#Toshkent_yoshlarni_sevadi #Bolalar_tashkiloti #Orzu #Bolalar_ijodiyoti #Tanlov

Ijodkor bolalar festivali

“Orzu” bolalar ijodiyoti koʻrik-tanlovi hayajonga boy, ko‘tarinki ruhda start oldi. Unda iste'dodli bolalar o‘zlarining mualliflik ishlari va ustozlar ijodidan namunalar ijro etib, hakamlar hay'atining e'tiroflariga sazovor bo‘ldi.

Tanlovda ishtirok etish uchun 2153 nafar o‘quvchilar ro‘yxatdan o‘tgan bo‘lib, ulardan yuzdan ortiq yoshlar bugun vokal (milliy va akademik ijro, estrada, folklor hamda xor guruhlari) bo‘yicha va adabiyot (nazm (she’r, g‘azal, doston) hamda nasr (hikoya va ertaklar) yo‘nalishlarida mahoratlarini namoyon qildi. Ular orasida birinchi marta katta sahnaga chiqayotgan bolalar ham bor. Bu ilk qadamlar kelgusida katta asarlar yaratishga yetaklashi shubhasiz.

Tanlov 12-dekabrga qadar davom etadi. Endilikda amaliy va tasviriy san'at, raqs, cholg‘u yo‘nalishlar bo‘yicha bellashuvlar o‘tkaziladi.

Telegram | Instagram | Facebook | YouTube

#Toshkent_yoshlarni_sevadi #Bolalar_ijodi #Orzu #Tanlov #Raqs

“Orzu” — ijodkor bolalar tanlovi

Bugun poytaxtimizda joylashgan Yoshlar markazida "Orzu" bolalar ijodiyoti ko‘rik-tanlovining raqs yo‘nalishi bo‘lib o‘tdi. Unda 6 yoshdan 14 yoshgacha bo‘lgan o‘quvchi-yoshlar milliy, ball va zamonaviy raqs yo‘nalishlari bo‘yicha o‘z mahoratlarini namoyish qildi.

Ishtirokchilar yakka tartibda va guruh chiqishlari orqali rang-barang raqslar ijro etdi va har bir ijro O‘zbekiston davlat xoreografiya akademiyasining tajribali mutaxassislari tomonidan adolatli baholab borildi.

Telegram | Instagram | Facebook | YouTube

#Toshkent_yoshlarni_sevadi #Bolalar #Konsert_shou

Bolajonlar uchun ajoyib tuhfa

Poytaxtimizda joylashgan Oʻzbekiston Milliy kino san’at saroyida bolalar uchun bepul konsert-shoular boshlandi. Bugun mazkur tadbir doirasida bolajonlarga “Mimi shou” va “Billur boshmoqli qiz” musiqali tomoshalari namoyish etildi.

Madaniy tadbirlarga Toshkent shahridagi umumta’lim maktablarining boshlang‘ich sinflarida ta’lim olayotgan 36 ming nafar o‘quvchilarni qamrab olish ko‘zda tutilgan.

Bu kabi tadbirlardan ko‘zlangan maqsad bolalarning bo‘sh vaqtlarini unumli o‘tkazish, ijodiy fikrlash qobiliyatlarini rivojlantirish va faol o‘quvchilarni rag‘batlantirishdan iborat.

Ma'lumot uchun, konsert-shou har kuni 4 marta — 3 ta o‘zbek tilida va 1 ta rus tilida namoyish etiladi va 13-dekabrga qadar davom etadi.

Telegram | Instagram | Facebook | YouTube

#Toshkent_yoshlarni_sevadi #Orzu #Bolalar_ijodiyoti #Tanlov

"Orzu" bolalar ijodiyoti ko‘rik-tanlovining cholg‘u va klassika yo‘nalishlari bo‘yicha fotoreportaj

Telegram | Instagram | Facebook | YouTube

#Toshkent_yoshlarni_sevadi #Diplomsiz_ish #Mehnat_yarmarkasi

Toshkentda "Diplomsiz ish" mehnat yarmarkasi bo‘lib o‘tdi

"Toshkent yoshlarni sevadi" oyligi doirasida o‘tkazilayotgan navbatdagi tadbir — "Diplomsiz ish" mehnat yarmarkasi poytaxtimizda joylashgan "Alpomish" muz saroyida o‘tkazildi.

Mazkur tadbirdan ko‘zlangan maqsad mutaxassislikka ega bo‘lmagan ishsiz yoshlarni ish bilan ta’minlashga ko‘maklashishdir. Shu ma'noda, mehnat yarmarkasida diplom talab etilmaydigan tadbirkorlik va xizmat ko‘rsatish obyektlari vakillari yoshlarga taklif va taqdimotlari bilan ishtirok etdi.

Yoshlar ham o‘z navbatida qiziqishlari va imkoniyatlari doirasida turli ishlar bilan batafsil tanishish imkoniga ega bo‘ldi.

Telegram | Instagram | Facebook | YouTube