#tadbir

⚡️Maxtumquli – o‘zbek va turkman xalqlarining do‘stligi ramzi

Bugun Qarshi shahar Madaniyat markazida Respublika ma’naviyat va maʼrifat markazi Qarshi shahar boʻlinmasi, “Oltin me’ros” xalqaro xayriya jamoat fondi viloyat boshqarmasi, Qarshi shahar madaniyat boʻlimi, “Nuroniy” jamgʻarmasi Qarshi shahar boʻlimi, Qarshi ixtisoslashtirilgan san’at maktabi va Qarshi davlat universiteti Jahon tarixi kafedrasi hamkorligida ulug’ turkman shoiri va mutafakkiri Maxtumquli Firog’iy tavalludining 300 yilligiga bag’ishlab “Maxtumquli - Vatan va xalq kuychisi” deb nomlangan ma’naviy-ma’rifiy tadbir o‘tkazildi.

Ma’ruzalarda Maxtumquli Firog‘iy ijodining betakrorligi, o‘ziga xos jihatlari, shuningdek, o‘zbek va turkman xalqlari o‘rtasidagi do‘stlik aloqalarini mustahkamlashda shoir ma’naviy merosining tutgan o‘rni beqiyos ekaniga e’tibor qaratildi. Kecha davomida mutafakkir she’rlari asosida yaratilgan qo‘shiqlar ijro etildi.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸  Instagram

#final2024 #Samarqand
#talabalar_teatr_studiyasi

Joriy yilning 5-7 iyun kunlari Samarqand shahrida “Talabalar teatr studiyalari” koʻrik-tanlovining final bosqichi bo‘lib o‘tmoqda. Finalning ilk kunida 5 ta oliy ta’lim muassasalarining talabalar teatr studiyasi jamoalari o‘z spektakllarini namoyish etishdi.

“Talabalar teatr studiyalari” finalining 2-kunida Qarshi davlat universitetining "Qaqnus" talabalar teatr-studiyasi Nikolay Gogolning "Tentakning yozmalari" asari asosida sahnalashtirilgan spektakli bilan ishtirok etib, yig‘ilganlar olqishiga sazovor bo‘ldi.

Jamoamizga omad tilaymiz!

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸  Instagram

#Turkiya_universitet #stajirovka

Ayni kunlarda Qarshi davlat universiteti professor-o‘qituvchilaridan iborat guruh Turkiya davlati Chanakkale Onsekiz Mart universitetida stajirovka o‘tashmoqda. Stajirovkaning dastlabki kunida Qarshi davlat universiteti o‘qituvchilarini hamkor universitet rektori, professor Ramazan Guneyt Erenoglu qabul qildi.

Muloqot davomida joriy yil boshida Qarshi davlat universiteti bilan tuzilgan memorandumga asosan ilmiy tadqiqotlar va akademik faoliyatga oid ilmiy tajriba hamda ma’lumotlar almashinuvi, qo‘shma ilmiy-tadqiqot loyihalarida ishtirok etish, hamkorlikda darsliklar, o‘quv qo‘llanmalar va ilmiy maqolalar nashr etish, xalqaro konferensiyalar tashkil etish borasida fikr-mulohazalar bildirildi.

Shuningdek, universitetning O‘quv ishlari bo‘yicha prorektori, professor Dinchay Ko‘ksal stajirovka dasturida ko‘zda tutilgan vazifalar xususida suhbatlashdi. Uchrashuvlar do‘stona va iliq munosabat asosida o‘tib, stajyorlar uchun barcha shart-sharoitlar yaratib berildi. Tomonlar o‘zaro esdalik sovg‘alari almashdilar. Stajirovka davom etmoqda.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸  Instagram