🇺🇿 Prezidentimizning 2018-yil 14-maydagi “Oʻzbekiston Respublikasi Qurolli Kuchlari harbiylari va ularning oila aʼzolarini ijtimoiy qoʻllab-quvvatlashga oid qoʻshimcha chora-tadbirlar toʻgʻrisida” gi qaroriga muvofiq 2018/2019 oʻquv yilidan boshlab Oʻzbekiston Respublikasi Qurolli Kuchlari tarkibiga kiruvchi vazirlik va idora xodimlarining farzandlari uchun oliy taʼlim muassasalari bakalavriatiga oʻqishga kirish uchun besh foizli kvota hamda xizmat burchini bajarish chogʻida halok boʻlgan yoki nogiron boʻlib qolgan xodimlarning farzandlariga oliy taʼlim muassasalarining bakalavriatiga tanlovsiz qabul qilish toʻgʻrisida tavsiyanomalar berilishi belgilangan. 

🔺 Tantanali marosimda Mudofaa vazirligi, Yoshlar ittifoqi hamda Havo hujumidan mudofaa qo‘shinlari va Harbiyhavo kuchlari qo‘mondonligi masʼullari ishtirok etib belgilangan kvota asosida oliy taʼlim muassasalariga oʻqishga hujjat topshirishga tayyorgarlik koʻrayotgan harbiylarning farzandlariga omad tiladi.

➡️ Tadbirda ana shunday imkoniyatga ega boʻlgan 20 nafar yigit-qizga besh foizli kvota asosida oʻqishga kirish toʻgʻrisidagi tavsiyanoma topshirildi.