“Jurnalist yoki bloger matbuotda gapirgan gapi uchun qamalishi kerak emas!” - Komil Allamjonov.

“Ular” loyihasining navbatdagi soni eʼlon qilindi, Komil Allamjonov bilan boʻlgan suhbatni quyidagi havola orqali toʻliq koʻrishingiz mumkin:

https://www.youtube.com/watch?v=MW7-XUBahIM

Tengdoshlarimiz ichida kimlarni o'qiyman?

📝 Jurnalist Alisher Ro'zioxunov
👩🏻‍💻 Marketolog Samira Latipova
🖥 Bloger-dizayner Nurjahon Farmonov
📝 Jurnalist-bloger Mirzayor Erkinov
📝 Jurnalist Feruza Avazova
📲 Bloger Hikmatilla Po'latov
📲 Bloger Kapgir'
📝 Jurnalist Saidaziz A'zamov
📲 Bloger Javohir Abdullayev
🖥 Dasturchi-dizayner Murodxo'ja Murodov

Jurnalist Shuhrat Latipov ham Telegramda kanal ochsa zo'r bo'lardi. Mayli, Shuhrat, bu shunchaki taklif. 🙂

​Alisher Qodirovning Surxondaryo viloyati, Oltinsoy tumanida roʻy bergan nizoga munosabati ijtimoiy tarmoqlarda keng muhokamalarga sabab boʻlmoqda.

“Surxondaryo viloyati, Oltinsoy tumanida bir guruh fuqarolar tomonidan amalga oshirilgan qoʻpol qonun buzilishi, jamoat tartibiga putur yetkazish harakatlari qonunlarimizga ham, qadriyatlarimizga ham zid boʻlgan jinoyat sifatida baholanishi kerak”.

Siz jinoyatchi, deb aytayotgan oʻsha fuqarolar, oʻzidan oʻzi davlat xodimni kaltaklab ketmagandir? Albatta, davlat xodimni kaltaklash toʻgʻri emas! Lekin kaltaklaganlar, qonunlarni qoʻpol buzganlar faqat oddiy fuqarolar emasdir? Rasm, videolarni koʻrgandirsiz, yuzi qonga belangan fuqarolar...

Alisher aka, siz birinchi navbatda xalqni himoya qilishingiz kerak! Chunki oʻsha “jinoyatchilar” sizni saylagan. Ha, aytgancha, siz meni saylamagansiz, bundan keyin ham saylamaysiz, deb yozibsiz. Alisher aka, sizni unda kim sayladi?

Nega fuqarolarni jinoyatchiga chiqardingiz? Tergov boʻldimi? Sud hukmi oʻqildimi? Qonunchilikni mendan koʻra yaxshi bilasiz! Menga sizning yondashuvingiz umuman maʼqul kelmadi. Qars ikki qoʻldan chiqadi. Bir tomonni aybdor sanash, siz rahbarlik qilayotgan partiyani qarashlariga ham toʻgʻri keladimi? Aybdor kimligini bilsangiz, hujjat bilan isbotlab yozing.

“AQSHda koʻrsatma bajarilmasa, otib tashlash huquqi berilgan. Bizda unday emas-ku!”
AQSHda xususiy mulk dahlsizligi bor! Shu gapni oʻzi yetadi, menimcha.

“Men sizni umidvor qilmaganman, mendan hech narsa kutmang”.
Alisher aka, shundoq ham sizdan umidimiz katta emas edi. Bu gapingizdan keyin o‘ylab qoldim, sizdan hech narsa kutmas ekanmiz, nima qilib Milliy tiklanish demokratik partiyasi yetakchisi boʻlib oʻtiribsiz? Xalqning soliq pullaridan moliyalashtirilayotgan partiyangiz unda nimaga kerak? Fikrlashingizni oʻzgartiring, xalq sizga dushman emas. Yana oʻzingiz bilasiz...

@pulatov_kh

Kecha, Surxondaryo viloyati Oltinsoy tumanida fuqarolar va ichki ishlar xodimlari oʻrtasida janjal kelib chiqqanligi sababli Surxondaryo viloyat hokimi Toʻra Bobolov holatni oʻrganish uchun “Xalqobod“ mahallasiga tashrif buyurib, aholi bilan yuzma-yuz uchrashibdi.

@pulatov_kh

Oliy Majlis Senati raisi, O‘zbekistondagi eng yetuk ayol siyosatchilardan biri Tanzila Kamalovna Norbayeva Instagramda rasmiy sahifa ochibdilar.

Tanzila opa kabi yuqori martabali amaldorlarning Instagramda sahifa yurita boshlaganini faqat va faqat olqishlash mumkin.

Ularni kuzatish barcha uchun qiziq bo‘ladi.
https://instagram.com/tanzilanarbaeva

Telegram messendjeri kanallar, botlar yoki katta faol guruhlarga «rasmiy» maqomini berish qoidalarini e’lon qildi.

Qoidaga ko‘ra Telegram kanal yoki guruh egasining Youtube, Twitter, Facebook yoki Instagrammdagi sahifalari rasmiy maqomga ega bo‘lishi shart.

Agar qaysidur ijtimoiy tarmoqda sahifangiz bo‘lmasa, «Vikipediya»da sahifangiz bo‘lishi kerak va u yerda sahifalaringizga havola ko‘rsatilgan bo‘lishi lozim.

@pulatov_kh

Сиздаям шундай бўлиб турадими? Масалан, нотаниш бир инсон сизга ёзади:

- Салом брат, яхшимисиз? Битта савол берсам майлими?

- Ваалайкум ассалом, - дейсиз жавобан, - албатта, бўлади. Бераверинг.

- Билмайсизми брат, квант механикаси ва умумий нисбийлик назариясини ягона ўзига мос келадиган назарияга бирлаштириш мумкинми?

- ??????


Блогерни леббой саволнинг жавобини билади, деб ўйлашади-ей шунақа инсонлар)

Chellendj qabul qilindi.😉

Men ham el qatori boshqa ishga o'tdim. Loukoster ochaman✊


@pulatov_kh

Tuhmat va haqorat uchun jinoiy javobgarlikni yengillashtirish yuzasidan

O‘zbekiston Respublikasi Prezidentining 2019-yil 13-dekabrdagi PQ-4551-sonli qarori asosida Axborot va ommaviy kommunikatsiyalar agentligi tuhmat va haqorat uchun ozodlikdan mahrum qilish bilan bog‘liq bo‘lgan jinoiy jazo turini tayinlashni bekor qilish yuzasidan takliflar ishlab chiqib, jamoatchilik muhokamasi uchun e’lon qilgan edi.

Fuqarolik jamiyatining vakili sifatida Milliy mass-mediani qo‘llab-quvvatlash va rivojlantirish jamoat fondi tuhmat yoki haqoratning har qanday shakli uchun ozodlikdan mahrum qilish tarzidagi jazoning bekor qilinayotganini to‘liq qo‘llab-quvvatlaydi.

Shuningdek, fond tomonidan tashkil etilgan ishchi guruhdagi jurnalist va blogerlarning fikrlarini inobatga olib, tuhmat yoki haqoratga oid jinoiy javobgarlikni belgilash masalasi yuzasidan yana quyidagi takliflarni bildirmoqchimiz:

Bizning fikrimizcha, eng avvalo ommaviy axborot vositalari orqali tuhmat yoki haqorat qilganlik uchun Jinoyat kodeksida belgilangan alohida og‘irlashtiruvchi qismni chiqarib tashlash lozim. Hozirgi holatda OAV orqali qilingan tuhmat yoki haqorat to‘g‘ridan-to‘g‘ri jinoiy javobgarlikka tortish uchun asos bo‘ladi. Mazkur og‘irlashtiruvchi qismni chiqarib tashlab, jurnalistlar uchun dastlab jinoiy emas, balki ma’muriy javobgarlikni belgilash maqsadga muvofiq bo‘lar edi.

Ikkinchidan, amaldagi Jinoyat kodeksida tuhmat yoki haqorat uchun belgilangan jarima jazosi miqdorlari juda katta. Jumladan, umumiy holatda 44 mln so‘mgacha, og‘irlashtiruvchi holatda esa 133 mln so‘mgacha jarima belgilangan. Shu sababli mazkur jarima miqdorlarini keskin kamaytirish maqsadga muvofiq.

Uchinchidan, amaldagi qonunchilikda haqorat qilish jabrlanuvchini o‘z xizmat yoki fuqarolik burchini bajarishi munosabati bilan bog‘liq holda sodir etilgan bo‘lsa, bu og‘irlashtiruvchi band sifatida to‘g‘ridan-to‘g‘ri jinoiy javobgarlikka tortish uchun asos bo‘ladi. Lekin aksincha o‘z xizmat burchini bajarayotgan shaxslar boshqa fuqarolarni haqorat qilsa, bu dastlab ma’muriy javobgarlikni keltirib chiqaradi. Ushbu holat ijtimoiy adolat nuqtai nazaridan qayta ko‘rib chiqilishi va mazkur kichik bandni chiqarib tashlash taklif etiladi.


@massmediauz

Мен кўп бора гапирадиган, иқтибослар келтирадиган Алишка Қаҳҳор телеграм канал очипти. Миянгиз дам олиб, кучли сатирадан баҳраманд бўлмоқчи бўлсангиз обуна бўлинг. Эслатма: унинг юмори ҳамма учун ҳам эмас

https://t.iss.one/alikaxxorov

#tavsiya

Telegram Qo‘llab-quvvatlash Markazi vakilining norasmiy kanaliga xush kelibsiz.

Faqat ishonchli ma’lumot.

https://t.iss.one/TeleUz

​Amanda Bennett - amerikalik jurnalist va yozuvchi. U ikkita gazeta - The Philadelphia Inquirer va Lexington Herald-Leader"ning sobiq muharriri, shuningdek, oltita mashhur ilmiy-ommabop kitob muallifi hisoblanadi. Hozirda Amanda Amerika ovozi xalqaro radiosi direktori bo‘lib ishlaydi.

Quyidagi videotasvirda u dip-feyk texnologiyasining nimalarga qodirligini ko‘rsatib bergan. Neyrotexnologiya yordamida u yuz qiyofasini osongina AQSHning sobiq birinchi xonimi Mishel Obama qiyofasiga o‘zgartirdi.

Neyron tarmoqlari juda ko‘p funksiyalarni amalga oshira oladi, masalan, umuman mavjud bo‘lmagan odamlarni noldan yaratish imkoniyatiga ega. Qolaversa, siyosiy nuqtai nazardan yana-da muhim tomoni, haqiqiy videoga, aytaylik, prezident nutqiga u aytmagan so‘z va iboralarni sezdirmay kiritish mumkin.

Hozirgi geosiyosiy holatda esa ushbu texnologiya juda katta kuchga aylanmoqda va ekspertlar gap nimadaligini aniqlashguncha, bu video va audioyozuvlar kutilmagan shov-shuvlarga sabab bo‘lishi mumkin.

Rossiyalik mashhur rejissyor Timur Bekmambetov ham ushbu texnologiya haqida ma’lum qilgan edi.
Uning aytishicha, neyron tarmoqlar ansabli asosida har qanday ovozni ko‘chirish va undan istalganday foydalanish mumkin. Ovozni sintezlash uchun neyrotarmoqlar ovoz egasi audioyozuvi va o‘qishi lozim bo‘lgan raqamlashtirilgan matnni bir necha soat tahlil qilishi kerak. Loyiha yaratuvchilari Vera Voice ishlash tartibini Kseniya Sobchak, Vladimir Pozner va Vladimir Putin misolida ko‘rsatib berishgan.

@pulatov_kh

Ўзбекистон Ёшлар Иттифоқи Марказий Кенгаш раисининг “5 та муҳим ташаббус” тарғиботи, “Ёшлар пресс-клуби” лойиҳаси, инқирозий пиар менежмент бўйича маслаҳатчиси тайинланди.

Ушбу лавозимга бунга қадар Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги ахборот хизмати раҳбари лавозимида фаолият юритган Хикматилла Убайдуллаев тасдиқланди.

Каналга уланиш👇
https://t.iss.one/joinchat/AAAAAE6430Ebssbs5gEbow

Biz o‘zbeklarda “ajoyib” odat bor. Biror tanishimizni ko‘rsak, o‘pishib so‘rashamiz. Umuman, ayollar ayollar bilan, hatto erkaklar ayollar bilan ham shu ko‘rinishda salomlashganiga tez-tez guvoh bo‘lamiz. Fikrimcha, bu narsa noto‘g‘ri. Nega?

Birinchidan, har bir insonning og‘iz bo‘shlig‘ida yuzlab xildagi bakteriyalar bo‘ladi. Gigiyena va etika jihatdan bu noto‘g‘ri narsa. 2009-yili e’lon qilingan “O‘lim bo‘sasi” sarlavhali ilmiy maqolada 23 yoshli yigitning sayohat payti bemor ayol bilan o‘pishib ko‘rishishi natijasida oddiy gerpes virusini yuqtirib, fulminant gepatitiga yo‘liqqani va hayotdan ko‘z yumgani aytiladi. Tadqiqotlarda V gepatitining bo‘salar orqali yuqish hollari ham qayd etilgan. Hatto 1997-yili stomatologik periodontit bilan xastalangan bir ayol bo‘sa orqali OITS xastaligini orttirgan.

Ikkinchidan, o‘tgan asrning yetmishinchi yillariga doir xronika lavhalarini kuzatsak, sobiq ittifoqning yuqori lavozimdagi korchalonlari bir-birlari bilan quchoqlashib, o‘pishib ko‘rishishgan. Bu qiliq o'sha davr odamlari uchun oddiy hol bo‘lib, rahbarlar, partiya tashkilotlarida odat tusini olgan. Bugun, ayniqsa, yoshlarimiz orasida ko‘p kuzatilayotgan o‘pishib ko‘rishish odatini Yevropa madaniyatiga xos va qisman sobiq tuzum sarqiti, deb qarasak noto‘g‘ri bo‘lmasa kerak. 

Uchinchidan, Shayx Muhammad Sodiq Muhammad Yusuf hazratlari aytganlaridek, o‘pishib salomlashishning hech biri shariatga ham to‘g‘ri kelmaydi. Erkak bilan erkak bo‘ladimi, ayol bilan ayol bo‘ladimi hech birining bunday salomlashishi shariatda yo‘q va mumkin emas.

O‘zJOKU rektori Sherzodxon Qudratxo‘jayevning buyrug‘iga ko‘ra, universitetda har qanday taktik aloqa shakllari taqiqlanadi. Bundan maqsad yuqumli kasalliklardan saqlanish.

O‘zini asraganni Xudo asraydi, deb bejiz aytishmaydi. Sherzodxon Qudratxo‘jayev ko‘pchilik rektorlarga o‘rnak bo‘ladigan qaror qilgan. Turli xil yuqumli kasalliklarning oldini olish uchun faqatgina o‘z salomatligingiz va yaqinlaringizning salomatligi uchun o‘pishib salomlashishdan voz kechish kerakdir. Zero, o‘z salomatligingiz uchun befarq bo‘lmang.

@pulatov_kh