#imtihon_2024
#Prezident_maktablari
#ikkinchi_bosqich

⚡️PREZIDENT MAKTABLARI IMTIHONLARINING IKKINCHI BOSQICHI BO’LIB O’TDI

📝Prezident maktablariga kirish imtihonlarining ikkinchi bosqichi test shaklida:
➖matematika fanidan tanqidiy fikrlash va muammoni yechish bo‘yicha 40 ta topshiriqni bajarishga 90 daqiqa;
➖ingliz tili fanidan grammatika (Grammar component) va matn bilan ishlash (Reading component) bo‘yicha 40 ta topshiriqni bajarishga 40 daqiqa beriladi.

✅ Prezident maktablarining 2-bosqich imtihonlari Angliyaning Cambridge Assessment International Education tashkiloti vakillari tomonidan nazorat qilindi.

✔️ Shuningdek, Prezident maktablariga kirish imtihonlari natijalarini tekshirish va talabgorlarning javoblari natijalarini baholash ushbu tashkilot tomonidan amalga oshiriladi.

🗺 Eslatib o‘tamiz, Toshkent viloyati o‘quvchilari uchun imtihonlar Toshkent shahrida bo‘lib o‘tadi.

💫 Imtihonda ishtirok etgan barcha talabgorlarga omad tilaymiz!

Telegram | Facebook | Instagram | YouTube | Portal

#imtihon_2024
#Prezident_maktablari_tajribasi
#Kembrij_oʻquv_dasturi

⚡️Qoraqalpog‘iston Respublikasi Nukus shahridagi 46-sonli umumiy o‘rta ta’lim maktabida Prezident maktablari tajribasi asosida tashkil etilgan o‘zbek va qoraqalpoq tilidagi 5-sinflarga kirish imtihonlari o‘tkazildi.

Kirish imtihonlari bugun, 14-noyabr kuni Nukus shahridagi Bilim va malakalarni baholash agentligi binosida bo‘lib o‘tdi. Imtihon jarayonlari Ixtisoslashtirilgan ta’lim muassasalari agentligi tomonidan tashkil etilib, bir bosqichda, matematika va ingliz tili fanlaridan 30 tadan jami 60 ta topshiriqlarni bajarish uchun 120 daqiqa vaqt berildi.

Qabul jarayonida jami 315 nafar o‘quvchi hujjat topshirgan bo‘lib, ulardan 96 nafari o‘zbek sinfiga, 219 nafari qoraqalpoq sinfiga to‘g‘ri keldi. Kirish imtihonidan muvaffaqiyatli o‘tgan 20 nafar o‘quvchi o‘zbek sinfiga, yana 20 nafar o‘quvchi esa qoraqalpoq sinfiga qabul qilinadi.

Ma’lumot o‘rnida, tashkil etilayotgan ushbu sinflarda Kembrij dasturi asosida o‘qitish tizimi bosqichma-bosqich joriy etiladi. Mazkur sinflarga haftaning belgilangan kunlarida Nukus shahridagi Prezident maktabining xorijlik oʻqituvchilari tomonidan dars oʻtiladi.

Telegram | Facebook | Instagram | YouTube

#STEM
#Respublika_bosqichi
#Prezident_maktablari

🤩 Agentlik tizimidagi Prezident maktablari o‘rtasida ilk bor o‘tkazilayotgan "STEM+" musobaqasining Respublika bosqichi yakunlandi.

Xabar berilganidek, “Renessans” bolalar sog‘lomlashtirish oromgohida Prezident maktablari o‘rtasida ilk bor tashkil etilgan "STEM+" musobaqasining Respublika bosqichi bo‘lib o‘tdi.

Unda hududiy bosqichda g‘oliblikni qo‘lga kiritgan Guliston, Xiva, Qarshi va Namangan shahridagi Prezident maktablari jamoalari fan va texnologiyalar boʻyicha bilimlari, jamoaviy ishlash va tanqidiy fikrlash qobiliyatlarini sinovdan oʻtkazdi.

Yakuniy natijalarga koʻra, Respublika bosqichida:

🥇Namangan shahridagi Prezident maktabi jamoasi 1-oʻrinni;
🥈Qarshi shahridagi Prezident maktabi jamoasi 2-oʻrinni;
🥉 Xiva shahridagi Prezident maktabi jamoasi 3-oʻrinni egalladi.

Shuningdek, maqolalar yoʻnalishida 7 ta nominatsiya boʻyicha ham g’oliblar taqdirlandi.

Loyihalar yoʻnalishi boʻyicha Toshkent hamda Termiz shahridagi Prezident maktablari eng yuqori natijaga erishdi.

Musobaqa gʻolib va sovrindorlari maxsus sertifikat va esdalik sovgʻalari bilan taqdirlandi.

Telegram | Facebook | Instagram | YouTube