Professor-oʻqituvchilar uchun yangi imkoniyat!

Xabaringiz bor, yaqinda Prezidentimizning tegishli farmoni bilan Toshkent davlat pedagogika universiteti negizida Nizomiy nomidagi Oʻzbekiston milliy pedagogika universiteti tashkil etildi.

Universitetda 2025-2026-oʻquv yilida xorijiy taʼlim dasturlari asosida Aniq fanlar maktabi tashkil etilib, unda Matematika, Axborot texnologiyalari hamda Sunʼiy intellekt va robototexnika yoʻnalishlarida 400 nafar talaba qabul qilinishi koʻzda tutilgan.

Aniq fanlar maktabida hisob (calculus), dasturlash, fizika, chiziqli algebra, diskrit matematika, maʼlumotlar tuzilmalari va algoritmlar, sunʼiy intellekt va robototexnika, ingliz tili fanlaridan dars beruvchi professor-oʻqituvchilar tanlab olinib, Kembrij universitetida malaka oshirishlari maqsad qilingan.

Kurs yakuni boʻyicha Kembrij universitetining malaka sertifikatiga ega boʻlgan professor-oʻqituvchilar 2025-2026-oʻquv yilidan Nizomiy nomidagi Oʻzbekiston milliy pedagogika universitetida ish faoliyatini boshlaydi.

Tanlovda ishtirok etuvchi professor-oʻqituvchilarga qoʻyiladigan birlamchi talablar:

– fan nomzodi (PhD) yoki fan doktori (DSc) ga ega boʻlishi;
– 5 yil va undan ortiq pedagogik ish stajiga egaligi;
– ingliz tilini B2 darajada bilishi (til bilish sertifikati);
– Scopus, web of science xalqaro ilmiy jurnallari hamda yuqori indeksga ega ilmiy jurnallarda maqolalar chop etganligi;
– oʻz fani yoʻnalishida turli grant va loyihalardagi ishtiroki;

Tanlov 3 bosqichda amalga oshiriladi. Ishtirok etish uchun talab etiladigan hujjat va maʼlumotlarni tanlov.uzedu.uz havola orqali yuborishingiz mumkin.

Tanlovda Nizomiy nomidagi Toshkent davlat pedagogika universitetida faoliyat yuritayotgan professor-oʻqituvchilarga ustuvorlik beriladi.

Hurmatli professor-oʻqituvchilar, ushbu imkoniyatlar siz uchun, undan foydalaning!

@hilola_umarova

#Xotira_aziz_qadr_muqaddas

Ajdodlarni xotirlash, keksalarni e’zozlash – xalqimizning ulug‘ qadriyatlaridan biridir. Yoshi ulug‘ va nuroniylarga bo‘lgan hurmat va e’tibor har doim diqqat markazimizda bo‘lib kelgan.

Xotira va qadrlash – el-yurt ravnaqi, tinchligi, osoyishtaligi, erki va ozodligi yo‘lida fidokorona kurashgan insonlarning bebaho xotirasini yod etish, ularni e’zozlashdir. Bu – xalqimizning asriy an’analaridan, buyuk fazilatlaridandir.

Xotira va qadrlash kuni muborak bo‘lsin. Xonadoningizdan fayzu baraka, tinchlik va xotirjamlik hech qachon arimasin. Yurtimiz doimo tinch, xalqimiz omon bo‘lsin!

Hurmat bilan,
Ixtisoslashtirilgan ta’lim muassasalari agentligi jamoasi

Telegram | Facebook | Instagram | YouTube

#9_may
#Xotira_va_qadrlash_kuni

9-may — Xotira va qadrlash kuni

Mazkur sana yuragimizda ajdodlarimizga bo‘lgan chuqur hurmat, ulug‘vorlik va minnatdorlik tuyg‘ularini yana bir bor uyg‘otadi. Yurtimiz tinchligi, osmonimiz musaffoligi yo‘lida boshini tik tutgan, jonini fido qilgan yurtdoshlarimiz xotirasi oldida doimo ta’zimdamiz.

Termiz shahridagi Prezident maktabi oʻquvchilari tashabbusi bilan tayyorlangan ushbu videorolik el-yurt ravnaqi, tinchligi, osoyishtaligi, erki va ozodligi yo‘lida fidokorona kurashgan insonlarning bebaho xotirasiga bagʻishlanadi.

Termiz shahridagi Prezident maktabining ijtimoiy tarmoqdagi sahifalari:
Telegram | Instagram | Facebook | YouTube

Bolalar uchun milliy kontent yaratish avvalo yosh ijodkorlarni qo‘llab-quvvatlashdan boshlanadi. Chunki milliy kontent ishlab chiqaradigan, xalqimizning ruhi va qadriyatlarini his etadigan yangi avlodni tarbiyalash soha kelajagi uchun juda muhim.

Yaqinda “Renessans” bolalar oromgohida tashkil etilgan ijodiy muloqot va mahorat darslari yosh iste’dodlar hamda soha mutaxassislari o‘rtasida ijodiy ko‘prik vazifasini o‘tadi. Professionallar o‘z tajriba va bilimlari bilan o‘rtoqlashdi, yoshlar esa kreativ g‘oya va loyihalarini taqdim etishdi.

Bunday samarali va ilhomlantiruvchi loyihalarni mamlakatimizning turli hududlarida muntazam o‘tkazib borish zarur. Chunki yurtimizda haqiqiy iste’dodlar ko‘p, ularga imkoniyat va yo‘l ko‘rsatadigan ustozlar kerak.

#BolalarUchunKontent

—

Создание национального контента для детей начинается, прежде всего, с поддержки молодых талантов. Ведь для будущего этой сферы важно воспитать новое поколение специалистов, которое сможет создавать контент, чувствовать дух и ценности нашего народа.

Недавняя творческая встреча и мастер-классы, организованные в детском лагере «Ренессанс», стали творческим мостом между молодыми талантами и опытными профессионалами. Мастера поделились своими знаниями, а молодёжь представила креативные идеи и проекты.

Подобные полезные и вдохновляющие проекты необходимо проводить регулярно по всей стране. Потому что у нас много талантливой молодёжи — ей нужны возможности и наставники, которые помогут найти правильный путь.

#КонтентДляДетей

#tabrik #12_may
#Xalqaro_hamshiralar_kuni

12-may — Xalqaro hamshiralar kuni

Insonlar salomatligi yo‘lida tinimsiz mehnat qilayotgan, rahm-shafqat, sabr-toqat va mehr bilan o‘z kasbiga sadoqat bilan xizmat qilayotgan hamshiralar, Sizlarni chuqur hurmat va minnatdorchilik ila 12-may — Xalqaro hamshiralar kuni bilan chin qalbimizdan muborakbod etamiz!

Sizlarning ezgu faoliyatingiz – bemorlar dardiga malham, yuraklarga umid, jamiyatimizga salomatlik bag‘ishlaydi. Har bir mehrli so‘zingiz, g‘amxo‘rlik bilan qilingan harakatingiz orqasida chinakam fidoyilik yotadi.

Yorug‘ kunlaringiz ko‘p, sog‘lig‘ingiz mustahkam, baxtingiz barhayot bo‘lsin! Kasbiy faoliyatingizda yuksak zafarlar, hayotingizda esa tinchlik va farovonlik tilaymiz!

Xalqaro hamshiralar kuni muborak bo‘lsin!

Hurmat bilan Termiz shahridagi Prezident maktabi jamosi!💐💐💐

Termiz shahridagi Prezident maktabining ijtimoiy tarmoqdagi sahifalari:
Telegram | Instagram | Facebook | YouTube