✅ Bugun Prezident ta'lim muassasalari agentligi tizimidagi "Yangi O'zbekiston" universitetiga kirish imtihoni oldi Tanishtiruv kuni bo'lib o'tdi.

🔹Bunyodkor stadionida tashkil etilgan Tanishtiruv kunida abituriyentlar qonun-qoidalar haqida ma'lumot olish bilan birga, zaruriy ko'nikma ham hosil qilishdi.

🔰Agentlik direktori Hilola Umarova tashrif buyurib, jarayonlarni koʻzdan kechirdi.

🔸Cambridge Assessment tashkiloti vakillari ham Tanishtiruv kunida ishtirok etib, abituriyentlarni imtihon tartiblari bilan tanishtirishdi.

✔️Har bir abituriyent Face ID orqali suratga olinib, tizimga kiritildi. Bu orqali imtihon kuni mazkur jarayonda vaqt tejashga erishiladi. Shuningdek, abituriyentlar imtihon kunidagi o'z joylarini bilib olishdi.

📌Imtihon hududida nazorat kameralari o'rnatilgan. Jarayon karantin qoidalariga amal qilgan holda tashkil etilmoqda.

❗Ma'lumot o'rnida, universitetga kirish imtihoni 6-sentabr 18:00da bo'lib o'tadi. Abituriyentlar imtihonga belgilangan vaqtdan 1 soat oldin kelishi lozim.

#Trening

✅Prezident ta'lim muassasalari agentligi tomonidan Cambridge Assessment tashkiloti bilan hamkorlikdagi Prezident maktablari va ixtisoslashtirilgan maktablar rahbar va pedagog xodimlarining kasbiy mahoratini rivojlantirishga qaratilgan treningga start berildi.

🔰Ushbu treningdan ko‘zlangan maqsad Prezident maktablarida Cambridge dasturi va qo'llanmalaridan samarali foydalanishlanishni tashkil etish va pedagoglarning kasbiy mahoratini oshirishdir.

🔹Treningni Agentlik rahbari Hilola Umarova ochib berdi:

"Bugun hammangizni bu yerda ko'rib turganimdan xursandman. Ishonamanki, sizlar bilan birgalikda maktablarimizdagi ta'lim sifatini eng yuqori darajaga ko'taramiz. Bunda barcha ishtirokchilarga omad tilayman".

🔸Cambridge tashkilotining ta'lim yo‘nalishi bo‘yicha bosh maslahatchisi Steve King:

"O‘qituvchilar malakasini oshirish maqsadida tashkil etilgan bunday tadbirlar tajriba almashinish maydonidir. Ular nafaqat o‘rganishadi, balki yangi g'oyalar olishadi".

📌Trening 13-sentabrga qadar davom etadi.

#Xalqaro_hamkorlik

✅ Prezident ta’lim muassasalari agentligi hamda Cambridge Assesment tashkiloti bilan mamlakatimizdagi o‘qituvchilarga xalqaro sertifikat berilishi yuzasidan memorandum imzolandi.

🔰 Unga ko‘ra, xalqaro ekspertlar hamda mahalliy ekspertlar tajribasini integratsiya qilish orqali malakali pedagog kadrlar faoliyatini rivojlantirish maqsad etilgan.

⚡️ Mazkur dastur nafaqat Prezident ta’lim muassasalari agentligi tizimidagi, balki O‘zekistondagi barcha maktablardagi pedagoglarning kasbiy mahoratini oshirish va xalqaro standartlar asosida faoliyat olib borish hamda xalqaro sertifikatlarni qo‘lga kiritish imkonini beradi.

⬇️ Biz ijtimoiy tarmoqlarda:
Veb-sayt | Telegram | Instagram | YouTube

#Imtihon_2021 #New_Uzbekistan_University

✅Bugun, 6-sentabr kuni Prezident ta'lim muassasalari agentligi tizimidagi “Yangi O‘zbekiston” universitetiga kirish imtihonlari bo‘lib o‘tdi.

🔰Imtihon davomiyligi 3 soatni tashkil etdi va ingliz tilida o'tkazildi.

🔹Cambridge Assessment tashkilotining ta'lim yo'nalishi bo'yicha bosh maslahatchisi Steve King imtihon jarayonlarida ishtirok etdi:

"Yangi O'zbekiston" universitetiga kirish imtihonlari Cambridge Assessment tashkiloti bilan hamkorlikda o'tkazilmoqda. Savollar maktab darsliklari asosida xalqaro standartlarga muvofiq tuzilgan. Savollarning qiyinlik darajasi yuqori va bu universitetga eng iqtidorli yoshlarning saralab olinishiga turtki bo'ladi. Javoblar varaqasi Cambridge Assessment tashkiloti tomonidan tekshiriladi. Natijalar sentabr oyining oxiriga qadar e'lon qilinishi ko‘zda tutilgan".

⬇️ Biz ijtimoiy tarmoqlarda:
Veb-sayt | Telegram | Instagram | YouTube