📌Turmush o‘rtog‘ining kontrakt to‘lovini to‘laganda daromad solig‘i to‘lamasligi aytilgandi, shu tartib kuchga kirganmi?

✅ JAVOB: Ha, bu imtiyoz kuchga kirgan.

Soliq kodeksining 378-moddasi 16-bandiga ko‘ra soliq to‘lovchining:
➖ professional ta’lim tashkilotlarida;
➖ oliy ta’lim tashkilotlarida ta’lim olish uchun to‘lovga yo‘naltiriladigan, soliq solinishi lozim bo‘lgan ish haqi va boshqa daromadlariga soliq solinmaydi.

✅ Bu imtiyoz soliq to‘lovchi:
➖ o‘zi uchun;
➖ 26 yoshga to‘lmagan farzandlari uchun;
➖ 26 yoshga to‘lmagan turmush o‘rtog‘i (eri yoki xotini) uchun kontrakt to‘lovlarini amalga oshirgan summasiga qo‘llaniladi. 

✅ Mazkur imtiyoz soliq to‘lovchining professional va oliy ta’lim tashkilotlarida o‘qish uchun tijorat banklari ajratgan ta’lim kreditlarini (foizlari bilan) qoplashga yo‘naltirilgan daromadlariga nisbatan ham qo‘llaniladi.

❌ Bu imtiyoz soliq to‘lovchining aka-ukasi, opa-singlisi, kelini yoki kuyovi uchun qo‘llanilmaydi.

👉@qarduuz 👈

📌Talaba almashinuvi yoki akademik mobillik

⚡️ Akademik mobillik – talaba yoki o'qituvchilarning mamlakatidagi yoki xorijdagi OTMlarda kelishuv asosida ma'lum muddat o'qish yoki dars berishini anglatadi.

🎓 Mobil talabalar, asosan, 2 guruhga bo‘linadi:
🟢erkin harakatlanuvchilar – bunday turdagi talabalar o'z xohish va tashabbuslari bilan ta'lim olish uchun boshqa hududlarga borishadi;
🟢dastur doirasidagi talabalar – bunda OTMning o'zi yoki uning biror fakulteti boshqa OTM bilan kelishgan holda talabalar uchun o'zaro almashinuv dasturlarini amalga oshiradi. Dasturlar milliy va xalqaro darajada ham bo'lishi mumkin.

🔅 Talabalar ma'lum muddat boshqa bir OTMda o'qishi uchun eng katta imkoniyat – talaba almashinuv dasturlari hisoblanadi.

✔️ Bunda talaba o'zi o'qiyotgan OTM bilan hamkor bo'lgan xorij yoki boshqa viloyatdagi OTMlaridan birida ma'lum muddat o'qib qaytishi mumkin.

Almashinuv dasturlari qisqa – 1 haftadan 3 oygacha, uzoq – 6 oydan bir yilgacha bo'lishi mumkin.

📃 Talabalarni o'zaro almashtirish dasturi – bu turli ta'lim muassalari o'rtasida talabalarni o'zaro ma'lum muddatga almashtirish bo'yicha tuziladigan kelishuvdur. Bu kabi dasturlar oliygoh talabalarini 1 yoki 2 o'quv semestri davomida xorijda o'qish imkonini beradi. Talabalar almashinuvi oliygohlar orasida tuzilgan hamkorlik shartnomalari asosida amalga oshiriladi.

Bu orqali talaba boshqa viloyat yoki xorijiy OTMda bilim almashish imkoniyatiga ega bo'ladi.

👉@qarduuz 👈