#Xalqaro_aloqalar
#Buxoro_Voronej

Voronej viloyati delegatsiyasi Buxoro shahridagi Prezident maktabida ham bo'ldi. 2019-yil tamal toshi qo'yilgan hamda 2021-yilda foydalanishga topshirilgan maskan Ikki gektar hududda zamonaviy loyiha asosida bunyod etilgan.

Mazkur bilim dargohiga eng qobiliyatli o‘quvchilar bir necha bosqichli sinovlar asosida tanlab olinib, ularga matematika, fizika, kimyo, biologiya va axborot texnologiyalari hamda xorijiy tillar ilg‘or ta’lim metodologiyalari asosida chuqur o‘rgatiladi. Ta’lim jarayoni rivojlangan davlatlar tajribasi asosida ishlab chiqilgan o‘quv rejalari va dasturlari bo‘yicha ingliz tilida olib boriladi.

Aleksandr Gusev boshchiligidagi delegatsiya vakillari 168 o‘ringa mo‘ljallangan ikki qavatli o‘quv binosi, uch qavatli yotoqxona, barcha sharoitlarga ega mehmonxona, gimnastika va sport zallari, suv havzasi, oshxona va dars tayyorlash xonalari bilan tanishdilar.

Tashrif davom etmoqda. Uning tafsilotlari haqida sahifalarimiz haqida axborot berib boramiz.

Buxoro.uz | Facebook | Instagram | YouTube