#Dastur_ijrosi_amalda
#Oʻquvchi_almashish

⚡️ Ijod maktablari oʻrtasida sogʻlom raqobatni shakllantirish, oʻquvchilarning ijodiy faoliyatini yanada rivojlantirishga keng imkoniyatlar yaratish, oʻquvchilarni hududlar va ulardagi tarixiy yodgorliklar, mahalliy anʼanalar, etnografiya, folklor bilan yaqindan tanishtirish maqsadida "Oʻquvchi almashish" dasturi yoʻlga qoʻyilgan.

✅ Ushbu haftada:
➖ Erkin Vohidov nomidagi ijod maktabi oʻquvchilari Abdulla Oripov nomidagi ijod maktabida;

➖ Halima Xudoyberdiyeva nomidagi ijod maktabi oʻquvchilari Ogahiy nomidagi ijod maktabida;

➖Hamid Olimjon va Zulfiya nomidagi ijod maktabi oʻquvchilari esa Isʼhoqxon Ibrat nomidagi ijod maktabida hafta davomida dastur doirasidagi barcha tadbirlarda ishtirok etishlari rejalashtirilgan.

#ijod_maktablari #Xorazm #Qashqadaryo #Sirdaryo #Fargʻona #Jizzax #Namangan

Agentlikning rasmiy sahifalariga ulanish:
Telegram | Facebook | Instagram | YouTube

#oʻquvchi_almashish_dasturi
#ikkinchi_kun

⚡️Ixtisoslashtirilgan ta’lim muassasalari agentligi tizimidagi ijod maktablari o‘zaro o‘quvchilarni almashishdi.

🗺Dastur doirasida Xiva, Namangan, Qarshi, Sirdaryo, Fargʻona va Jizzax shaharlarida boʻlib turgan oʻquvchilarimiz mashg‘ulotlardan soʻng ushbu hududlarning qadimiy va madaniy maskanlariga sayohat qilishdi.

#ijod_maktablari #oʻquvchi_almashish #Xiva #Namangan #Qarshi #Sirdaryo #Fargʻona #Jizzax

Agentlikning rasmiy sahifalariga ulanish:
Telegram | Facebook | Instagram | YouTube

#ishchi_guruh
#Sirdaryo

🤩 AGENTLIK DIREKTORINING TIZIMDAGI MAKTABLAR FAOLIYATINI JOYIGA BORIB O‘RGANISH ISHLARI DAVOM ETMOQDA

Avval ma'lum qilinganidek, Ixtisoslashtirilgan ta’lim muassasalari agentligi direktori Alisher Ubbiyev boshchiligidagi ishchi guruh tizimdagi maktablar faoliyatini yaqindan, haqqoniy o‘rganish, ularda aniqlangan kamchilik va muammolarni izchil bartaraf etish maqsadida hududlarda bo‘lmoqda.

Navbatdagi o‘rganish Agentlikning Sirdaryo viloyatidagi maktablari bo’ldi. Jumladan, Guliston shahridagi Prezident maktabi, Halima Xudoyberdiyeva nomidagi ijod maktabi, Shirin shahar hamda Boyovut tuman ixtisoslashtirilgan maktablari ko'zdan kechirildi.

Shuningdek, Guliston shahar 2-son ixtisoslashtirilgan maktabining qurilish jarayonlari bilan yaqindan tanishildi.

Agentlik direktori oʻrganilgan maktab rahbariyati, o‘quv jamoasining ta'lim maskanidagi shart-sharoitlarini yanada yaxshilash, pedagoglarning xalqaro tajriba va zamonaviy ta'lim usullariga oid bilim va ko‘nikmalarini oshirishga qaratilgan takliflarini qo‘llab-quvvatlab, o‘z tavsiyalarini berdi.

Telegram | Facebook | Instagram | YouTube

#metodik_yordam
#Sirdaryo

UMUMTA’LIM MAKTABLARIGA METODIK KOʻMAK BERILMOQDA

🤩 Agentlikning Sirdaryo viloyatida joylashgan ta’lim maskanlari rahbarlari va pedagoglari hududlardagi umumiy oʻrta ta’lim maktablarida boʻlib, oʻquv jarayonlarini samarador usullarda olib borish boʻyicha oʻz tajribalari bilan boʻlishmoqda.

Xususan, Sardoba tuman ixtisoslashtirilgan maktabi direktori G.Ziyoyeva boshchiligidagi ishchi guruh hududdagi 6-, 12-, 21-sonli umumta’lim maktablarida bo‘lib, dars jarayonlarida qatnashdi. Ishchi guruh tomonidan o‘qituvchilarga yangi baholash mezonlari tartibi, BSB va I-chorak CHSB tahlillari, eMaktab platformasi bilan ishlash bo‘yicha metodik tavsiyalar berildi.

Boyovut tuman ixtisoslashtirilgan maktabi direktori Z.Alimov boshchiligidagi ishchi guruh tomonidan hududdagi 1-, 2-, 3-, 22-, 24-, 36-, 40-, 52-sonli umumta’lim maktablar oʻquv jamoalari uchun seminar-treninglar tashkil etilib, yangi baholash tizimi, aniq va tabiiy fanlarni oʻqitishda samarador usullar yuzasidan nazariy-amaliy tushunchalar berildi.

Yangiyer shahar ixtisoslashtirilgan maktabi direktorining oʻrinbosari D. Shermatov boshchiligidagi ishchi guruh Xovos tumanidagi 1-, 9-, 14-, 30-sonli umumta’lim maktablarida boʻlib, oʻqituvchilariga BSB va CHSB jarayonlarini baholash tartibi, qaydnomalarni toʻgʻri toʻldirish va oʻquvchilarning ishlarini toʻgʻri baholash va jurnalga qayd etish tartibi yuzasidan amaliy mashgʻulotlar oʻtkazdi. Shuningdek, zarur metodik tavsiyalar berilib, ta’lim maskanlarining ish rejalari birgalikda koʻrib chiqildi.

Guliston shahar 2-son ixtisoslashtirilgan maktab-internati direktori oʻrinbosari B.Koʻldoshov boshchiligidagi ishchi guruh tomonidan ham hududdagi 5-,6-,16-sonli umumtaʼlim maktablari oʻqituvchilariga ayni yoʻnalishda metodik tavsiyalar berildi.

Agentlik tizimidagi ta’lim maskanlarining hududlardagi umumta’lim maktablariga metodik yordam berish ishlari davom etmoqda.

Telegram | Facebook | Instagram | YouTube