#Samarqand_Prezident_maktabi

✅Prezident ta'lim muassasalari agentligi direktori Hilola Umarova, "Yangi O'zbekiston" universitetining faxriy rektori Wolfgang Herrmann, TUM International tashkiloti rahbari Friederika Hettinger Samarqand shahridagi Prezident maktabi o'quvchilari bilan uchrashishdi.

❕Mehmonlar O'zbekistonda ta'lim sohasida amalga oshirilayotgan ijobiy o'zgarishlar, xususan Prezident maktablari loyihasini alohida e'tirof etishdi.

Uchrashuv davomida o'quvchilar o'z fikr va takliflarini bildirishdi hamda erishayotgan yutuqlari bilan bo'lishishdi.

❗️Shuningdek, shu kuni Samarqand shahridagi Yoshlar saroyida Agentlik tizimidagi "Yangi O'zbekiston" universitetining taqdimoti bo'lib o'tdi. Unda mas'ullar yig'ilganlarni qiziqtirgan savollarga javob berishdi.

📍Shuningdek, mehmonlar uchun maktab hududida hamda Samarqand shahrining Registon va Go‘ri Amir maqbarasi, shuningdek Mirzo Ulug'bek rasadxonasiga ekskursiya tashkil etildi.

#Вазир_жамғармаси
#Samarqand_Xorazm_Surxondaryo_Navoiy_Toshkent

VAZIR JAMGʻARMASI USTAMASI UCHUN TANLOVNING IKKINCHI BOSQICHI FAOLLIK BILAN O‘TKAZILMOQDA

✅ Vazir jamg‘armasidan oylik ustama to‘lanadigan malakali pedagog kadrlarni saralash sinovlarining ikkinchi bosqichida:

▶️ Samarqandda 163 nafar,
▶️ Xorazmda 179 nafar,
▶️ Surxondaryoda 66 nafar,
▶️ Navoiyda 160 nafar hamda
▶️ Toshkent viloyatida 106 nafar nomzod faollik bilan ishtirok etmoqda.

❗️Eslatib o‘tamiz, Kasbiy mahoratini baholash bo‘yicha o‘tkazilgan suhbat natijalariga ko‘ra eng yuqori ball to‘plagan malakali pedagog kadrlarga joriy yilning aprel oyidan boshlab, 9 oy davomida mehnatga haq to‘lashning eng kam miqdorining 5,5 baravari miqdorida (bugungi kunda 5 mln so‘m) har oylik ustama to‘lanadi.

Vazirlikning rasmiy sahifalariga ulanish
Telegram | Youtube | Facebook | Instagram

#ishchi_guruh
#Samarqand

AGENTLIK DIREKTORINING TIZIMDAGI MAKTABLAR FAOLIYATINI JOYIGA BORIB OʻRGANISH ISHLARI DAVOM ETMOQDA

Ixtisoslashtirilgan ta’lim muassasalari agentligi direktori Alisher Ubbiyev boshchiligidagi ishchi guruh Samarqand viloyatida boʻlib, tizimdagi maktablar faoliyatini tanqidiy-tahliliy oʻrgandi.

Xususan, ishchi guruh tomonidan Kattaqoʻrgʻon shahar, Kattaqoʻrgʻon, Paxtachi hamda Narpay tuman ixtisoslashtirilgan maktablarida o‘quvchilarning sifatli taʼlim-tarbiya olishlari uchun yaratilgan sharoitlar, qish mavsumiga tayyorgarlik holati koʻzdan kechirilib, dars jarayonlari kuzatildi.

Oʻrganishlar doirasida Agentlik direktorining o‘quvchilar va oʻqituvchilar bilan muloqoti tashkil etildi. Unda A.Ubbiyev Agentlik tomonidan ixtisoslashtirilgan maktablarda taʼlim sharoitlarini yangi bosqichga olib chiqish borasida rejalashtirilgan chora-tadbirlar haqida soʻz yuritdi.

Shuningdek, muloqotlarda Agentlik direktori yoshlarning kelgusidagi maqsad va orzulari bilan qiziqib, tanlagan sohasi boʻyicha yetuk mutaxassis boʻlish uchun avvalo oʻquvchilikdanoq puxta bilim olish, xorijiy tillar, axborot texnologiyalarini mukammal oʻzlashtirish lozimligini taʼkidladi.

Maktablarni oʻrganishlar davomida ta’lim maskanlarining erishib kelayotgan yutuqlari, hozirgi vaqtda mavjud shart-sharoitlar tanqidiy tahlil qilinib, aniqlangan kamchiliklarni tezkorlik bilan bartaraf etish boʻyicha mas'ullarga tegishli koʻrsatmalar berib oʻtildi.

Agentlik direktori masʼullarga ta’lim tizimida amaliyotda qoʻllanilishi muhim boʻlgan bir qator topshiriq va takliflarini berdi. Xususan, xalqaro va mahalliy olimpiada jarayonlari, intellektual va sport oʻyinlari, tanlov va musobaqalarga tayyorgarliklarni yanada kuchaytirish zarurligi ta’kidlandi.

Agentlik direktori boshchiligida tizimdagi maktablar faoliyatini joyiga borib oʻrganish ishlari davom etadi.

Telegram | Facebook | Instagram | YouTube

#ishchi_guruh
#Samarqand_viloyati

AGENTLIK RAHBARIYATINING MAKTABLAR FAOLIYATINI JOYIGA BORIB OʻRGANISH ISHLARI DAVOM ETMOQDA

Ixtisoslashtirilgan ta’lim muassasalari agentligi direktorining oʻrinbosari Sevara Shakirova boshchiligidagi ishchi guruh tomonidan Agentlikning Samarqand viloyatida joylashgan ixtisoslashtirilgan maktablarida oʻquvchilarning sifatli taʼlim-tarbiya olishlari uchun yaratilgan sharoitlar, maʼnaviy-maʼrifiy ishlar samaradorligi, harbiy-vatanparvarlik targʻiboti, oʻquv binolari va yotoqxonalarni isitish holati oʻrganildi.

Xususan, viloyatning Qo’shrabot, Paxtachi, Ishtihon, Narpay va Oqdaryo kabi olis hududlarda joylashgan tumanlardagi ixtisoslashtirilgan maktablardagi dars jarayonlari kuzatilib, oʻquvchilarni fanlarni oʻzlashtirish koʻrsatgichlari tahlil qilindi. Shu bilan birga o‘qituvchilarga ilmiy-pedagogik faoliyatlarini samarali tashkil etish, o‘z bilim va ko‘nikmalarini rivojlantirish, pedagogik kompetensiyalarini yanada kengaytirish borasida amaliy tavsiyalar berildi.

Ishchi guruh tomonidan taʼlim muassasalarida darsdan keyin tashkil etilgan fan, xorijiy tillar, shaxmat toʻgaraklari faoliyati, ularda oʻquvchilar qamrovi ham alohida oʻrganildi. Shuningdek, oʻquv jarayonida sun’iy intellektga asoslangan raqamli ta’lim platformasi (Cerebry) dan foydalanish, bitiruvchilarini oliy taʼlim muassasalari, SAT, IELTS kabi xalqaro sertifikatlar imtihonlariga tayyorlash borasida olib borilayotgan ishlar samaradorligi tahlil qilinib, bu borada malakali pedagoglarning taklif va mulohazalari olindi.

Masʼullarga oʻrganishlar davomida aniqlangan kamchiliklarni tezkorlik bilan bartaraf etish boʻyicha tegishli koʻrsatmalar berildi.

Shuningdek, ixtisoslashtirilgan ta’lim muassasalari faoliyatini yaxshilash, mavjud muammolarni o‘rganish va aholining fikr-mulohazalarini tinglash maqsadida Samarqand shahridagi Prezident maktabida Agentlik direktori oʻrinbosari Sevara Shakirova ishtirokida sayyor qabul tashkil etildi.

Sayyor qabul davomida murojaatlarning aksariyatiga joyida yechim topildi. Yechimi vaqt talab qiladigan masalalar yuzasidan esa tegishli mas’ullarga topshiriq va ko‘rsatmalar berilib, ularni nazoratga olish belgilandi.

Telegram | Facebook | Instagram | YouTube