Жамғарма ташкил қилинади.
Батафсил

👉 Коррупцияга қарши курашиш агентлиги соғлиқни тиббиёт муассасаларини коррупциядан тозалайди, ҳар бир шифохона раҳбарининг ўз вазифасига лойиқ эканини ўрганади.
Батафсил

👉 Президент Тиббиёт ходимлари куни муносабати билан соҳанинг барча вакилларини табриклади.
Батафсил


Каналга уланиш:
➡️ @uzauz

«2020 ЙИЛНИНГ ЭНГ НАМУНАЛИ ВАЗИРЛИГИ»

Бу йил соғлиқни сақлаш тизими учун оғир йил бўлиб тарихга киради. Шундай бўлса-да, тиббиёт ходимларининг саъй-ҳаракатлари билан минглаб инсонлар коронавирусдан соғайиб, фаол ҳаётга қайтишди. Ўз ҳаётини хавф остига қўйиб, муқаддас шифокорлик бурчини виждонан адо этишда жасорат кўрсатаётган минг-минглаб шундай инсонлар фаолияти ҳар қанча эътирофга арзийди.

Шу каби жонкуярлар меҳнатини муносиб баҳолаш учун жамоатчилик сўровномасида иштирок этинг ва Соғлиқни сақлаш вазирлиги учун овоз беринг!

Овоз бериш учун бу ерга киринг⤵️

84 НАФАР КИШИДА КОРОНАВИРУС ҚАЙД ЭТИЛДИ

🔺2020 йил 7 ноябрь соат 10:30 ҳолатига кўра, Ўзбекистонда коронавирус инфекцияси қайд этилганлар сони 68 367 (+84) нафарни ташкил этмоқда.

🔴Янги касалланиш ҳолатларининг
📌3 нафари Қорақалпоғистон Республикасида,
📌14 нафари Андижон вилоятида,
📌 5 нафари Бухоро вилоятида,
📌8 нафари Жиззах вилоятида,
📌6 нафари Қашқадарё вилоятида,
📌8 нафари Наманган вилоятида,
📌4 нафари Самарқанд вилоятида,
📌8 нафари Сурхондарё вилоятида,
📌8 нафари Тошкент вилоятида,
📌20 нафари Тошкент шаҳрида коронавирус билан касалланган беморлар билан мулоқотда бўлганлиги учун намуна олинган фуқаролар орасида аниқланган.

⚫️Шу билан бирга, 1 нафар коронавирусга чалинган бемор вафот этди.

🟢Айни пайтда юртимизда 65 550 нафар коронавирус инфекциясига чалинган фуқаролар (96 фоиз) соғайган.

❗️Ҳозирда мамлакатимизда 2 236 нафар беморга шифокорларимиз томонидан белгиланган стандартлар бўйича даво чоралари кўрилмоқда.

Соғлиқни сақлаш вазирлиги
Жамоатчилик билан алоқалар бўлими.

Вазирлик расмий канали: @ssvuz

​​ГЕРАЛЬД РИПБЕРГЕР: “Ўзбекистондаги даволаш протоколлари Германияникидан деярли фарқ қилмайди ”

Германиянинг нуфузли Роберт Кох институтининг тажрибали мутахассисларидан иборат тиббий гуруҳ коронавирусга қарши курашда юртимиз шифокорларига яқиндан кўмак бериш ва ўзаро тажриба алмашиш мақсадида Ўзбекистонда бўлиб туришибди. Ушбу делегация раҳбари Геральд Рипбергернинг юртимиздаги пандемик вазият борасидаги фикрлари билан қизиқдик (1-қисм):

— Ўзбекистонга келган биринчи делегациямиз кўпроқ бу ердаги вазият билан танишишга эътибор берган бўлса, биз (иккинчи делегация вакиллари) тиббиёт тизимини бошқариш соҳасида ҳамкорлик олиб бориш йўналишида аниқ дастурлар билан келдик.

Бир ҳафта давомида қатор тиббиёт муассасаларида бўлдик. Шунингдек, коронавирус инфекциясини даволашга ихтисослаштирилган шифохоналар фаолияти билан ҳам танишдик. Тиббиёт ходимларининг “COVID-19”га қарши кураш бўйича олиб бораётган ишларини кузатиб, таҳлил қилмоқдамиз. Тўғриси, бу ерда кўрганларимиз бизни ҳайратга ҳам солди.

Коронавирусга қарши кураш чораларига давлат даражасида эътибор берилиши, вируснинг тарқалишини бирмунча жиловлай олишга имкон берганига гувоҳ бўлдик. Инфекцияга чалинган беморларни даволаш стандартлари ва протоколнинг охирги — еттинчи нашрини ҳам кўздан кечирдик. Айрим жиҳатларни инобатга олмаганда, Германияда “COVID-19” билан касалланганларни даволаш протоколининг охирги нашридан фарқ қилмайди.

Ўзбекистонлик ҳамкасбларимизнинг тажрибаси шундай мураккаб вазиятда ҳалқаро ҳамкорликнинг ўрни беқиёс эканини исботламоқда. Ушбу касалликни даволаш бўйича йиққан бир неча ойлик тажрибамизни бўлишиб биз биргаликда ҳаракат қилишимиз жуда муҳим.

Шошилинч тиббий хизмат соҳаси вакили сифатида Республика шошилинч тиббий ёрдам илмий маркази билан танишишга қизиққанимда унинг биносининг конструкцияси, архитектураси, реанимация бўлимларининг тузилиши Германиянинг клиникаларига ўхшаб кетишини сездим. Суриштирсам, ушбу марказ немис модели бўйича қурилган экан. Бу ерда кўрсатилаётган хизмат даражаси ҳам юқори экани бизни қувонтирди.

Ўзбекистонлик ҳамкасбларимизга коронавирус инфекцияси билан касалланган, реанимация бўлимларида сунъий нафас бериш аппаратида ётган беморларнинг қон таҳлиллари натижаларини уч дақиқа давомида чиқариб берувчи 5 дона мобил техникани тақдим этдик. Бу ускуна ёрдамида шифокорларингиз беморларга янада тезкор тиббий ёрдам бера оладилар, деган умиддамиз.

Соғлиқни сақлаш вазирлиги
Жамоатчилик билан алоқалар бўлими.

Вазирлик расмий канали: @ssvuz