#Buxoro_Prezident_maktabi

⚡️BUXORO SHAHRIDAGI PREZIDENT MAKTABI ILK O'QUVCHILARINI QABUL QILDI

Bugun Prezident ta'lim muassasalari agentligi tizimidagi Buxoro shahridagi Prezident maktabida yangi o'quv yiliga start berildi.

Ko'zlari quvonchga to'la o'quvchilarni Agentlik rahbari Hilola Umarova yangi o'quv yili bilan tabrikladi:

- Bugungi dunyo shiddat bilan o'zgarib bormoqda va bu sizdan ko'proq mehnat hamda harakatni talab qiladi. Siz bizning umidimiz, ta'lim esa kelajakka kiritayotgan eng katta investitsiyamizdir. Umid qilamanki, bugun qarshimda turgan siz murg'ak qalblar ertaga yuzlab yoshlarga o'z muvaffaqiyat hikoyangizni so'zlab berasiz. Zafar yor bo'lsin.

📌Tadbirda Buxoro viloyati hokimi Botir Zaripov va jamoatchilik vakillari so'zga chiqib, o'quvchilarni yangi o'quv yili bilan tabriklashdi.
_____
A new academic year has begun at the Presidential School in Bukhara. At the event, the head of the Agency Hilola Umarova, the Hokim of Bukhara region Botir Zaripov and others congratulated the pupils.

#ChSB_imtihonlari
#Fotoreportaj

🔴Prezident taʼlim muassasalari agentligi tizimidagi maktablarda ChSB imtihonlari bo‘lib o‘tmoqda.

Ushbu imtihon agentlik tizimidagi ijod va ixtisoslashtirilgan maktab hamda maktab-internatlarda ixtisoslik fanlaridan chorak yakunlari bo‘yicha bo‘lib o‘tadi

Chorak bo‘yicha summativ baholash imtihonlari 2 smenada tashkil etilmoqda.

➡️Summativ baholash tizimi bilan ushbu havolada tanishishingiz mumkin.

#Samarqand #Jizzax #Buxoro #Sirdaryo #Toshkent #Фарғона #Qarshi

👇Biz ijtimoiy tarmoqlarda:
Veb-sayt | Telegram | Instagram | YouTube

#qabul_2024
#ishchi_guruh
#Buxoro

YANGI OʻQUV YILIGA TAYYORGARLIK ISHLARI JOYLARGA BORIB OʻRGANILMOQDA

Ixtisoslashtirilgan ta’lim muassasalari agentligi direktori Alisher Ubbiyev boshchiligidagi ishchi guruh tizimdagi maktablar shart-sharoitlari bilan yaqindan tanishish, ularda aniqlangan kamchilik va muammolarni izchil bartaraf etish, xususan joylarda yangi oʻquv yiliga tayyorgarlik ishlarini haqqoniy oʻrganish maqsadida hududlarda bo‘lmoqda.

Navbatdagi o‘rganishda Agentlikning Buxoro viloyati Jondor, Qorakoʻl va Olot tumanlaridagi ixtisoslashtirilgan maktablari shart-sharoitlari ko‘zdan kechirildi. Sohaga oid qonunchilik hujjatlari ijrosi doirasida yangi oʻquv yilidan STEM fanlarini ingliz tilida oʻqitishni tashkil etish boʻyicha ixtisoslashtirilgan maktablarda amalga oshirilayotgan ishlar bilan tanishildi.

Shuningdek, taʼlim maskanlarida tashkil etilgan 2024/2025-oʻquv yili uchun hujjatlarni ONLAYN topshirishga koʻmaklashuvchi ishchi guruhlar faoliyati, kirish imtihonlari jarayonlari oʻtkazilishi belgilangan binolarning tayyorgarlik holati oʻrganildi.

Oʻrganish davomida Buxoro 2-son ixtisoslashtirilgan maktabining qurilish jarayonlari ham koʻzdan kechirildi.

Agentlik direktori oʻrganishlar natijasida aniqlangan kamchiliklarni tezkor bartaraf etish yuzasidan zarur topshiriq va koʻrsatmalar berdi.

Telegram | Facebook | Instagram | YouTube | Portal

#sayyor_qabul
#Buxoro_viloyati

BUXORO VILOYATIDA AGENTLIK DIREKTORINING SAYYOR QABULI O‘TKAZILDI

Ixtisoslashtirilgan ta’lim muassasalari faoliyatini yaxshilash, mavjud muammolarni o‘rganish va aholining fikr-mulohazalarini tinglash maqsadida Buxoro shahridagi Prezident maktabida Agentlik direktori Alisher Ubbiyev ishtirokida sayyor qabul tashkil etildi.

Unda 30 dan ortiq fuqaro ixtisoslashtirilgan ta’lim yo‘nalishiga oid murojaatlarini Agentlik direktoriga to‘g‘ridan-to‘g‘ri yetkazish imkoniyatiga ega boʻldi.

Aksariyat murojaatlar mazmuni o‘quvchilar o‘qishini ko‘chirish, bo‘sh ish o‘rinlari yaratish va bandlikni taʼminlash, dars jarayonlarini yanada samarali tashkil etish, xalqaro tajribalarni o‘rganish imkoniyatlarini ko‘paytirish, xalqaro ta’lim grantlari bo‘yicha xabardorlikni oshirish masalalaridan iborat boʻldi.

Sayyor qabul davomida bildirilgan muammolarning aksariyatiga joyida yechim topildi. Yechimi vaqt talab qiladigan masalalar yuzasidan esa tegishli mas’ullarga topshiriq va ko‘rsatmalar berilib, ularni nazoratga olish belgilandi.

Telegram | Facebook | Instagram | YouTube