#Xalqaro_hamkorlik_istiqbollari

🛣 Avtomobil yo‘llari qo‘mitasida Osiyo taraqqiyot banki (OTB)ning O‘zbekistondagi vakolatxonasi rahbari Kanokpan Lao-Araya xonim bilan uchrashuv bo‘lib o‘tdi.
☄️ Yuqori martabali mehmonni Qo‘mita raisi J.Tursunov qabul qildi.
Osiyo taraqqiyot banki yo‘l xo‘jaligi tarmog‘ini yanada rivojlantirishda O‘zbekistonning yaqin hamkorlaridan biri hisoblanadi. Aynan ushbu bankning mablag‘lari hisobidan O‘zbekistonda 600 km yo‘l qurildi, jumladan 2024-yilda foydalanishga topshirilgan 240 km uzunlikdagi sement-beton qoplamali “G‘uzor-Buxoro-Nukus-Beyneu” avtomobil yo‘lini, mahalliy hamda ichki yo‘llarni va yana bir qancha yirik loyihalarni misol qilib keltirish mumkin. J.Tursunov OTB bilan hamkorlik qilish hamda mamlakatda yo‘l infratuzilmasini yaxshilashdagi fikrlar mushtarakligi haqida gapirar ekan, Kanokpan Lao-Araya xonimga buning uchun o‘zining minnatdorligini bildirdi.
—Biz bu hamkorlikdan nihoyatda mamnunmiz va aytib o‘tish joizki, mamlakatingizda biz mahalliy xom ashyodan foydalangan holda yo‘l quryapmiz, aholining mamnunligini ko‘rib, bunday loyihalarni yanada kengaytirishimiz kerakligini tushunyapmiz,—deydi Kanokpan Lao-Araya xonim. OTB O‘zbekistondagi vakolatxonasini yanada kengaytirib, qo‘shimcha yo‘nalishlar bo‘yicha yangi ish o‘rinlari yaratmoqdamiz. Shuning o‘ziyoq bizlarni kelajakda yanada ko‘proq yangi g‘oya va loyihalar birlashtirishini anglatadi,—deydi u.
📈 Uchrashuv davomida bank bilan hamkorlikni davom ettirishga kelishildi.

✅Telegram | ✅Facebook |📹You Tube 🌐  Website ▪️ Instagram