#korrupsiya #poytaxtdeputatlari #deputatlik_faoliyati

❗️Toshkent shahar Korrupsiyaga qarshi kurashish hududiy kengashining navbatdagi yig‘ilishi bo‘lib o‘tdi

🇺🇿 Toshkent shahrida shahar Korrupsiyaga qarshi kurashish hududiy kengashining navbatdagi yig‘ilishi bo‘lib o‘tdi. Unda sog‘liqni saqlash va ta’lim tizimida korrupsiyaning oldini olish, ochiqlikni ta’minlash va jamoatchilik nazoratini kuchaytirish masalalari muhokama qilindi.

📌 Kun tartibidagi masalalar:

🟢 Toshkent shahrida Sog‘liqni saqlash sohasida korrupsiyaga qarshi kurashish va uning oldini olish yuzasidan amalga oshirilayotgan ishlar hamda kelgusidagi ustuvor vazifalar to‘g‘risida. Axborot beruvchi: Toshkent shahar Sog‘liqni saqlash boshqarmasi boshlig‘i – Isabekov Botir Abdullayevich.

🟢 Toshkent shahrida Maktabgacha va maktab ta’limi sohasida korrupsiyaga qarshi kurashish va uning oldini olish yuzasidan amalga oshirilayotgan ishlar hamda kelgusidagi ustuvor vazifalar to‘g‘risida. Axborot beruvchi: Toshkent shahar Maktabgacha va maktab ta’lim boshqarmasi boshlig‘i – Yuldasheva Iroda Salaxutdinovna.

🟢 Bektemir va Mirobod tumanlari hokimligida Korrupsiya holatlarining oldini olish bo‘yicha ko‘rilayotgan chora-tadbirlar to‘g‘risida. Hisobot beruvchilar: Bektemir tumani hokimi – Abduraxmonov Nurilla Lutpullayevich hamda Mirobod tumani hokimi – Sayfutdinov Anvar Nazarovich.

🟢 Toshkent shahrida korrupsiyaning oldini olish, unga qarshi kurashish, shu jumladan, maishiy korrupsiyaga barxam berish, korrupsiyaga nisbatan murosasiz munosabatda bo‘lish muhitini shakllantirish to‘g‘risida hamda Oliy Majlis Senati raisi, Bosh prokuror va Korrupsiyaga qarshi kurashish agentligi direktori tomonidan tasdiqlangan “Yo‘l xarita” ijrosi yuzasidan. Axborot beruvchi: Toshkent shahar prokurorining birinchi o‘rinbosari – Urmanov Anvar Abdutalipovich.

📊 Yig‘ilish davomida sog‘liqni saqlash tizimidagi korrupsiyaviy xavf-xatarlar, ta’mirlash va qurilish ishlarida ochiqlikning yetarli emasligi, xarid jarayonlarining shaffof olib borilmasligi, tibbiyot xodimlari tomonidan xizmatlar uchun noqonuniy pul olish holatlari va ayrim rahbarlarning manfaatdor firmalarga imtiyozli shartnomalar taqdim etishi bo‘yicha tanqidiy tahlillar o‘tkazildi.

🧾 Bu holatlar yuzasidan huquqiy baho berish uchun maxsus ishchi guruh va nazorat guruhi tuzildi. Ularning vazifasi – har bir holatni o‘rganib, qonuniy choralar ko‘rish va jamoatchilikka ochiq axborot berib borishdan iborat.

📚 Shuningdek, ta’lim tizimida o‘tkazilgan 59 ta tadbir, 5597 nafar xodim tomonidan deklaratsiya topshirilgani, shartnomalarda korrupsiyaga qarshi bandlar joriy etilgani, o‘quvchilarga yo‘naltirilgan huquqiy targ‘ibot ishlari – bu yo‘nalishdagi muhim natijalar sifatida qayd etildi.

🛡 Bektemir va Mirobod tuman hokimliklari tomonidan amalga oshirilgan tahlillar, shaffoflikni ta’minlash, manfaatlar to‘qnashuvini bartaraf etish, jamoatchilik nazoratini kuchaytirish va xodimlar bilan ishlash bo‘yicha chora-tadbirlar yig‘ilishda alohida e’tirof etildi.

🗂 Toshkent shahar Korrupsiyaga qarshi kurashish hududiy kengashining navbatdagi yig‘ilishi doirasida sog‘liqni saqlash va ta’lim tizimidagi korrupsiyaviy holatlarni bartaraf etish, tizimda ochiqlik va shaffoflikni ta’minlash, jamoatchilik nazoratini kuchaytirish masalalari atroflicha muhokama qilindi. Yig‘ilish davomida har ikki soha va hududga oid muammolar tahlil qilinib, ularni bartaraf etishga qaratilgan aniq choralar belgilandi. Kengash a’zolari, mas’ul tashkilotlar rahbarlari va soha mutasaddilari tomonidan amalga oshirilgan ishlar bo‘yicha axborotlar tinglandi, muammoli jihatlar yuzasidan huquqiy baho berish uchun nazorat mexanizmlari shakllantirildi. Mazkur yig‘ilish korrupsiyaning oldini olish, unga qarshi murosasiz kurashish va tizimni yanada ochiq va adolatli qilish yo‘lida muhim amaliy bosqich bo‘lib xizmat qildi.

📱 Telegram 📱 Instagram 📱 Facebook 📱 YouTube