Энди машинангиз экологияга зарар етказса, жарима тўлайсиз

Вазирлар Маҳкамаси қарори билан атмосфера ҳавосига транспорт воситаларининг салбий таъсири камайтирилади:

➖ 2024 йил 1 июндан бошлаб барча автомототранспортлардан ифлослантирувчи моддалар ташламаларининг ҳавога зарарли таъсири бўйича йўл қўйиладиган нормативларга мослигини назорат қилиш бўйича “Экологик транспорт" тизими жорий этилади;

➖ Диагностик текширув натижаларига асосан транспорт воситаларига стикерлар берилади. Шунга кўра, транспорт воситалари «яшил», «сариқ» ва «қизил» ранглар билан белгиланадиган «тоза», «ўрта» ва «зарарли» экологик тоифаларга бўлинади;

➖ Ҳудудлар 2030 йилгача босқичма-босқич экологик зоналарга ажратилади (Тошкентда — 2026 йилгача). Экологик тоифаси ҳудуднинг экологик зонасига мувофиқ бўлмаган транспорт воситаларига нисбатан экологик компенсация тўловларини жорий этиш ёхуд улардан тегишли экологик зоналар ҳудудида фойдаланишни чеклаш ёки тақиқлаш чоралари кўрилади;

➖ Юқоридаги тартибга риоя этмаганлик учун жавобгарлик чоралари белгиланади. Жарима маблағлари эса мамлакатнинг экологик ҳолатини яхшилашга ва атроф-муҳитни муҳофаза қилишга йўналтирилади.
@platformauzb

Апрел ойида ёғингарчилик кам бўлади

Бу йил апрель ойи қуруқ ва ўртача илиқ об-ҳаво билан бошланади. Биринчи беш кунликда ҳаво 15-20 даража илиққача исийди, кечалари ҳарорат 5-10 даража илиқ атрофида бўлади.

Ушбу даврда республиканинг тоғ олди ва тоғли ҳудудларида ёғингарчилик бўлиши эҳтимоли кўпроқ. Текислик ҳудудларда асосан ёғингарчиликсиз об-ҳаво бўлади, фақат Самарқанд, Қашқадарё, Сурхондарё вилоятларида 2-3 апрель кунлари баъзи жойларда ёмғир ёғиши мумкин.

Апрель ойи биринчи ўн кунлигининг иккинчи ярмида ҳарорат асосан кечалари 8-13 даража илиқ, кундуз кунлари 18-23 даража илиқ бўлади.
Иккинчи ва учинчи ўн кунликларда ҳарорат кечалари 2-7 даража илиқдан 10-15 даража илиққача, кундуз кунлари 13-18 даража илиқдан 25-30 даражагача ўзгариб туради.

Ойлик ёғингарчилик миқдори меъёрдан кам, баъзи жойларда меъёр атрофида бўлади.

@platformauzb

Ҳукумат қарори: энди электромобилларни давлат рўйхатидан ўтказиш атига 510 минг сўм бўлади

2024 йил 1 апрелдан бошлаб автомототранспорт воситалари ва уларнинг тиркамаларини рўйхатдан ўтказиш ва қайта рўйхатдан ўтказишда ундириладиган тўлов ставкалари электромобиллар, мототранспорт воситалари ва автотранспорт воситалари тиркамаларини рўйхатдан ўтказиш ва қайта рўйхатдан ўтказиш учун – базавий ҳисоблаш миқдорининг 1,5 баравари (ҳозирда 510 минг сўм) миқдорида тўлов белгиланмоқда.

Электромобиллар, мототранспорт воситалари ва автотранспорт воситалари тиркамаларидан бошқа барча автотранспорт воситаларини рўйхатдан ўтказиш ва қайта рўйхатдан ўтказиш учун эса – базавий ҳисоблаш миқдорининг 6,84 баравари миқдорида тўлов белгиланмоқда.

@platformauzb

Аллоҳни кўп зикр қиладиганларнинг мартабаси баланд бўлади.

Шайх Муҳаммад Содиқ Муҳаммад Юсуф

Бизни кузатишда давом этинг👇
@platformauzb
Батафсил: https://t.iss.one/+UaAfANSlNTEwYmQy

Кинематография агентлиги беш йил ичида нимага эришди?

Коррупцияга қарши курашиш агентлиги томонидан республикамиздаги энг коррупцияга ботган давлат ташкилотлари рўйхати эълон қилинди.

Қарасам - пастдан биринчи ўринда жонажон Ўзбекистон Кинематография агентлиги турган экан (5 балл тўплаган ҳолда).

Коррупция борасида Олий таълим вазирлигиниям, ҳатто Андижон ҳокиминиям ортда қолдирипмиз. Браво!

Шу муносабат билан барча ҳамкасбларимни табрикламоқчи эдим. Сўнгги 5 йил ичида нимага эришдик, деган саволга "Ўзбеккино"ни юртимиздаги энг коррупцияга ботган ташкилотга айлантирдик, дея баралла айта оламиз.

Исботланган факт, ҳар ҳолда. Тарих учун мен ҳам муҳрлаб қўяй, дедим.

Мартабамиз бунданам улуғ бўлсин )) 🤣😂🥳

Сарвар Каримов, режиссёр

P/S: Айтганча, куни кеча Кинематография агентлигига Алишер Ходжаев директор ўринбосари этиб тайинланди. Алишер ака узоқ йиллар давомида халқ пули - бюджетдан боқиб келинаётган МТРК раиси бўлиб ишлаган.

@platformauzb

Метан газ нархи кўп ошмайдиган бўлди

Ҳукумат қарори билан автомобилларга газ тўлдириш компрессор шохобчаларида табиий газни сотишда унинг энг баланд чакана нархи 2024 йил 1 июнгача бир куб метр учун 3 350 сўм этиб белгиланмоқда.

Яъни 1 апрелдан эътиборан якунига етиши керак бўлган энг баланд чакана нарх учун белгиланган муддат яна икки ой давомида жузъий ўзгартишлар билан амал қилади (аввалги нарх 3 250 сўм эди).

@platformauzb

Шайх Муҳаммад Содиқ Муҳаммад Юсуф роҳимаҳуллоҳ мақтов ва маддоҳлик ҳақида

«Бировни биров мақтадию ҳалиги мақтовга учиб кетиб, биринчидан, мақталган одам ғурурга берилиб ҳовлиқиб кетди. Иккинчидан, мақтовни эшитгандан кейин хотиржамликка берилиб, ўз устида ишламай мен мақталдим бўлди энди кераги йўқ, деб ўзини ташлаб қўяди. Ҳаракат қилмай қўяди мен зўр одам эканман дейди.

Мана шулар энг ёмон мақтов, тил офати деб ҳисобланган мақтов, ҳалокатга олиб борадиган, унинг бўйнини синдирадиган мақтовдир.

Ҳаммамиз маддоҳликдан қўрқишимиз керак. Маддоҳликни ўзимизга бегона сифатида билишимиз керак. Чунки маддоҳлик жамиятга катта бало-офат олиб келади»

Бизни кузатишда давом этинг👇
@platformauzb
Батафсил: https://t.iss.one/+UaAfANSlNTEwYmQy

2023 йил якунлари бўйича очиқлик индекси натижалари эълон қилинди

Бунда жами 103 та давлат идоралари ва ташкилотларининг фаолияти қамраб олиниб, 84 та баҳолаш мезонидан таркиб топган 8 та индикатор асосида шакллантирилган.

Баҳолаш натижаларига кўра, 31 та идора ва ташкилот “яшил” (71-100 балл), 43 таси “сариқ” (55-71 балл) ва 29 таси “қизил” (55 баллдан паст) самарадорлик кўрсаткичларини қайд этган.

Очиқлик индексига кўра, 103 та ташкилот ичида энг охирги ўринларни — Кинематография агентлиги, Ўзбекистон Миллий телерадиокомпанияси ва Андижон вилояти ҳокимлиги эгаллади.

P/S: Давлат раҳбари очиқлик, шаффофликни талаб қилаётган, аммо рўйхатда акс этганидек, бунга қарши бўлаётган ташкилотлар номини ўқиб, эссиз буларга ажратилаётган шунча халқ пули деймиз. Уларнинг биринчи раҳбарларига қатъий чора кўриладиган тизим борми? Бор бўлса, кутамиз.

Бизни кузатишда давом этинг👇
@platformauzb
Батафсил: https://t.iss.one/+UaAfANSlNTEwYmQy

"Oʻzbekistonlik. Podcast"нинг илк эпизоди премьераси бўлиб ўтди

Сал аввал Uzbekistan's Club жамоаси томонидан эълон қилинган ва "Uzum" рақамли компанияси ҳомийлигида суратга олинган "Oʻzbekistonlik. Podcast"нинг биринчи эпизоди эфир юзини кўрипти. Биринчи сондаёқ айни дамда бутун дунё бўйлаб жуда долзарб ва трендда бўлиб турган мавзулар — сунъий интеллект, илм-фан ва технологиялар, хусусан уларнинг интеграцияси ҳақида сўз борган. Лойиҳанинг илк эпизодида бир нечта IT бизнеслар эгаси Бобир Акилханов ҳамда Колумбия Университети ёрдамчи профессори Азиза Шоназаровалар меҳмон бўлишди. Подкастни «Oʻzbekistonlik» туркум фильмининг илк эпизоди қаҳрамонларидан бири – техника фанлари доктори, Асқарали Каримов олиб борипти.

Подкаст давомида AI ва илм-фан ўртасидаги қарама-қаршилик ва имкониятлар, замонавий технологияларнинг маданият, одамлар турмуш тарзи, умуман, инсоният тақдирига бўлажак таъсири, шунингдек, аёллар ва қизларнинг жамиятга қўшаётган ҳиссаси, уларнинг илм-фандаги ўрни қандай бўлиши кераклиги ҳақидаги долзарб мавзулар устида баҳс юритилди.

Хулоса қилиб айтганда, меҳмонлар "Oʻzbekistonlik. Podcast"нинг илк сониданоқ маррани кенг олишипти дейиш мумкин. Мазмунли ва айни пайтда жамият учун фойдали суҳбатнинг тўлиқ версиясини бу ерда тинглашингиз мумкин.

“Опен бюджет”да овозларни сохталаштириш ҳолатлари кузатилмоқда

Ижтимоий тармоқларда тарқалган суратларга кўра, бир лойиҳага битта номердан минглаб овоз берилган.

Kun.uz билан суҳбатлашган мурожаатчилардан бирининг айтишича, бу – халқ орасида “воздух” қилиш ёки “накрутка” деб аталадиган усулнинг иш бераётгани билан боғлиқ.

Натижада айрим лойиҳаларда кечқурун 00:00 дан эрталаб 06:00 гача бўлган пайтда ҳам минглаб овозлар қўшилганини кузатиш мумкин.

“Ҳакер”лардан бирининг сўзларига кўра, овоз бериш бошланган пайтда 1000 та овоз 25-30 млн сўмга баҳоланган, кейинроқ нарх-наво икки баробаргача кўтарилган.

Бошқа бир “ҳакер” эса унда етарлича овозлар қолмагани, лекин у томонидан ёрдам берилган лойиҳалар ўз туманида етакчилик қилаётганини маълум қилди. Ушбу шахслар қандай қилиб овоз тўплаб беришларига аниқлик киритмади.

Шубҳали тарзда овозлар сони ошиб бораётган бир қанча лойиҳалар бўйича Молия ва иқтисодиёт вазирлиги вакиллари ўрганиш олиб бормоқда.

@platformauzb

Экология вазирига янги ўринбосар тайинланди

Искандар Қутбиддинов Экология, атроф-муҳитни муҳофаза қилиш ва иқлим ўзгариши вазири ўринбосари лавозимига тайинланди.

Искандар Қутбиддинов 1995 йилда Андижон вилояти, Андижон шаҳрида туғилган.

Маълумоти - олий, 2017 йилда Тошкент давлат юридик университетининг бакалавриат ва 2023 йилда Тошкент давлат иқтисодиёт университетининг бакалавриат (сиртқи) босқичини тамомлаган.

Меҳнат фаолиятини 2017 йилда Адлия вазирлиги катта маслаҳатчиси лавозимида бошлаган.

2018–2021 йилларда Вазирлар Маҳкамасида, 2021-йилдан Ўзбекистон Республикаси Президенти Администрациясида ишлаб келган.

@platformauzb

Қобил Қори Одилжон ўғли
"Ғийбат ва бўхтон гуноҳларнинг энг оғири, ёмонидир".

Бизни кузатишда давом этинг👇
@platformauzb
Батафсил: https://t.iss.one/+UaAfANSlNTEwYmQy

Вазирлар Маҳкамаси ва "Ўзавтойўл" диққатига!

Юртимиз кўчалари яна ўнқир-чўнқирлар билан тўлиб кетди. Энди йўлларни текислаш билан халқ шуғуллана бошлади.

Йўлсозларимизнинг бир мавсумга етмайдиган ишига 2 баҳо дейишдан бошқа гапимиз йўқ. Улар чет эл тажрибаси тугул қўшниларимиздан ўрганишса бўларди. Мана, Қозоғистон, Чимкентни кўринг. Катта трасса йўли неча йилдан бири мустаҳкам турибди.

Ҳам солиқ тўласа, ҳам йўлларни ўзи ямаса, унда "Автойўл" ва бошқа идораларнинг нима кераги бор?

Бизни кузатишда давом этинг👇
@platformauzb
Батафсил: https://t.iss.one/+UaAfANSlNTEwYmQy

🌙 Рамазон ойида Payme’дан хайрли ташаббус!

Payme иловасида “Хайрия” бўлими пайдо бўлди. Энди савобли, хайрия ишларга ҳисса қўшиш янада осонлашди. Илованинг асосий саҳифасидаги баннер эса сизга буни эслатиб туради. Бўлимдан эҳсон қилмоқчи бўлган ташкилотни танлаш кифоя.

Иловага тегишли тартибда рўйхатдан ўтган, энг ишончли фондлар киритилган. Рўйхатда 2018 йилда Ўзбекистон Республикаси Президенти қарори билан ташкил этилган “Vaqf” хайрия жамоат фонди ҳам бор.

Муборак кунларда кўпчилик учун манфаатли ташаббусга қўл уришибди. Шу орқали эҳтиёжмандларга кўмак бериш янада осонлашади деган умиддамиз.

Cудья олган порасини қайтараётганда қўлга олинган

Тошкент шаҳар жиноят ишлари бўйича Сергели туман судининг судьяси Ш. А. 15.000 АҚШ доллари миқдоридаги олган пора предметини қайтараётганда қўлга тушган.

@platformauzb

Тошкентда совуқ сув ўчирилади

«Тошкент шаҳар сув таъминоти» АЖ режали профилактика–таъмирлаш ишлари олиб борилиши муносабати билан истеъмолчиларга ичимлик сув босимининг пасайиши ва вақтинча тўхтатиладиган сана ва манзилларни маълум қилди.

Айтилишича, сувсиз қолган ҳудудларга махсус техникаларда сув етказиб берилади.

Рўйхат

Бизни кузатишда давом этинг👇
@platformauzb
Батафсил: https://t.iss.one/+UaAfANSlNTEwYmQy

Бир гуруҳ экстремист ёшлар Исроилнинг Ўзбекистондаги элчихонаси, аэропортда теракт уютиштирмоқчи бўлган. Бунинг учун портловчи мослама ясашга ҳам муваффақ бўлишган. Мосламани ясашда ИНҲА олийгоҳини талабаси ҳам иштирок этган.

Ушбу хунрезлик хавфсизлик хизмати ходимлари томонидан бартараф этилган.

Бизни кузатишда давом этинг👇
@platformauzb
Батафсил: https://t.iss.one/+UaAfANSlNTEwYmQy

Ёзишларича, 68 баробар оширилган тўлов бекор қилинган

Маълумотларга кўра, техпаспорт алмаштирганда тўланадиган тўлов эски ҳолида қоладиган бўлган. Яъни тўлиқ бекор бўлмаган янги тартиб.

@platformauzb