#Xorijiy_hamkorlik

✅ “Direktorlar uchun maktablarni rivojlantirish dasturi” doirasida Ixtisoslashtirilgan ta’lim muassasalari agentligi tizimidagi Prezident, ijod  hamda ixtisoslashtirilgan maktab direktorlarining 12 nafari Angliyaning Portsmut shahrida malaka oshirishmoqda.

📆 Mazkur maktab direktorlari bilan Oʻzbekiston Respublikasining Buyuk Britaniya va Shimoliy Irlandiya Birlashgan Qirolligidagi Favqulodda va Muxtor elchisi Ravshan Usmanov ishtirokida ochiq muloqot boʻlib oʻtdi.

📝Unda Ixtisoslashtirilgan ta’lim muassasalari agentligi direktori Alisher Ubbiyev hamda Maktabgacha va maktab taʼlimi vazirligi boshqarma boshligʻi Nargiza Qoʻchqorova ham ishtirok etishdi.

🗣Muloqot davomida elchi maktab direktorlariga bu kabi xalqaro doiradagi tadbirlar har doim ham boʻlavermasligi, undan unumli foydalanib, imkon qadar koʻproq bilim va tajriba orttirib, oʻzlashtirgan koʻnikmalarini oʻzbekistonlik boshqa oʻqituvchilar oʻrtasida ham yoʻlga qoʻyish kerakligini taʼkidladi.

❗️“Direktorlar uchun maktablarni rivojlantirish dasturi” doirasida ikki tomonlama uchrashuv va muzokaralar davom etmoqda.

#Angliya #Portsmut #maktab_direktorlari

Agentlikning rasmiy sahifalariga ulanish:
Telegram | Facebook | Instagram | YouTube

#Agentlik_olimpiadasi
#maktab_bosqichi

⚡️Ixtisoslashtirilgan taʼlim muassasalari agentligi tizimidagi barcha maktablarda STEM fanlar olimpiadasining maktab bosqichi boʻlib oʻtmoqda.

📚Olimpiada jarayonlari fizika, kimyo, biologiya fanlaridan 3 bosqichda (test, yozma ish va laboratoriya ishi), matematika, science fanlaridan 2 bosqichda (test, yozma ish) hamda informatika va axborot texnologiyalari fanidan 1 bosqichda (dasturlash) 5-11-sinflar kesimida tashkil etilgan.

✅Maktab bosqichida gʻoliblikni qoʻlga kiritgan (1-2-3-oʻrin) oʻquvchilar Hududiy bosqichga yoʻllanma olishadi.

🗺Olimpiada jarayonlaridan suratlar.

Telegram | Facebook | Instagram | YouTube

✅✅✅✅
#Maktab_maslahatchilari

✅ Maktabgacha va maktab ta'limi vaziri Hilola Umarova maktab maslahatchilari uchun tashkil etilgan o‘quv seminari ishtirokchilari bilan uchrashdi.

Ushbu ochiq muloqot davomida vazir iqtidorli o‘quvchilarni qo‘llab-quvvatlash tizimi haqida so‘z yuritdi va bunda maktab maslahatchilarining rolini alohida ta'kidladi.

🔰 Shuningdek, seminar ishtirokchilarining taklif hamda mulohazalari ham tinglandi.

➖ "Renessans" bolalar oromgohida tajribali mahalliy va xalqaro ekspertlar ishtirokida tashkil etilgan mahorat darslarida:

➖Top universitetlar strategiyalari (Portfolio, tadqiqot, amaliyotlar, darsdan tashqari mashg‘ulotlar),
➖Xalqaro universitetlarga hujjat topshirish platformalari,
➖Ota-onalar va ustozlar bilan hamkorlikda ish olib borish,
➖Maktab maslahatchilari uchun foydali onlayn manbalar kabi mavzularda so‘z bormoqda.

❗️Ta'kidlash joiz, “Prezident iqtidorli farzandlari” tashabbusi va uni qo‘llab-quvvatlash bo‘yicha milliy dastur asosida Prezident va ixtisoslashgan maktablardan 208 nafar maslahatchi umumta’lim maktablariga biriktiriladi va har yili eng salohiyatli 3 ming o‘quvchini tanlab oladi.

✈️ Mazkur o‘quvchilar AQSHning Garvard, Yel, Kolumbiya, Kornel kabi nufuzli oliygohlarga tayyorlanishi ko‘zda tutilgan.

📊 Ma'lumot o‘rnida: o‘quv mashg‘ulotlarida 200 nafardan ziyod maktab maslahatchilari ishtirok etmoqda. Jarayonlar 30-mayga qadar davom etadi.

🌍🌍🌍🌍🌍🌍

Bizni kuzating

❤️ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin