#tanlov
#bir_bayroq_ostida_birlashamiz

📣📣📣📣📣

🤩 AGENTLIK "BIR BAYROQ OSTIDA BIRLASHAMIZ" MAVZUSIDA TANLOV EʻLON QILADI

🇺🇿 O‘zbekiston Respublikasi Davlat bayrog‘i qabul qilinganligining 33 yilligi munosabati bilan Agentlik tizimidagi ta’lim muassasalari o‘quvchilari o‘rtasida “Bir bayroq ostida birlashamiz” mavzusida videoroliklar tanlovi oʻtkaziladi.

Tanlov 3 bosqichda:

1-bosqich – ta’lim muassasasi miqyosida,15-noyabrdan 20-noyabrga qadar;
2-bosqich – viloyat bo‘yicha (hududiy), 20-noyabrdan 22-noyabrga qadar;
3-bosqich – Respublika (Agentlik) miqyosida, 25-noyabrdan 1-dekabrga qadar boʻlib oʻtadi.

❗️Ishtirokchilar diqqatiga:

➖ Taqdim etiladigan videoroliklar tanlov mavzusiga hamda tanlov oldiga qo‘yilgan maqsad va vazifalariga mos kelishi kerak;

➖ Videorolik syujeti original bo‘lib, boshqa videoroliklarning syujet va g‘oyasini takrorlamasligi kerak;

➖Ijodiy ish baholanishi jarayonida musiqali fon, videoeffektlardan foydalanilganligi, tomoshabinda tuyg‘u va tasavvur uyg‘ota olishi, kreativlik, ishning uslubiy jihatdan o‘ziga xosligi, badiiy va texnik darajasi, efirga uzatish imkoniyati ham hisobga olinadi.

Tanlov iqtidorli va ijodkor yoshlarni aniqlash va rag‘batlantirish orqali ularda Vatanga sadoqat, Vatan bayrog‘i bilan faxrlanish va yurtimizda amalga oshirilayotgan islohotlarga daxldorlik hissini yuksaltirish, jahon internet tarmog‘ida Oʻzbekiston va oʻzbek xalqi milliy qadriyatlariga oid kontentni ko‘paytirish va targ‘ibot qilish kabi maqsadlarni o‘z ichiga oladi.

Tanlovning birinchi va ikkinchi bosqichida yuqori (1-, 2-, 3-) o‘rinni egallagan o‘quvchilar ta’lim muassasasi va hududiy boshqarmalar tomonidan diplom va qimmatbaho sovg‘alar, shuningdek, tanlovda faol ishtirok etgan o‘quvchilar ta’lim muassasasining faxriy yorliqlari bilan taqdirlanadi.

Respublika bosqichi Agentlik tashkiliy qo‘mitasi tomonidan oʻtkazilib, 1-2-3-oʻrinni qo‘lga kiritgan o‘quvchilar 8-dekabr – O‘zbekiston Respublikasi Konstitutsiyasi qabul qilingan kun arafasida faxriy yorliq va qimmatbaho esdalik sovg‘alari bilan taqdirlanadi.

Shuningdek, g‘olib bo‘lgan o‘quvchilarning eng sara ijodiy ishlari agentlikning rasmiy sayti va ijtimoiy tarmoqlardagi sahifalarida yoritiladi.

Telegram | Facebook | Instagram | YouTube

#tanlov
#ishga_taklif_etamiz

⚡️YANGI MARRALARNI ZABT ETMOQCHI BO‘LGAN RAHBAR KADRLAR DIQQATIGA!

🤩 IXTISOSLASHTIRILGAN TA'LIM MUASSASALARI AGENTLIGI Ixtisoslashtirilgan maktab va maktab-internatlaridagi rahbarlik lavozimlariga kadrlarni ISHGA TAKLIF ETADI.

📆 Tanlovning 1-bosqichiga (saralash) joriy yilning 13-noyabr sanasidan start beriladi.

⏰ Hurmatli rahbar kadrlar, bizni tanlashingiz uchun 3 sabab:
➖o‘z ustingizda ishlashingiz, ta'lim sohasidagi ilg‘or tajribalarni o‘rganishingiz uchun barcha sharoitlar mavjud;
➖mahalliy va xorijiy mutaxassislar treninglarida bevosita qatnashishingiz va malaka oshirishingiz, shuningdek xalqaro sertifikatlarga ega bo‘lishingiz mumkin;
➖xalqaro tan olingan dasturlar asosida dars o‘tishingiz ta'minlanadi.

🗂 Talab etiladigan hujjatlar:
➖shaxsni tasdiqlovchi hujjat;
➖oliy ma’lumotga ega bakalavr/magistraturani tamomlaganligi to‘g‘risidagi hujjat;
➖nomzodning shaxsiy varaqasi (maʼlumotnoma-obyektivka);
➖IELTS/TOEFL/DTM sertifikatingizni yuklang (malaka talablariga mos ravishda).

🟢 Nomzodlardan nimalar talab etiladi:
➖halollik, ishchanlik va jamoani boshqara olish qobiliyati;
➖liderlik qobiliyatlar va axloqiy fazilatlarga ega bo'lishi;
➖zamonaviy AKT savodxonligiga ega bo'lishi.

🌏Hujjatlarni job2.piima.uz sayti orqali topshirishingiz mumkin

☎️ Call-markaz: (71) 207 20 17 (ichki raqam 180).

Telegram | Facebook | Instagram | YouTube | Job2

#tanlov
#Prezident_maktabi

🤩Termiz shahridagi Prezident maktabida “Zukko kitobxon” tanlovining yangi mavsumiga start berildi.

Anʼanaviy oʻtkazib kelinayotgan ushbu tanlov Prezident maktabi o‘quvchilarining intellektual salohiyatini yanada yaxshilash va kitobxonlikni keng targ‘ib qilishga xizmat qilmoqda.

Prezident maktabida tanlovning saralash bosqichi joriy yilning 17-dekabr kuni bo‘lib o‘tadi.

Telegram | Facebook | Instagram | YouTube

#Tanlov_gʻoliblari

🤩 "BIR BAYROQ OSTIDA BIRLASHAMIZ" MAVZUSIDAGI VIDEOROLIKLAR TANLOVI GʻOLIBLARI ANIQLANDI

🇺🇿 O‘zbekiston Respublikasi Davlat bayrog‘i qabul qilinganligining 33 yilligi munosabati bilan Agentlik tizimidagi ta’lim muassasalari o‘quvchilari o‘rtasida “Bir bayroq ostida birlashamiz” mavzusida videoroliklar tanlovi eʼlon qilingan edi.

Tanlov 3 bosqichda:

1-bosqich – ta’lim muassasasi miqyosida,15-noyabrdan 20-noyabrga qadar;
2-bosqich – viloyat bo‘yicha (hududiy), 20-noyabrdan 22-noyabrga qadar;
3-bosqich – Respublika (Agentlik) miqyosida, 25-noyabrdan 1-dekabrga qadar oʻtkazildi.

Respublika bosqichi yakuniy natijalariga koʻra:

1-o‘rinni Namangan tuman ixtisoslashtirilgan maktabining 8-sinf o‘quvchisi Xusan Ilxomjonov, Erkin Vohidov nomidagi ijod maktabi jamoasi;

2-o‘rinni Guliston shahridagi Prezident maktabining 11-sinf oʻquvchisi Sarvar Suyunov;

3-o‘rinni Abdulla Oripov nomidagi ijod maktabining 11-sinf oʻquvchisi Bexruz Abdusamatov, Abu Ali ibn Sino nomidagi ixtisoslashtirilgan maktabining 11-sinf oʻquvchisi Daler Rahimov qoʻlga kiritdi.

Shuningdek, tanlovni yuqori saviyada oʻtkazish hamda OAV, ijtimoiy tarmoqlarda keng yoritishga faol hissa qoʻshgani uchun Halima Xudoyberdiyeva nomidagi ijod maktabi “Eng faol maktab” nominatsiyasiga loyiq deb topildi.

Tanlov gʻoliblari 8-dekabr – O‘zbekiston Respublikasi Konstitutsiyasi qabul qilingan kun arafasida faxriy yorliq va qimmatbaho esdalik sovg‘alari bilan taqdirlandi.

Telegram | Facebook | Instagram | YouTube