Саха сиригэр сааскы үлэлэргэ бэлэмнэнии саҕаланна. Хаһаайыстыбалар сирдэрин, сиэмэлэрин суоттаналлар-учуоттаналлар.

Хортуоппуй сиэмэтэ тиийбэт диэн официальнай дааннай баар.

Балаһыанньаттан хайдах тахсары тыа хаһаайыстыбатын миниистирэ Александр Атласов маннык быһаарда:

- Ааспыт сыллааҕы кураан быйылгы хортуоппуй сиэмэтигэр охсуулаах буолла. Сиэмэ хортуоппуй аҕыйах – хааччыллыы 60,5 %. Онон хаһаайыстыбаларга өрөспүүбүүкэ таһыттан сиэмэ хортуоппуйу киллэрии үлэтэ барыаҕа. Барыта 1000 туоннаны аҕалтарарга былаанныыбыт.

Кини эппитинэн, илиҥҥи санкцияларынан сибээстээн, өрөспүүбүлүкэ аграрийдарын өйөөһүн бастакы миэрэлэринэн буолаллар. 358 мөл солк уотурба атыылаһыытыгар, 88-тан тахса мөл солк сааскы ыһыы үлэтигэр, хортуоппуй сиэмэтин атыылаһыыга туһаайыахтара.

#фермерыякутии #сельскоехозяйство #сельскаяжизнь

Тааттатааҕы эт уонна үүт бородууксуйаны оҥорон таһаарар "Баай-Ас" кээпэрэтиип собуоттарыгар оҥоһуллубут ынах арыытыгар сыана чэпчиэн сөп.

«Сотору кэминэн бородууксуйа упаковкатыгар сыана эбиллиэхтээх. Ол туһунан биһиэхэ эрдэ сэрэтии кэлбитэ. Ити эрээри хахха саппаас билигин бэйэбитигэр баар. Арыыттан саҕалаан йогуртка тиийэ оҥоробут. Сыананы үрдэтэр былаан суох. Арыыны өссө түһэрэр соруктаахпыт. Ити эрээри техника уматыгыттан бородууксуйа сыаната эмиэ улахан тутулуктаах. Өскөтүн уматык сыаната үрдүүр түбэлтэтигэр тиэйиигэ-таһыыга сыана эбиллиэн сөп. Билигин бородууксуйабыт Таатта улууһугар уонна Дьокуускайга тарҕанар. Барыта былаан быһыытынан баран иһэр», — диэтэ тэрилтэ салайааччыта Семен Андросов.


#фермерыякутии #сельскоехозяйство #сельскаяжизнь

Дьокуускайга Хомсомуол болуоссатыгар "Ас-үөл - 2023" быыстапка-дьаарбаҥка саҕаланна, диэн суруйда ЯСИА.

Тэрээһин 10 күн ыытыллар.

Олохтоох бородууксуйаны оҥорон таһаарааччылар астарын-үөллэрин кэлэн көрүҥ, амсайыҥ уонна атыылаһыҥ🙌🏻👍🏻☀️✅

#минсельхозрся #фермерыякутии #местнаяпродукция