#Onlayn_olimpiada

✅ Prezident ta'lim muassasalari agentligi tomonidan onlayn ta'lim davomida o'quvchilardagi salohiyatni yuzaga chiqarish va ularning bo'sh vaqtlarini mazmunli o'tkazish maqsadida fan olimpiadalari tashkil etilmoqda.

🏢 Jumladan, bugun 29-yanvar kuni Agentlik tizimidagi Prezident, ijod va ixtisoslashtirilgan maktab o'quvchilari o'rtasida matematika fanidan onlayn olimpiada bo'lib o'tdi.

📌 Ma'lumot o'rnida, STEAM fanlari doirasida bo'lib o'tayotgan mazkur olimpiadalar oyligi davomida science, biologiya, fizika, kimyo va informatika kabi fanlardan ham onlayn olimpiadalar o'tkazilishi kutilmoqda.

⬇️ Biz ijtimoiy tarmoqlarda:
Veb-sayt | Telegram | Instagram | YouTube

#Onlayn_olimpiada

✅ Agentlik tasarrufidagi maktab o'quvchilari o'rtasida STEAM fanlari doirasida Olimpiadalar haftaligi davom etmoqda.

🔹️ Bugun, 5-fevral kuni maktablarning 5-7-sinf o'quvchilari o'rtasida science fani doirasida onlayn olimpiada bo'lib o'tdi. Unda o'quvchilar fan doirasida o'zaro bellashdilar.

〰️ Eslatib o'tamiz, olimpiadalar haftaligi 8-11-sinflar kesimida bo'lib o'tadigan biologiya fan olimpiadasi bilan davom etadi.

#onlayn_vebinar

Ixtisoslashtirilgan ta’lim muassasalari agentligi tomonidan onlayn vebinar tashkil etildi

Unda Agentlik tizimidagi 182 ta ixtisoslashtirilgan maktab va maktab-internatlarining o‘quv ishlari bo‘yicha direktor o‘rinbosarlari hamda hududiy boshqarmalar mas’ul xodimlari ishtirok etdi.

Onlayn vebinar bevosita ixtisoslashtirilgan ta’lim muassasalari faoliyatini samarali tashkil etish, reytingi va akademik o‘zlashtirishi tizimli pasayib ketgan o‘quvchilar bilan individual ish olib borish, o‘quvchini maktabdan chetlatish tartibi va unga doir hujjatlarni rasmiylashtirish hamda bob va chorak bo‘yicha summativ baholash tahlillari natijalari asosida o‘quvchilarning ta’lim olishdagi ehtiyojlarini belgilab olishga qaratildi.

Telegram | Facebook | Instagram | YouTube

#onlayn_vebinar

Ixtisoslashtirilgan ta’lim muassasalari agentligi tomonidan tizimdagi Ijod maktablarning pedagog xodimlari uchun onlayn vebinar o‘tkaziladi.

Mazkur vebinar pedagog xodimlarga ta’limda axborot texnologiyalaridan samarali foydalanish, o‘quvchi psixologiyasi va darsda ijobiy muhit yaratish, ularning pedagogik mahoratini oshirish hamda loyihaga asoslangan ta’limni tashkil etish bo‘yicha metodik yordam ko‘rsatish, huquqiy savodxonligini oshirish va kasbiy rivojlanishga qaratildi.

Ma’lumot uchun, onlayn vebinar joriy yilning 8-9-10-yanvar kunlari bo‘lib o‘tdi.

Telegram | Facebook | Instagram | YouTube

#onlayn_muloqot
#qonun_hujjatlari_targʻiboti

QONUN HUJJATLARI TARG‘IBOTI

Ixtisoslashtirilgan ta’lim muassasalari agentligida manfaatlar to‘qnashuvi va korrupsiyaga qarshi kurash targ‘ibotiga bag‘ishlangan onlayn muloqot tashkil etildi. Unda Maktabgacha va maktab ta’lim vazirligi, Agentlik mas’ul xodimlari, xususan tizimdagi maktab direktorlari ZOOM platformasi orqali ishtirok etdi.

Targ‘ibot tadbirida ta’lim tizimida korrupsiyaga qarshi kurashish sohasida olib borilayotgan islohotlar, manfaatlar to‘qnashuvi va korrupsiya holatlari bo‘yicha tashkil etilgan aloqa kanallari orqali kelib tushayotgan xabarlarni o‘rganish tartibi borasida so‘z bordi.

Shuningdek, O‘zbekiston Respublikasining “Manfaatlar to‘qnashuvi to‘g‘risida”gi Qonuni qabul qilinganligi, mazkur Qonunda “manfaatlar to‘qnashuvi” tushunchasiga aniq ta’rif berilganligi, manfaatlar to‘qnashuvi kimlar o‘rtasida va qachon vujudga kelishi mumkinligi to‘g‘risida ko‘rsatib o‘tilganligi, davlat tashkiloti xodimlari, ularning yaqin qarindoshlari va ularga aloqador shaxslarning manfaatlar to‘qnashuvining oldini olish sohasidagi huquq va majburiyatlari, cheklovlar, jumladan Qonun talablarini buzganlik uchun javobgarlik belgilanganligini hamda Qonunning mazmun-mohiyati ishtirokchilarga batafsil tushuntirildi.

Onlayn muloqotda davlat xizmatchisi korrupsiyaning har qanday ko‘rinishlariga qarshi keskin kurashishi, yuklatilgan funksional xizmat vazifalarni qonun talablari asosida sidqidildan bajarishi, tanish-bilishchilik, mas’uliyatsizlik, tamagirlik va manfaatlar to‘qnashuvi hamda korrupsiyaga oid huquqbuzarliklarga yo‘l qo‘ymasligi lozimligi ta’kidlandi.

Telegram | Facebook | Instagram | YouTube

#onlayn_muloqot

XALQARO MUNOSABATLAR OQUVCHILAR MUHOKAMASIDA

Agentligimiz tomonidan mamlakatimizning xorijiy davlatlardagi elchixonalari bilan hamkorlikda tizimdagi Prezident, ijod, sport hamda ixtisoslashtirilgan maktablar o‘quvchilarning xalqaro hayot, O‘zbekistonning tashqi siyosati va milliy manfaatlari borasida bilim va tushunchalarini mustahkamlash maqsadida onlayn mahorat darslari tashkil etilmoqda.

ZOOM platformasi orqali o‘tkazilgan navbatdagi mahorat darsida O‘zbekiston Respublikasining Birlashgan Arab Amirliklaridagi elchixonasi maslahatchisi Anvar Abduhalimov o‘quvchilarimizga mamlakatlarimiz o‘rtasida siyosiy, savdo-iqtisodiy, madaniy sohalardagi aloqalar, qo‘shma investitsiya loyihalari, ta’lim dasturlari haqida ma’lumot berdi.

O‘quv jarayonining uzviy qismiga aylangan shu kabi muloqotlar o‘quvchilarimizni o‘zlari qiziqqan sohalar bo‘yicha bilimlarini oshirishga xizmat qilmoqda.

Telegram | Facebook | Instagram | YouTube