#prezident_maktabi
#uchrashuv

⚡️ Agentligimiz tizimidagi Nukus shahridagi Prezident maktabiga fizika-matematika fanlari doktori, professor, senator, O'zbekiston Fanlar Akademiyasining Matematika Instituti direktori, O'zbekiston Qahramoni Shavkat Ayupov bilan uchrashuv bo'lib o'tdi.

⏰ Ixtisoslashtirilgan hamda Prezident maktabi o'quvchilari ishtirok etgan uchrashuvda Sh.Ayupov tomonidan yoshlarga jamiyatda o'z o'rniga ega bo'lishi va ilm-fan sohasida yuqori natijalarga erishishi uchun kerak bo'ladigan ko'nikma va tajribalar jonli misollar bilan aytib berildi.

Agentlikning rasmiy sahifalariga ulanish:
Telegram | Facebook | Instagram | YouTube

#ixtisoslashtirilgan_maktab
#uchrashuv

🤩 Ixtisoslashtirilgan ta’lim muassasalari agentligi tizimidagi Qoʻshtepa tuman ixtisoslashtirilgan maktabida shu yil Parijda boʻlib oʻtgan XVII Yozgi Paralimpiya oʻyinlari gʻolibi, "Oʻzbekiston iftixori" faxriy unvoni sohibi Yorqinbek Odilov bilan "Matonat maktabi" shiori ostida uchrashuv boʻlib oʻtdi.

Unda O‘zbekiston Respublikasi Qurolli Kuchlari Sharqiy harbiy okrug qoʻshinlari qoʻmondoni, general-mayor Oybek Saidov, faxriy ustoz va oʻquvchilar, mahalla faollari ishtirok etdi.

Uchrashuvda Vatanga muhabbat, sadoqat mavzulari haqida soʻz bordi. Bilim olish, sport bilan shug‘ullanish, bo‘sh vaqtdan unumli foydalanish afzalliklari ta’kidlandi.

Maʼlumot uchun, Yorqinbek Odilov XVII Yozgi Paralimpiyaning nayza uloqtirish bahslarida 50.32 metr natija bilan 1-orinni qoʻlga kiritgan!

Telegram | Facebook | Instagram | YouTube

#ixtisoslashtirilgan_maktab
#uchrashuv

🤩 Agentlik tizimidagi Denov tuman 2-son ixtisoslashtirilgan maktabida "Hokim va yoshlar" uchrashuvi boʻlib oʻtdi.

Denov tuman hokimi Ilhom Abrorov tomonidan ixtisoslashtirilgan maktabning “Vatan tayanchi” bolalar va o‘smirlar harbiy-vatanparvarlik harakati a’zolariga koʻkrak nishonlari hamda guvohnomalari tantanali tarzda topshirildi.

Tadbir davomida oʻquvchilar oʻzlarini qiziqtirgan savollar bilan tuman hokimiga murojaat qilishdi. Iqtidorli oʻquvchilar tomonidan taklif, fikr va mulohazalar bildirildi.

Maʼlumot uchun, mazkur maktab-internatida hozirgi kunda 310 nafar oʻquvchi tahsil olmoqda. Ularga 40 nafar oliy ma’lumotli oʻqituvchi tomonidan bilim berib kelinmoqda.

Chet tili va boshqa fanlardan sertifikatga ega oʻqituvchilar 28 nafarni tashkil etadi. Maktab-internatida 120 oʻringa mo‘ljallangan “O‘quvchilar turar joyi” hamda oshxona mavjud.

Telegram | Facebook | Instagram | YouTube

#uchrashuv

✅ Bugun Maktabgacha va maktab ta’limi vazirligida Chet ellik turklar va qarindosh jamiyatlar yetakchiligi (YTB) vakillari bilan uchrashuv bo’lib o’tdi.

Unda vazirlik vakillari, Ixtisoslashtirilgan ta’lim muassasalari agentligi direktori Alisher Ubbiyev, YTB rahbariyati ishtirok etdi.

Uchrashuv avvalida O‘zbekiston va Turkiya davlatlari o‘rtasida turli sohalarda bo’lgani kabi ta'lim sohasida ham o‘zaro hamkorlik yanada rivojlanib borayotganligi aytib o’tildi.

Mehmonlar Agentlik tizimidagi maktab bitiruvchilari uchun Turkiyaning oliy ta’lim muassasalarida grant asosida o‘qishni davom etirishga ko‘maklashish, Turkiyada o‘qish qiziqishini bildirgan bitiruvichilar uchun alohida grant o‘rinlarini ajratish imkoniyatlarini ko‘rib chiqish haqida to’xtalib o‘tdi.

Ko’plab ijobiy muzokaralar almashilgan uchrashuv so’ngida har ikkala tomon istiqboldagi rejalar bo’yicha onlayn va oflayn muzokaralar olib borishga kelishib olishdi.

Telegram | Facebook | Instagram | YouTube