#Kitobxonlik_haftaligi

📝 Agentlik tizimidagi Ibrohim Yusupov nomidagi ijod maktabida O'zbekiston yozuvchilar uyushmasi a'zolari – O'zbekiston xalq shoiri Usmon Azim, O'zbekiston xalq shoiri Mahmud Toir, O'zbekiston Respublikasiga xizmat ko'rsatgan madaniyat xodimi, Qoraqalpog'iston xalq shoiri Rustam Musurmon, «Yoshlik» jurnali muharriri Nodir Jonuzoq va Qoraqalpog'iston Respublikasi Yozuvchilar uyushmasi a'zolari ishtirokida uchrashuv bo'lib o'tdi.

📚 Uchrashuv qiziqarli savol-javoblarga boy tarzda bo'lib o'tdi va o'quvchilarda katta taassurot qoldirdi. Uchrashuv so'nggida mehmonlar o'zbek adabiyotining yorqin asarlarini maktab kutubxonasiga sovg'a qildi.

⬇️ Biz ijtimoiy tarmoqlarda:
Veb-sayt | Telegram | Instagram | YouTube

#Kitobxonlik_haftaligi

✅ Agentlik tizimidagi maktablarda “Kitobxonlik haftaligi” doirasida turli tadbir va uchrashuvlar tashkil etildi.
-
Jumladan, Ibrat nomidagi maktab internati o‘quvchilari 7-aprel kuni Namangan shahridagi "Yoshlar kutubxonasi"ga sayohat uyushtirdilar.
-
Shu bilan birga, Halima Xudoyberdiyeva nomidagi Ijod maktabi o'quvchilari ishtirokida Alisher Navoiy nomidagi Sirdaryo viloyat axborot-kutubxona markazida “O‘zbekiston – kitobxonlar yurti” shiori ostida tadbir bo'lib o‘tdi.
-
Shuningdek, Abdulla Oripov ijod maktabi o‘quvchilari tomonidan Qashqadaryo viloyat axborot-kutubxona markazida "Ziyo sochib o'tgan umr, topqusidir mangu huzur" mavzusida tadbir tashkil etildi.
-
Erkin Vohidov nomidagi ijod maktabi o‘quvchilari ishtirokida O‘zbekiston xalq shoiri Iqbol Mirzo bilan zoom platformasi orqali ijodiy uchrashuv o‘tkazildi.

⬇️ Biz ijtimoiy tarmoqlarda:
Veb-sayt | Telegram | Instagram | YouTube

#kitobxonlik_targʻiboti

KITOBXONLIK TARG‘IBOTIDA SAMARADOR USULLAR

O‘quvchilarga bilim berishda, avvalo ularda umuminsoniy qadriyatlar, odob-axloq tushunchalarini shakllantirish muhimdir. Bu fazilatlar bilan bezangan bilim samarali va foydali bo‘ladi. Ulug‘ mutafakkir ajdodlarimiz ilmiy-ijodiy merosi, g‘oyalari asrlar oshsa-da hanuz dolzarb va qadrli ekanligi shundan. Kitobga oshnolik esa barcha bilimlarning kalitidir.

Muhammad al-Xorazmiy nomidagi ixtisoslashtirilgan maktabining ona tili va adabiyot fani o‘qituvchisi Sabohat Rahimova o‘quvchilarni kitobxonlikka o‘rgatishda qoʻllanilayotgan samarador usullar haqida o‘z fikr-mulohazalari bilan o‘rtoqlashdi.

Muhammad al-Xorazmiy nomidagi ixtisoslashtirilgan maktabida o‘quvchilar o‘rtasida kitobxonlik madaniyati oshirish, kitobxonlikka rag‘bat uygʻotish maqsadida “Birgalikda o‘qiymiz” an’anaviy adabiy musobaqasini o‘tkazish yo‘lga qo‘yilgan.

Musobaqa ikki haftada bir marta o‘tkaziladi. Albatta, bu musobaqaning vaqti va o‘tkazilish tartibi o‘quv yili boshida tasdiqlanadigan maktab Ona tili va adabiyot fani uslubiy birlashmasining yillik ish rejasiga kiritiladi. O‘quv yili boshida o‘quvchilarga yil davomida o‘qilishi zarur bo‘lgan adabiyotlar ro‘yxati berilganda qaysi sinf qaysi sanada musobaqada ishtirok etishlari ma’lum qilinadi.

Batafsil 👉 bu yerda

Telegram | Facebook | Instagram | YouTube

#Kitobxonlik

ZIYO MASKANIGA SAYOHAT

Termiz shahridagi Prezident maktabi o‘quvchilari Adib Sobir Termiziy nomidagi Surxondaryo axborot – kutubxonasiga sayohat qildi.

Ekskursiya davomida yosh kitobxonlar ziyo maskani bo‘limlari, kitob fondi, o’zbek va jahon adabiyotining sara asarlari bilan tanishtirildi. Shuningdek, kutubxona mutaxassislari Prezident maktabi oʻquvchilariga zamonaviy adabiy-badiiy jarayonlar haqida maʻlumot berdi.

Bolajonlar kutubxonada ish jarayoni, kitoblarni javonlarga joylashtirish, qoʻlyozmalarga ishlov berish tadbirlarini qiziqish bilan kuzatdi.

Telegram | Facebook | Instagram | YouTube

#Besh_tashabbus
#kitobxonlik

Nurafshon shahridagi Prezident maktabida “Kitobsevar millat” shiori ostida “Kitobxon bolalar” va “Dunyo daholari” ruknida chop etilgan kitoblar taqdimoti oʻtkazildi.

Oʻzbekiston Jurnalistlar uyushmasi hamkorligida tashkil etilgan tadbirda jurnalistlar, shoir va yozuvchilar, Toshkent viloyatidagi axborot-kutubxona markazlari mutaxassislari hamda bir guruh yosh kitobxonlar ishtirok etdi.

Telegram | Facebook | Instagram | YouTube