Маҳаллаларни қўллаб-қувватлаш бўйича устувор вазифалар таҳлил этилди

Давлатимиз раҳбари томонидан аҳолининг фаровон турмуш даражасини ошириш бўйича маҳаллалар фаолиятини янада такомиллаштириш борасида олиб бораётган ислоҳотлари жойларда ўз амалий натижаларини бериб келмоқда.

Шу боис бугун вилоят ҳокими Муротжон Азимов раҳбарлигида маҳаллани қўллаб-қувватлаш кенгашининг йиғилиши бўлиб ўтди. Видео алоқа тарзида ўтказилган йиғилишда соҳа масъуллари ва 828 та маҳалла еттилиги иштирок этди.

Йиғилишда маҳалла “еттилиги”нинг вилоят бошқармалари томонидан 2024 йилда аҳоли бандлигини таъминлаш, камбағалликни қисқартириш, жиноятчилик ва оилавий ажримларни олдини олиш ҳамда миграциядан ҳоли ҳудудга айлантириш бўйича амалга оширилган ишлар ва 2025 йилги устувор вазифалар тўғрисида сўз борди.

Зероки, президентимизнинг “Маҳалла – тинчлик ва осойишталик пойдевори, аҳиллик ва ҳамжиҳатлик, маърифат ва тарбия қўрғонидир, маҳалла обод бўлса – юрт обод бўлади. Маҳаллада ўзгариш бўлса, бутун жамият ўзгаради” деган фикрлари бежиз эмас албатта.

Telegram|YouTube|Facebook|Instagram|X