#Videobayonot #Qabul_2021

❓Men hujjatlarni kiritsam, 3 martadan ortiq kiritilgan va xato degan yozuv chiqyapti. Nima qilsam bo‘ladi?
🔰Talabgor faqat 1 marta ariza berish imkoniyatiga ega. Bunday holatda siz jo‘natgan arizangizni qayta tahrirlab jo‘natishingiz kerak bo‘ladi.

❓Prezident maktablariga kirish imtihonlarida ingliz tili fanidan 5-6 sinflar uchun ham, 7-8 sinflar uchun ham ingliz tili fanidan test qiyinlik darajasi bir xil bo‘ladimi? Shunga oydinlik kiritsangiz.
🔰Ingliz tili fanidan har bir sinf uchun alohida qiyinlikdagi test savollari beriladi.

❓portal.piima.uz saytida ariza jo‘natishda barcha hujjatlarni yukladim. Lekin baribir Saqlash tugmasi bosilmayapti. Nima qilishim kerak?
🔰Saqlash tugmasi chiqmasa, fotosuratni kichikroq hajmda qayta yuklash kerak bo'ladi.

⬇️ Biz ijtimoiy tarmoqlarda:
Veb-sayt | Telegram | Instagram | YouTube

#Videobayonot #Qabul_2021

❓Qizim 5-sinfda o‘qiydi. Unga maktabda o‘quv yili davomida informatika fani o‘tilmagan. Bunday holatda nima qilishimiz kerak?
✅Bunda o'quvchining anketasiga maktab direktori tomonidan informatiga fani o‘tilmagan, deb yozib berilishi kerak bo‘ladi.

❓Tabelning qaysi betini rasmga olib jo'natish kerak?
✅Agar tabelning baholar betida o'quvchining ism-familiyasi keltirilgan bo'lsa, unda shu betning o'zi skaner qilinadi. Agar ism-familiya baholar betida mavjud bo'lmasa, unda baholar betini va muqova betini skaner qilib, bir sahifaga joylashtirib, o'rtasiga maktab muhri qo'yilishi kerak.

⬇️ Biz ijtimoiy tarmoqlarda:
Veb-sayt | Telegram | Instagram | YouTube

#Qabul_2021 #Videobayonot

❓Direktorimiz tabelda rus tili va geografiyadan 4 baho borligi uchun Prezident maktabiga hujjat topshirishimga ma'lumotnoma bermayabdi. Nima qilsam bo‘ladi?
✅Rus tili va geografiya fanlaridagi yillik 4 baholar Prezident maktabiga hujjat topshirish uchun to‘sqinlik qilmaydi. Agar STEM fanlardan yillik baho 5 bo‘lsa, direktor sizga ma'lumotnomani tasdiqlab berishi kerak.

❓Agar talabgor hujjatlarini xato yuborgan bo‘lsa, u hujjatlarini darhol tahrir qilsa bo‘ladimi yoki operator tomonidan hujjatlarning tahrirga jo‘natilishini kutish kerakmi?
✅Hujjatlar xato yuborilgan bo‘lsa, operator javobini kutish kerak.

❓Bola otasining ikkinchi oilasi bilan yashaydi. Bolaning tug‘ilganlik haqidagi guvohnomasida o‘gay onasining ismi yozilmagan bo'lsa-da, uning hujjatlarini o‘gay onasi topshirishi mumkinmi?
✅Bunday holatda ariza ota nomidan berilishi kerak.

⬇️ Biz ijtimoiy tarmoqlarda:
Veb-sayt | Telegram | Instagram | YouTube

#Qabul_2021 #Videobayonot

❓portal.piima.uz saytiga joylashtirgan ma'lumotlarim tahrirga tushibdi. Hujjatlar tahriri qanday jarayon?
✅Hujjat tahriri, bu siz yuklangan hujjatlarda kamchiliklar topilganda, operatorlar talabgorga arizani to‘g‘rilab, qayta jo‘natish uchun yuboradigan jarayon. Demak, sizning hujjatlaringizda kamchilik topilgan va siz ularni to‘g‘rilab, yuklashingiz lozim bo‘ladi.

❓Prezident maktabiga nechta o‘quvchi qabul qilinadi? Bitta sinfga o‘rinlar soni va kirish bali haqida ma'lumot bersangiz.
✅Yangi tashkil etilayotgan Prezident maktablariga 144 ta o‘quvchi qabul qilinadi. Har bitta sinfda ikkitadan guruh va har bir guruhda 12 ta bola bo‘ladi. Ya'ni, har bitta sinfda jami 24 ta o‘quvchi o‘qiydi.

❓Hujjat tahrirga berildi degani rad etildi deganimi?
✅Tahrirga berilgan hujjatni siz 48 soat ichida to‘g‘rilab, qayta jo‘natishingiz kerak. Tahrirga berilgan hujjat rad etildi degani emas.

⬇️ Biz ijtimoiy tarmoqlarda:
Veb-sayt | Telegram | Instagram | YouTube

#Videobayonot #Qabul_2021

❓Prezident maktabiga imtihon topshirgan o‘quvchi kirish imtihonlarida yetarli ball to'play olmasa, uning ijodiy ishlari yoki erishgan yutuqlari inobatga olinadimi?
✅Yo‘q. Prezident maktabiga kirish imtihonlarida talabgorning yutuqlarini inobatga olish ko‘zda tutilmagan.

❓Agar Prezident maktabida o‘qiydigan o‘quvchining uyi uzoq bo‘lsa, u shanba-yakshanba kunlari uyiga bormay, chorak so‘ngiga qadar maktab hududida qoladimi?
✅Prezident maktabi o‘quvchilari shanba-yakshanba kunlari uylariga borib-kelishlari lozim.

❓Prezident maktabi bitiruvchilariga qanday imtiyozlar beriladi? Ularga oliy o‘quv yurtlariga imtihonsiz kirish huquqi beriladimi?
✅Yo‘q, Prezident maktabi bitiruvchilariga hech qanday qo‘shimcha imtiyozlar taqdim qilinmaydi.

⬇️ Biz ijtimoiy tarmoqlarda:
Veb-sayt | Telegram | Instagram | YouTube

#Videobayonot #Qabul_2021

❓Prezident maktabida o‘quvchilarning qo‘shimcha shug‘ullanishlari uchun sport to‘garaklari ham bo‘ladimi?
✅Ha, Prezident maktablarida sport to‘garaklari mavjud.

❓Prezident maktabiga ariza to‘ldirayotgan vaqtda, talabgor arizasidagi onasining ismi pasportdagidan boshqacharoq yozilib qolibdi. Bunday holatda nima qilish kerak?
✅ Bunday holatda siz 1206 raqamiga qo‘ng‘iroq qilib, operatorlarga vaziyatni tushuntirishingiz kerak bo'ladi. Operatorlar murojaatingizni ishchi guruhga yetqazishadi. Ishchi guruh masalani o'rganib chiqib, siz bilan bog'lanadi va hujjat tahrir qilinadi.

❓Agar talabgor imtihon tili sifatida ingliz tilini tanlagan bo‘lsa, u o‘qishga kirgandan keyin ham ingliz tilida o‘qiydimi?
✅Yo‘q, bunday holatda faqatgina imtihon tili ingliz tilida bo‘ladi. Darslar esa tegishli dastur asosida olib boriladi.

⬇️ Biz ijtimoiy tarmoqlarda:
Veb-sayt | Telegram | Instagram | YouTube

#Videobayonot #Qabul_2021

❓Men portal.piima.uz sayti orqali ariza topshirganimga 3 kun bo‘ldi. Hali ham javob kelmadi. Bunday holatda nima qilishim kerak?
✅1206 raqamiga qo‘ng‘iroq qilib, bog‘laning. Operatorlar sizning masalangizni o‘rganib chiqib, amaliy yordam ko‘rsatadilar.

❓Farzandlarim Amerikada o‘qiydi. Ularda baholash tizimi O‘zbekistonnikidan farq qiladi, ya'ni baholar 5,4,3 shaklida emas balki A+, A, B, C tarzida amalga oshiriladi. Biz Prezident maktabiga hujjat topshirishda baholar tabelini qanday taqdim qilishimiz kerak?
✅Bunday holatda siz AQSh dagi maktab ma'muriyatidan A+, A, B va C shakllardagi bahoni sharhlab, yozib berishini so‘rashingiz lozim. Keyin esa tabelni o‘zbek tiliga notarial tarjima qildirasiz.

❓Prezident maktablarida alohida maktab formasi bo‘ladimi?
✅Maktabning o‘z maxsus formasi bor. O‘g‘il bolalar ham, qiz bolalar ham, formada yurishadi. Maktab formasi davlat tomonidan beriladi.

⬇️ Biz ijtimoiy tarmoqlarda:
Veb-sayt | Telegram | Instagram | YouTube

#Videobayonot #Qabul_2021

❓Prezident maktabida o‘quvchining o‘zlashtirish bahosi past bo‘lsa, u sinfdan-sinfga qoldiriladimi yoki boshqa maktabga ko‘chiriladimi?
✅Agar o‘quvchining o‘zlashtirish ko‘rsatgichi pasaysa, o‘quvchi bilan qo‘shimcha mashg‘ulotlar olib boriladi. Shunga qaramay, ko‘rsatgichlar yaxshilanmasa, o‘quvchi o‘zi avval o‘qigan maktabiga qaytarib yuboriladi.

❓Prezident maktabining saralash va asosiy imtihonlarida o‘quvchilarga qancha vaqt beriladi?
✅Saralash bosqichida talabgorga matematikadan 30 ta savolga 90 daqiqa, asosiy bosqichda esa mantiqiy fikrlash, muommoni hal qilish va ingliz tili savollari uchun 150 daqiqa vaqt beriladi.

❓Prezident maktablariga har bir tumandan nechta o'quvchiga o'rin ajratilgan?
✅Prezident maktablarida tumanlar kesimida kvotalar ko'zda tutilmagan. Viloyat bo'yicha eng iqtidorli 24 nafar o'quvchi tanlab olinadi.

⬇️ Biz ijtimoiy tarmoqlarda:
Veb-sayt | Telegram | Instagram | YouTube

#Videobayonot #Qabul_2021

❓Prezident maktabidagi biror sinfdan o‘quvchi muayyan sababga ko‘ra o‘qishdan chetlashtirilsa, bo‘sh o‘rin uchun tanlov uyushtiriladimi?
✅Yo‘q, bunday holatda tanlov uyushtirilmaydi. Bo‘sh o‘rin uchun kirish imtihonlaridan o‘tolmaganlar orasida eng yuqori ball to‘plagan o‘quvchi chaqiriladi.

❓Men Prezident maktabiga hujjat topshirmoqchi edim. 9-sinfni bitirdim. Kirish imtihonlaridagi savollar faqatgina 9-sinf darsligidan bo‘ladimi yoki barcha sinflardanmi?
✅Kirish imtihonlarida talabgorga imtihongacha egallagan bilimlari bo‘yicha, ya'ni u nechanchi sinfni bitirgan bo‘lsa o‘sha sinfga qadar o‘qigan dasrliklari asosida savollar beriladi.

❓Prezident va ijod maktablariga kirish imtihonlarini ingliz tilida topshirsa, talabgorga ball qo‘shib beriladimi?
✅Yo‘q, imtihonni ingliz tilida topshirgani uchun talabgorga ball qo‘shib berilmaydi.

⬇️ Biz ijtimoiy tarmoqlarda:
Veb-sayt | Telegram | Instagram | YouTube

#Videobayonot #Qabul_2021

❓Ijod va ixtisoslashtirilgan maktablarga ham hududiy mansublik asosida hujjat topshiriladimi? Masalan, men Andijonda o'qiyman, Toshkentdagi ijod maktabiga ariza topshira olamanmi?
✅Ha, topshira olasiz. Ijod va ixtisoslashtirilgan maktablarda hududiy mansublik e'tiborga olinmaydi.

❓Prezident maktablariga kirish pullik, o'rinlar oldindan band qilingan, degan gaplar yuribdi. Bu to'g'rimi?
✅Bunday gaplarning bari asossiz. Prezident maktablariga kirish uchun pul talab qilinmaydi. Eslatib o'tamiz, noto'g'ri ma'lumot tarqatganlik uchun qonuniy javobgarlik mavjud.

❓Prezident maktabiga ariza topshirgandan keyin xatolik aniqlansa va ariza berilgan 2 kun vaqt ichida to'g'rilanmasa, rad etiladimi?
✅Ha, bunday holatda talabgorning arizasi rad etiladi. Shuning uchun tahrirga berilgan arizani 48 soat ichida to'g'rilab, qayta jo'natish lozim.

⬇️ Biz ijtimoiy tarmoqlarda:
Veb-sayt | Telegram | Instagram | YouTube

#Videobayonot #Qabul_2021

✅Prezident, ijod va ixtisoslashtirilgan maktablarni rivojlantirish agentligi tizimidagi ixtisoslashtirilgan maktablarga qabul 1️⃣-2️⃣0️⃣ iyul kunlari onlayn shaklda portal.piima.uz sayti orqali amalga oshiriladi.

🔹Qanday hujjatlar talab etiladi?
- elektron ariza;
- tug‘ilganlik to‘g‘risidagi guvohnomasi (yoki kinder pasport) elektron nusxasi;
- 3x4 o‘lchamdagi rasm (oxirgi 2 oy davomida tushirilgan);
- 2020-2021 o‘quv yili natijasiga ko‘ra baholar tabelining maktab direktori tomonidan tasdiqlangan elektron nusxasi;
- ota-onasi yoki ularning o‘rnini bosuvchi shaxslar (qonuniy vakillari) fuqarolik pasporti ma’lumotlari (qonuniy vakili ekanligini tasdiqlovchi notarial hujjat); telefon raqamlari.

❗️Muhammad al-Xorazmiy nomidagi ixtisoslashtirilgan maktabning 10-sinfida o‘qish uchun hujjat topshiradigan nomzodlar maktab tabeli o‘rniga attestat nusxasini taqdim etishadi.

⬇️ Biz ijtimoiy tarmoqlarda:
Veb-sayt | Telegram | Instagram | YouTube

#Videobayonot
#Qabul_2022

❓Prezident maktabini bitirgan o‘quvchilar o‘qishni davom ettirishi uchun majburiy yo‘nalishlar maktab ma'muriyati tomonidan tanlanadimi?
✅Prezident maktablari bitiruvchilari o‘zlari xohlagan yo‘nalishda o‘qishni davom ettirishlari mumkin.

❓So'nggi vaqtlarda Telegram ijtimoiy tarmog'idagi turli kanallar "Farzandlaringizni Prezident maktablariga tayyorlab beramiz", degan mazmunda pulli xizmatlarni taklif qilishmoqda. Bu kanallar ishonchlimi?

✅Bu kabi telegram kanallarning Prezident maktablariga hech qanday aloqasi yo’q.

⚡️Prezident ta'lim muassasalari agentligi tizimidagi Prezident, ijod va ixtisoslashtirilgan maktablarga qabul bo‘yicha barcha tasdiqlangan ma’lumotlar Agentlikning ijtimoiy tarmoqlardagi rasmiy sahifalari orqali berib boriladi:
👉 https://t.iss.one/piimauz

📞Call-markaz: 1206

#Videobayonot
#Qabul_2022

❓ Prezident ta'lim muassasalari agentligi tizimida yangi tashkil etilgan ixtisoslashtirilgan maktablarga olimpiadalarda g‘olib bo‘lgan o‘quvchilar imtihonlarsiz o‘qishga qabul qilinishi aytilgan edi. Ushbu qoidaga muvofiq barcha olimpiadalarda g‘olib bo‘lganlar o‘qishga qabul qilinadimi yoki qandaydir cheklovlar ham mavjudmi?

✅Ushbu imtiyoz Prezident ta'lim muassasalari agentligi tomonidan tasdiqlangan Xalqaro olimpiadalar, Mintaqaviy olimpiadalar hamda asosiy fan olimpiadalarining matematika, fizika, kimyo, biologiya, hamda informatika va axborot texnologiyalari fanlaridan viloyat bosqichida 1-2-3-o‘rinlarini egallagan 9-10-11-sinf o‘quvchilariga tatbiq etiladi.

📞Call-markaz raqami: 1206

⬇️ Biz ijtimoiy tarmoqlarda:
Veb-sayt | Telegram | Instagram | YouTube

#Videobayonot
#Qabul_2022

❓Prezident ta’lim muassasalari agentligi tizimidagi Muhammad Al-Xorazmiy, Abu Ali ibn Sino va Mirzo Ulug’bek nomidagi tayanch ixtisoslashtirilgan maktablarga turli viloyatlardan o’quvchilar o’qishga hujjat topshira olishadimi?

✅ Mazkur ixtisoslashtirilgan maktablarga o’quvchilar yurtimizning barcha hududlaridan o’qishga hujjat topshirishlari mumkin.

📞Call-markaz raqami: 1206

⬇️ Biz ijtimoiy tarmoqlarda:
Veb-sayt | Telegram | Instagram | YouTube