#Termiz

🔴 Ayni vaqtda Maktabgacha va maktab ta’limi vaziri Hilola Umarova Surxondaryo viloyatidagi ta'lim muassasalari faoliyatini o‘rganmoqda.

Uchrashuvlar doirasida Hilola Umarova Termiz shahridagi 9-sonli davlat maktabgacha ta’lim tashkilotida bo'lib, muassasa jamoasi va bolajonlar bilan suhbatlashdi.

Unda yangi o‘quv yiliga tayyorgarlik jarayonlari, tarbiyalanuvchilar uchun yaratilgan sharoitlar, ta’lim muassasasi faoliyatini yanada yaxshilash kabi mavzularda so‘z bordi.

Shuningdek, Hilola Umarova maktabda tashkil etilgan badiiy gimnastika to‘garagi faoliyati bilan yaqindan tanishdi va to‘garakka a’zo qizlar bilan muloqot qildi.

Vazir Surxondaryo viloyatida bog‘cha yoshidagi bolalarni gimnastika to‘garaklariga jalb etish yuzasidan amalga oshirilgan ishlar taqdimoti bilan ham tanishdi hamda o‘z tavsiyalari bilan bo‘lishdi.

Ma’lumot o‘rnida: ayni vaqtda Termiz shahrida 32 ta davlat maktabgacha ta’lim tashkiloti mavjud bo‘lib, ularning barchasida badiiy gimnastika to‘garaklari faoliyat yuritmoqda.

Mazkur to‘garaklar “Sog‘lom zurriyod” shiori ostida tashkil etilgan, darslar malakali ustozlar tomonidan olib borilmoqda.

Vazirlikning rasmiy sahifalariga ulanish:
❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin

#Termiz

Vazir surxondaryolik faxriy ustozlar bilan uchrashdi

✅ Maktabgacha va maktab ta'limi vaziri Hilola Umarova Surxondaryo viloyatidagi ta'lim muassasalari rahbarlari, o‘qituvchilar, faxriy ustozlar bilan muloqot o‘tkazdi.

Tadbir doirasida yangi o‘quv yilidagi muhim vazifalar belgilab olindi, ustozlarning fikr va mulohazalari tinglandi.

Uchrashuvda samarali faoliyat yuritayotgan 6 nafar o‘qituvchiga “Xalq ta'limi a'lochisi” ko‘krak nishoni hamda faol o‘qituvchilar, o‘quvchilar va ularning ota-onalariga tashakkurnomalar topshirildi.

❕Shuningdek, viloyat hokimi Ulug‘bek Qosimov “Ta'lim homiysi” ko‘krak nishoni bilan taqdirlandi.

Ma'lumot o‘rnida: bugungi kunda viloyatda 978 ta maktab mavjud bo‘lib, ularda qariyb 57 ming nafar pedagog-o‘qituvchi yosh avlodga ta'lim-tarbiya berib kelmoqda.

Vazir Hilola Umarova xizmat safari davomida Surxondaryo viloyati Maktabgacha va maktab ta’limi boshqarmasi, tuman (shahar) bo‘limlari rahbarlari bilan ham uchrashib, ularning taqdimotlari bilan tanishdi.

Yig‘ilishda ta’lim-tarbiya sifatini yaxshilash, yangi ta'lim muassasalarining qurilishi, shuningdek yangi o‘quv yiliga tayyorgarlik masalalari muhokama qilindi.

Vazirlikning rasmiy sahifalariga ulanish:
❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin