#munosabat

Davlatimiz rahbarining Oliy Majlis va O‘zbekiston xalqiga yo‘llagan Murojaatnomasi Yangi O‘zbekistonni barpo etish yo‘lidagi keng ko‘lamli islohotlarning izchil davomidir. Murojaatnomada mamlakatimiz taraqqiyotini ta’minlash, inson qadrini yuksaltirish va yoshlar salohiyatini to‘liq ro‘yobga chiqarishga qaratilgan ustuvor vazifalar aniq belgilab berildi.

Murojaatnomada davlatimiz rahbari O‘zbekiston yoshlarining ilm-fan, ta’lim, sport, madaniyat va san’at, axborot texnologiyalari sohalarida erishayotgan yutuqlarini alohida faxr bilan e’tirof etdi. Prezidentimiz yoshlarimiz bugun xalqaro olimpiadalar, nufuzli musobaqalar va tanlovlarda yuqori natijalarni qayd etib, Vatanimiz bayrog‘ini yuksaklarga koʻtarayotganini ta’kidlar ekan, ularning salohiyatiga yuksak baho berdi. Shu bilan birga, yoshlarimizning dunyo yoshlaridan kam bo‘lmasdan, balki bir pog‘ona ustun bo‘lib kamol topishlari uchun barcha zarur shart-sharoitlarni yaratish davlat siyosatining ustuvor yo‘nalishi bo‘lib qolishini qat’iy qayd etdi.

Murojaatnomada Prezidentimiz tomonidan 2026-yil “Mahallani rivojlantirish va jamiyatni yuksaltirish yili” deb e’lon qilinishi mahallaning jamiyat hayotidagi o‘rni va ahamiyatini yanada oshirishga qaratilgan muhim va tarixiy qaror bo‘ldi. Mahalla – jamiyatimizning tayanchi, ijtimoiy barqarorlik va totuvlikni ta’minlovchi muhim institut bo‘lib, undagi har bir tashabbus, avvalo, inson manfaatlariga xizmat qiladi.

Davlatimiz rahbari tomonidan mahallalarda yoshlar bilan ishlash tizimini tubdan takomillashtirish, yoshlar muammolarini bevosita joyida hal etish maqsadida joriy etilgan yoshlar yetakchilari instituti bugungi kunda yoshlar siyosatini amalga oshirishning eng muhim va samarali bo‘g‘iniga aylanib bormoqda. Mahallalarda faoliyat yuritayotgan yoshlar yetakchilari yoshlarning bandligini ta’minlash, ularni kasb-hunar va tadbirkorlikka yo‘naltirish, ma’naviy-ma’rifiy ishlarni kuchaytirish hamda ijtimoiy faolligini oshirishda muhim vazifalarni amalga oshirmoqda.

Andijon viloyati Yoshlar ishlari boshqarmasi davlatimiz rahbarining ushbu tashabbuslariga to‘liq qoʻllab-quvvatlab, 2026-yilda mahalla tizimida yoshlar bilan ishlashni yangi bosqichga olib chiqishga qaratilgan kompleks chora-tadbirlarni izchil amalga oshiradi. Xususan, yoshlar yetakchilarining kasbiy salohiyatini oshirish, ularni zamonaviy bilim va ko‘nikmalar qurollantirish, mahallalarda yoshlarning bandligini oshirish, bo‘sh vaqtini mazmunli tashkil etish, ijtimoiy himoyaga muhtoj yoshlar bilan manzilli ishlashga alohida e’tibor qaratiladi.

Ishonch bilan aytish mumkinki, Andijon viloyati yoshlari mahallalarda amalga oshirilayotgan islohotlarda faol ishtirok etib, Prezidentimizning yuksak ishonchini oqlashga, mahalla tizimini rivojlantirish va jamiyatni yuksaltirishga munosib hissa qo‘shadi. Yoshlar ishlari boshqarmasi bundan buyon ham yoshlarning tashabbus va g‘oyalarini qo‘llab-quvvatlash, ularni jamiyat hayotiga faol jalb etishni o‘zining ustuvor vazifasi deb biladi.

Akmaljon Tangirqulov,
Andijon viloyati Yoshlar ishlari boshqarmasi boshligʻi

Telegram | Instagram | Facebook

Hurmatli yoshlar.
30-dekabr kuni tuman markaziy archasida yangi yil bayram dasturi bo'lib o'tadi. Barcha yoshlarni bayram dasturida kutib qolamiz.