АОКА матбуот котиби сифатида иш юритган давримда, журналист ва блогерлар билан бирга ишладим, улар дуч келаётган муаммоларни ҳал этишга ҳаракат қилиб келдик. Ана энди ўзим ҳам шу йўлни танламоқчиман. Қизиқ...

@pulatov_kh

Бугуннинг ҳақиқати шундай: агар сиз юқори лавозимда ишласангиз ва сизнинг ишингизни доим кузатиб боришса, уни кўпчилик баҳоласа, муносабат билдирмаслик ёки қочишга уриниш бефойда.

Бундай вазиятларда ўзингиз тўғрингизда бирор бир маълумот тақдим этмасангиз, унда бошқалар сиз ҳақингизда ёзади ва ахборот олами нотўғри, ишончсиз, ўйлаб топилган маълумотлар билан тўлдирилади, бу эса ўз-ўзидан нохуш оқибатларга олиб келиши мумкин.

Шунинг учун доим очиқ бўлиш жуда муҳим, фақат шу йўл билан ўзингизга нисбатан яхши муносабатларга эришишингиз мумкин.

Маълумотларни факатгина сизга қулай бўлган жойда бўлишиш керак эмас, масалан, идора сайтида, Фейсбукда ёки расмий газетанинг бешинчи саҳифасидаги бирор рукнда эмас, балки сизга ва сиз уларга таъсир кўрсатишингиз мумкин бўлган аудиторияда маълумот бериш мақсадга мувофиқ.

Бугунги кунда ижтимоий тармоқларда “opinion maker” билдирилган постлар юзлаб кўришлар ва ўнлаб репостлар йиғмоқда.

Уларда орасида матбуот котибларни ишини оммавий тарзда танқид қиладиганлари ҳам бор. Бугун давлат органлари ва йирик компанияларнинг ахборот хизматлари қай даражада самарали фаолият кўрсатмоқда?

Менинг фикримча бу соҳага оид бир нечта муаммолар мавжуд:

1. Матбуот хизмати ишининг самарадорлиги, энг аввало, ушбу компания ёки давлат органи раҳбарига, унга бу хизмат нега кераклигини тушунишига боғлиқ.

2. Бу вазифаларни амалга ошира оладиган мутахассисларнинг мавжудлиги. Ушбу икки омилни бирлаштирган тақдирда яхши матбуот хизмати юзага келади. Бирор бир бўғим етишмаса ҳам қандайдир тушунмовчилик келиб чиқади, яъни ахборот хизмати ходимлари раҳбарини изоҳлар учун "ушлолмаса", у эса вазиятга ўз нуқтаи назарини етказолмаса.

Ахборот хизмати ходимлари учун ОАВда иш тажрибасига эга бўлишлари шарт эмас. Журналистлар ва блогерлар билан мулоқот қила олиш, яхши муносабт ўрнатиш ва улар ишининг ўзига хос томонларини тушуниш кўпроқ муҳим.

Ахборот хизматларининг кўп ходимлари журналистлар ишининг ўзига хос жиҳатлари ҳақида тушунчага эга эмаслар. Журналистларда белгиланган чегара, касбий этика стандартлари мавжудлигини тушунишмайди. Уларга икки ҳафтадан кейинги изоҳлар керак эмас.

Эҳтимол, бу мантиқсизликдай туюлар, бироқ журналистлар билан узоқ муддатли муносабат ўрнатиш учун шунчаки буни йўлга қўйииш керак. Тўғри, бу осон бўлмаган машаққатли жараён, лекин бошқа вариантлар йўқ.

Журналистлар ва блогерлар билан доимий алоқада бўлиш, уларнинг қизиқишлари ва вазифаларини тушуниш, улардан фойдаланмаслик ва улар билан мулоқотга ҳамда ҳар қандай саволларига жавоб беришга тайёр бўлиш лозим.

Ҳатто сиз учун ёқимсиз бўлганларига ҳам. Умуман олганда, журналист ва матбуот котиби ўртасида нормал инсоний муносабатлар ўрнатилиши керак, бундай муносабатлар иккаласи учун ҳам ёқимли ва қулай бўлса барчасини маржондек қатор қилиш мумкин.

@pulatov_kh

⚡️⚡️⚡️Хозир менга Хитойдан талабалар чиқишди. Улар 3 киши. Ҳабар беришларича Пекин-Стамбул-Тошкент йўналиши бўйича самалётга билет олишган, аммо бу рейс қолдирилган ва талабаларга пуллари ҳам қайтариб берилмапти. Хозир ушбу 3 нафар юртдошимиз Пекин аэропортида пулсиз, умидсиз ахволда ўтиришибди. Булар:

Хакимов Улуғбек
Шафоатов Рустам
Ғаффорова Наргиза

(Бошқа барча расмий маълумотларни ТИВ вакилларига тақдим қилишим мумкин)

Ўзбекистон Ташқи Ишлар вазирлиги, Хитойдаги элчихона вакилларидан илтимос қилиб қоламиз ушбу талабаларга ёрдам беринг. Хитойдаги бошқа юрдошларимиздан ҳам илтимос қилиб қоламан, болалар жуда тушкун кайфиятда. Ҳали улар жуда ёш, ораларида қиз бола ҳам бор. Эътиборсиз тақдир қўлига қолиб кетишмасин!🙏

Каналга уланиш👉@nurbekalimov

Паспортимизнинг охирги бетида шундай сўзлар ёзилган: “Ушбу паспортнинг эгаси Ўзбекистон Республикаси ҳимоясидадир”.

Умид қиламанки, бу сўзларга амал қилинади ва ушбу 3 нафар юртдошимизга Ўзбекистон ТИВ ходимлари томонидан амалий ёрдам кўрсатилади...

@pulatov_kh

Миллий масс-медиани қўллаб-қувватлаш ва ривожлантириш жамоат фондининг очилиш маросими бошланди.

Kun.uz таҳририяти 41 нафар ёшлар 287 минг АҚШ долларига алдангани ҳақида журналистик суриштирув тайёрлабди.

Мақолада ёзилишича, талабаларга 7 минг АҚШ доллари эвазига «BRITISH FOUNDATION TASHKENT» нодавлат таълим муассасаси таъсисчилари томонидан Буюк Британия, АҚШ, Австралия ва Ирландия давлатларидаги университетлардан ташқари, Тошкент шаҳридаги Турин Политехника университети, Сингапур менежментни ривожлантириш институти ва Халқаро Вестминстер университетларига иккинчи курсдан, ҳеч қандай имтиҳонларсиз қабул қилиниши ҳақида ёлғон маълумотлар берилган.

Бундан ташқари, бу каби маълумотлар «Ўзбекистон24», «Севимли» ва «Менинг юртим (MY5)» телеканаллари орқали эфирга узатилгани ва бошқа оммавий ахборот воситаларида кенг ёритилгани ёшларнинг ушбу лойиҳага қизиқиши янада ортишига ва алданишига сабаб бўлган.

Аниқланишича, Вестминстер, Турин политехника университетлари ҳамда Сингапур менежментни ривожлантириш институти «BRITISH FOUNDATION TASHKENT» билан ҳеч қандай шартнома, келишув ёки меморандум ўрнатмаган.

Марказ мутасаддилари томонидан берилган ваъдаларнинг ёлғон бўлиб чиққани ва бунинг орқасидан инсонлар бир неча ўн миллион миқдордаги пулларига куйиб қолгани ва уларнинг норозилигига сабаб бўлаётган мазкур низо ҳуқуқни муҳофаза қилувчи органлар томонидан кўриб чиқилиши лозим!

P.S: Фикримча, бу вазиятда барча тарафлар тенг айбдор.

Аввало, ушбу нодавлат таълим муассасаси таъсисчилари айбни ўз бўйинларига олишлари зарур. Улар нопок, ёлғон йул билан марказга талабаларни жалб килганлар. Ҳавои ваъдалар берганлар...

Иккинчидан, ота-оналар, талабалар марказ билан шартнома тузишда унинг шартлари ва таклифлари билан батафсил танишишмаган ва у ерда нималар ёзилганини ўқишмаган. Тўғри йўл - ваъда қилинган университет ва институт билан боғланиб ҳақиқатдан ҳам икки томон ўртасида келишув бор-йўқлигини текширишмаган.

Ва абатта, журналистлар ҳам марказ тўғрисидаги маълумотларни эфирга узатишдан аввал, уларнинг фаолиятлари тўғрисида тўлиқроқ танишишлари ва ўрганишлари, шунингдек, маълумотларнинг асослигини ҳам текширишлари зарур эди.

@pulatov_kh

​Бугунги очилиш маросимида менга Шерзодхон акани гаплари ёқди: Блогерлар қачон пайдо бўлди? Журналист ёзмагани учун, бўшлиқ бўлгани учун улар ёзишни бошлади ва олдинга ўтиб кетди.

@pulatov_kh

Бугун ниҳоятда муҳим сана. Йўқ, гап 02.02.2020 эканида эмас, бугун Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги ташкил этилган кун. Роппа-роса бир йил олдин Президент қарори билан АОКАга асос солинган эди.

Агентлик бир йилда қандай ишлагани, ўз зиммасидаги вазифаларни қандай бажарганига одамлар ўз баҳосини беради.Шуниси аниқки, Агентлик тўғри йўлда ва шу руҳда давом эттириш керак.

Шахсан менинг ҳаётимда бу Агентликнинг катта ўрни бор.Бу ерда ҳақиқий профессионаллар ишлашади ва улардан кўп нарса ўргандим.

Омад ёр бўлсин!

@pulatov_kh

Маънавият сўзни асл маъносини билмайдиган одамлар, турли хил ташкилотлар очиб, одамларни бу сўздан бездириб қуйди.

Маънавият — бу пропаганда қуроли эмас, бу ўз фикрингизни, ғоянгизни бошқаларга сингдириш эмас.

Ҳар бир инсонинг умри мобайнида тўплаган билими, нимани ўқиган, тушунган нарсаси - бу унинг маънавияти. Шундан келиб чиқадиган бўлсак, у барчамизда турлича. Ҳозирги, тилимиздаги маънавият эса — сунъий яратилган мафкура.

@pulatov_kh

Бурчингиз коркувдан устундир
Ростини айтасиз барибир
Дардингиз бир гапга сигмайди
Умрингиз бир суздан кискадир

Энди қўрқмагин, тоғдек химоянг бор.
Сенга на зўр зўравон бермас озор.
Ҳақиқат байроғини маҳкам тутиб...

Энди қўрқмагин, тоғдек химоянг бор.
Сенга на зўр зўравон бермас озор.
Ҳайқир баланд, сенда халқнинг овози бор.