#digital_art
#ijod_maktablari
#Besh_tashabbus

🤩 Ixtisoslashtirilgan taʼlim muassasalari agentligi tizimidagi ijod maktablarida Oʻzbekiston Respublikasi Prezidenti tomonidan yoshlar maʼnaviyatini yuksaltirish va ularning boʻsh vaqtini mazmunli tashkil etish boʻyicha ilgari surilgan Besh muhim tashabbus doirasida Raqamli sanʼat (Digital art) toʻgaraklari tashkil etilgan.

Mazkur toʻgaraklarda oʻquvchilar darsdan boʻsh vaqtlarida zamonaviy axborot texnologiyalari, grafik planshetlar, dasturiy taʼminot yordamida raqamli tasviriy sanʼat sirlarini egallamoqda, ijodiy gʻoyalarini roʻyobga chiqarmoqda.

Agentlik tomonidan ijod maktablaridagi Raqamli sanʼat toʻgaraklari barcha zarur vositalar bilan taʼminlangan boʻlib, mashgʻulotlarni olib borishga ayni yoʻnalishda maxsus bilim va malakaga ega mutaxassislar jalb qilingan.

Videolavhada Abdulla Qodiriy nomidagi ijod maktabida faoliyat koʻrsatayotgan Raqamli sanʼat toʻgaragidagi mashgʻulot jarayonlari aks etgan.

Telegram | Facebook | Instagram | YouTube