#Buxoro

Vazir Buxorodagi taʼlim muassasalariga tashrif buyurdi

🔴 Ayni damda Maktabgacha va maktab taʼlimi vaziri Hilola Umarova Buxoro viloyatida bo‘lib turibdi.

➖ Dastlab vazir Buxoro tumanidagi 23-umumtaʼlim maktabida bo‘lib, taʼlim maskani faoliyati bilan yaqindan tanishdi.

Mazkur maktabda yil davomida ko‘plab iqtidorli o‘quvchilar ingliz va koreys tili sertifikatiga ega bo‘ldi. Shu bilan birga, muassasa o‘quvchilari “Sambo” kurash turi bo‘yicha Osiyo chempionligini qo‘lga kiritgan.

Vazir o‘rganish ishlari jarayonida yakunlangan o‘quv yilida erishilgan natijalar, pedagoglar sifat tarkibi bilan qiziqdi. Yozgi mavsumda taʼlim muassasasida tashkil etilgan sog‘lomlashtirish maydonchasini ko‘zdan kechirdi.

➖ So‘ngra Hilola Umarova olis Peshku tumanidagi 45-davlat maktabgacha taʼlim tashkilotining ochilish tadbirida ishtirok etdi.

Bog‘chada bolajonlar uchun yaratilgan sharoitlarni ko‘zdan kechirdi hamda tarbiyachilar bilan suhbatlashdi.

➖ Shuningdek, vazir tumandagi ixtisoslashtirilgan maktab faoliyati bilan ham yaqindan tanishdi.

Muassasadagi obodonlashtirish ishlari, fizika, kimyo laboratoriya xonalarini ko‘zdan kechirdi.

Hilola Umarova maktab pedagoglari bilan uchrashib, ularning muammolari va taʼlim sifatini oshirish borasidagi takliflarini o‘rgandi.

Vazirlikning rasmiy sahifalariga ulanish:
❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin

#ishchi_guruh
#Buxoro
#Turon_yoʻlbarslari

🤩 Davlatimiz rahbarining tegishli farmoni ijrosi doirasida Respublikamiz boʻylab Agentlik tizimidagi maktablar oʻrtasida “Turon yoʻlbarslari” harbiy-sport musobaqasining hududiy bosqichlari oʻtkazilmoqda.

Xususan, Sirdaryo, Namangan, Toshkent, Andijon, Samarqand, Jizzax hamda Fargʻona viloyatlarida mazkur harbiy-sport musobaqaning hududiy bosqichlari yuqori saviyada tashkil etildi. Boshqa hududlar boʻyicha ham musobaqa davom etmoqda.

Ixtisoslashtirilgan ta’lim muassasalari direktori Alisher Ubbiyev boshchiligidagi ishchi guruh Buxoro viloyatida joylashgan tizimdagi maktablarda ta’lim sifatini oʻrganish doirasida Buxoro shahridagi Prezident maktabida ham boʻlib, bu yerda “Vatan tayanchi” harakatiga a’zo oʻquvchilarning “Turon yo‘lbarslari” harbiy-sport musobaqasi hududiy bosqichiga tayyorgarlik holati, harbiy-vatanparvarlik, milliy davlatchiligimiz tarixiga oid  bilim va ko‘nikmalarini tekshirdi.

Agentlik direktori ChQBT xonasida yaratilgan sharoitlar bilan ham yaqindan tanishib, Prezident maktabida oʻgʻil-qizlarning Vatanga muhabbat va sadoqat tuygʻularini kuchaytirishga qaratilgan hamda harbiy xizmatga tayyorgarlik bosqichini oʻtashga yo‘naltirilgan o‘quv-amaliy mashgʻulotlarni yaqindan kuzatdi.

Telegram | Facebook | Instagram | YouTube

#ishchi_guruh
#Buxoro

🤩Ixtisoslashtirilgan ta’lim muassasalari agentligi direktori Alisher Ubbiyev boshchiligidagi ishchi guruh Buxoro viloyatida boʻlib, tizimdagi maktablarning faoliyatini tanqidiy-tahliliy oʻrgandi.

Tashrif davomida Agentlik direktori Buxoro shahar, G’ijduvon, Shofirkon, Peshku, Qorovulbozor tumanlari ixtisoslashtirilgan maktablarida boʻlib, oʻquvchilarning sifatli ta’lim-tarbiya olishi uchun yaratilgan sharoitlar bilan yaqindan tanishdi.

Shuningdek, sinfxonalar, fan kabinetlari, laboratoriyalar, ChQBT xonalarining jihozlanish holati, oʻquv binolarining isitish tizimi ham koʻzdan kechirildi.

Ishchi guruh oʻrganishlarida oʻquvchilarning oliy ta’lim va SAT, IELTS, TOEFL kabi xalqaro sertifikatlar imtihonlariga tayyorgarligiga ham alohida eʼtibor qaratildi. Ushbu yoʻnalishlarda amalga oshirilayotgan ishlarning samaradorligi tahlil qilinib, mavjud muammolar va ularni bartaraf etish boʻyicha koʻrsatmalar berildi.

Agentlik rahbariyati tomonidan ixtisoslashtirilgan ta’lim muassasalari faoliyatini joyiga borib tanqidiy-tahliliy oʻrganish ishlari izchil davom ettiriladi.

Telegram | Facebook | Instagram | YouTube

#Turon_yoʻlbarslari
#Buxoro_viloyati

🤩 Agentlikning Buxoro viloyatida joylashgan maktab oʻquvсhilаri oʻrtasida boʻlib oʻtgan “Тurоn yoʻlbarslari” harbiy-sport musobaqasining hududiy bosqichi yakunlandi, unga ko’ra:

🥇Buxoro shahridagi Prezident maktabining “Yosh gvardiyachilar” jamoasi 1-oʻrin;

🥈Olot tuman ixtisoslashtirilgan maktabning “Qalqon” jamoasi 2-oʻrin;

🥉Shofirkon tuman ixtisoslashtirilgan maktabining “Jaloliddin izdoshlari” jamoasi 3-oʻrinni qo’lga kiritdi.

Telegram | Facebook | Instagram | YouTube