Kembrij Oʻzbekiston Respublikasi Prezident maktablari bilan 5 yildan buyon ishlab kelmoqda. Biz Prezident maktablariga STEM fanlaridan taʼlim berish boʻyicha yordam berib kelmoqdamiz va Prezident maktablariga kirish imtihonlarining test materiallarini taʼminlashimiz minglab oʻquvchilarni qamrab olmoqda.

Bu oʻquvchilar mamlakatning kelajakdagi yetakchi liderlari va davlat rivojiga hissa qoʻshadigan kadrlari boʻlib yetishishiga ishonamiz. Bundan tashqari biz Agentlik bilan hamkorlikda malakali kadrlarning shaxsiy rivojlanishi boʻyicha ham Professional Development Qualifications (PDQ) trening dasturlarini ham yoʻlga qoʻyganmiz.

Shu hafta davomida Kembrij universitetining 10 nafardan oshiq professorlari tomonidan 14 ta hududdan kelgan Prezident maktablarining kompyuter taʼlimi, fizika, kimyo, biologiya va matematika fanlari oʻqituvchilari uchun STEM fanlarini takomillashtirilgan holda oʻqitish boʻyicha trening olib borilmoqda.

Biz umid qilamizki, bu treninglardan oʻrganilgan bilimlarini, oʻqituvchilar oʻz maktablarida va bundan tashqari barcha umumtaʼlim maktablari bilan boʻlishishadi. Rahmat.

Kembrij universiteti Ixtisoslashtirilgan taʼlim muassasalari agentligi bilan 5 yildan buyon yaqin hamkorlik qilib kelmoqda.

Ushbu hamkorlik doirasida Prezident maktablari oʻqituvchilari uchun treninglar 2019-, 2021- va 2024-yillarda tashkil etildi.

Kembrij tashkiloti Agentlik bilan hamkorlikni bundan keyin ham davom ettirish niyatida. Bu yilgi trening 5 ta STEM fanlari boʻyicha tashkil etilgan boʻlib, kimyo, fizika, biologiya, kompyuter taʼlimi va matematika fanlarini oʻz ichiga oladi.

Ushbu treninglar orqali Prezident maktablari oʻqituvchilarining bilim, tajriba va koʻnikmalarini yanada mustahkamlagan holda oʻquvchilarga zamonaviy taʼlim berish orqali ularning bilimlarini yanada oshirishni niyat qilganmiz.