#Xorijiy_hamkorlik
#Koreya

✅ Bugun Maktabgacha va maktab ta'limi vazirligida Koreya Respublikasi Ta’lim vazirligining Sejong shahri boshqarmasi vakillari va Koreya Respublikasining O‘zbekistondagi elchixonasi huzuridagi Koreya ta’lim markazi bilan uchrashuv bo'lib o'tdi.

Unda Maktabgacha va maktab ta'limi vaziri o'rinbosari Dilshod Kenjayev va vazirlik mas'ullari ishtirok etishdi.

📍 Uchrashuv davomida tomonlar:

✔️ koreys tili o‘qituvchilar malakasini oshirish,
✔️ koreys tili ikkinchi xorijiy til sifatida joriy qilinishi rejalashtirilgan maktablar uchun koreys tili o‘quv dasturini ishlab chiqish hamda darsliklar bilan ta’minlash,
✔️ o'quvchilar va o'qituvchilar almashinuv dasturi,
✔️ kasbiy ta’lim yo‘nalishida o‘quvchilarning Koreyada almashinuv dasturlarida ishtirok etishi,
✔️ maktab boshqaruvi bo‘yicha kadrlar salohiyatini oshirish,
✔️ maktabdan tashqari ta’lim yo‘nalishida turli loyihalarni amalga oshirish kabi sohalarda hamkorlik qilish masalalarini muhokama qilishdi.

❗️ Uchrashuv doirasida Koreya ta’lim markazi direktori Pang Chu Man, direktor o'rinbosari Jang Hyeongki va markaz vakili Jung Jaewonga samarali hamkorlik uchun Maktabgacha va maktab ta'limi vazirining tashakkurnomasi topshirildi.

Vazirlikning rasmiy sahifalariga ulanish:
📱Telegram | 📹Youtube | 📒Facebook | 📸Instagram

#Kasbiy_rivojlanish
#Koreya

⏺Ayni damda Agentlik tizimidagi maktablarning 28 nafar oʻqituvchilari Koreya Respublikasining Chungcheongnam provinsiyasi Cheonan shahrida amaliyot o‘tashmoqda.

📝 Trening davomida oʻqituvchilar uchun taʼlimning zamonaviy metodikalari, taʼlim jarayonida IT texnologiyalarini qoʻllash singari mavzularda maʼlumot berilmoqda va tajriba almashinmoqda.

✅ Maʼlumot uchun, mazkur oʻquv kurslari Ixtisoslashtirilgan taʼlim muassasalari agentligi hamda Koreya Respublikasi elchixonasi qoshidagi Koreya ta’lim markazi oʻrtasida imzolangan memorandum doirasida amalga oshirilmoqda.

Telegram | Facebook | Instagram | YouTube | Portal

#taʻlim_sayohati
#Koreya

🤩 Ixtisoslashtirilgan ta’lim muassasalari agentligi va Koreya Respublikasining O‘zbekistondagi elchixonasi huzuridagi Koreya ta’lim markazi bilan hamkorlikda “Incheon ta’lim festivali” bo‘lib o‘tgan edi.

Festivalning yakuniy natijalariga ko‘ra g‘olib deb topilgan o‘quvchilar ayni kunlarda Koreya Respublikasida ta’lim sayohatida bo‘lib turishibdi. O‘quvchilarimiz Indoneziya, Tailand, Koreyalik tengdoshlari bilan fan, ta’lim, adabiyot va san’at sohalarida fikrlar almashishmoqda.

O‘zbekistonning boy madaniy merosi, tarixiy betakror obidalari, shonli o‘tmishi, o‘xshashi yo‘q urf-odatlari va an’analari, milliy kiyim va folklori, qolaversa, samimiy va hamisha ko‘ngli ochiq xalqimiz haqidagi ma’lumotlar hammada katta qiziqish uyg‘otmoqda.

Ta’lim sayohati davomida Koreyaning tarixiy va zamonaviy qiyofa kasb etadigan diqqatga sazovor joylariga ekskursiyalar tashkil etilmoqda.

Telegram | Facebook | Instagram | YouTube

#xorijiy_hamkorlik
#Koreya

🤩 Ixtisoslashtirilgan ta’lim muassasalari agentligi va tizimdagi maktablar vakillaridan iborat delegatsiya Koreya Respublikasida bo’lib turibdi.

Bugun Koreya Respublikasining Incheon xalqaro maktablar kampusiga ta’lim sayohat uyushtirildi. Unda mazkur maskanning direktori xalqaro maktab haqida to’liq ma’lumot berdi. Shundan so’ng, malakali mutaxassislar tomonidan maktab bo’ylab ekskursiyalar tashkil qilindi.

Kunning ikkinchi yarmida III Incheon ta’lim festivalining ochilish marosimi bo’lib o’tdi. Unda jahonning 20 ga yaqin davlatidan tashrif buyurgan 50 dan ortiq ta’lim tashkilotlari qatorida Agentlik delegatsiyasi ham faol ishtirok etdi.

Agentlik delegatsiyasining Koreya Respublikasiga safari davom etmoqda.

Telegram | Facebook | Instagram | YouTube

#xorijiy_hamkorlik
#Koreya

🤩 Ixtisoslashtirilgan ta’lim muassasalari agentligi va tizimdagi maktablar vakillaridan iborat delegatsiya Koreya Respublikasida bo’lib turibdi.

Bugun III Incheon ta’lim festivalining yopilish marosimi bo’lib o’tdi. Unda O’zbekiston ta’lim delegatsiyasi a’zolariga faol ishtiroklari uchun mezbon davlat tomonidan alohida minnatdorlik bildirildi.

Shuningdek, ikki do’st mamlakat o’rtasida barcha sohalar kabi shiddat bilan rivojlanib borayotgan ta’lim yo’nalishida ham yanada yaqindan va izchil o’zaro hamkorlikni kuchaytirishga kelishib olindi.

Tadbirda so’zga chiqqanlar so’nggi yillarda Davlatimiz rahbari tomonidan amalga oshirilayotgan keng islohotlarni e’tirof etar ekan Maktabgacha va maktab ta’limi vazirligi hamda Agentlikka do’stona munosabatlar uchun o’z tashakkurlarini izhor etishdi.

Telegram | Facebook | Instagram | YouTube