Rasmiy munosabat

Ijtimoiy tarmoqlar orqali “Prezident maktabi binosi qachon bitadi? – Sho‘rchi" mazmunida qoldirilgan xabar yuzasidan quyidagilarni ma’lum qilamiz.

O‘zbekiston Respublikasi Prezidentining 106-Farmon bilan Ixtisoslashtirilgan ta’lim muassasalari agentligi tizimidagi  maktablarni ta’mirlash, zamonaviy o‘quv qurollari, axborot-kommunikatsiya texnologiyalari, mebel va o‘quv-laboratoriyalar bilan jihozlash Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari zimmasiga yuklatilgan.

Ijtimoiy tarmoqlarda Prezident maktabi deyilayotgan maktab aslida Agentlik tizimidagi Sho‘rchi tuman ixtisoslashtirilgan maktabi. Hozircha barcha hudud markazlarida jami 14 ta Prezident maktabi bor.

Mazkur holat bo‘yicha Sho‘rchi tuman hokimligining rasmiy munosabati:

O‘zbekiston Respublikasi Prezidentining 2022-yil 14-apreldagi “O‘zbekiston Respublikasi Maktabgacha va maktab ta’limi vazirligi huzuridagi Ixtisoslashtirilgan ta’lim muassasalari agentligi tizimidagi ixtisoslashtirilgan maktablar tarmog‘ini kengaytirish to‘g‘risida”gi Farmoniga asosan Sho‘rchi tumanida ixtisoslashtirilgan maktab faoliyati yo‘lga qo‘yilgan.

2023-2024-o‘quv yilida ushbu ixtisoslashtirilgan maktabda qurilish-ta’mirlash ishlari amalga oshirilayotganligi sababli o‘quv jarayonlari Sho‘rchi tumanidagi kasb-hunarga o‘qitish markazida amalga oshirilmoqda.

Sho‘rchi tuman ixtisoslashtirilgan maktabi binosida ayni vaqtda qurilish ishlari olib borilmoqda. Maktab uchun zarur bo‘lgan barcha jihozlar xususan, fizika, kimyo, biologiya hamda robototexnika xonalari uchun jihozlar keltirilgan. Yaqin kunlarda o‘quvchilar yangi va zamonaviy binoda o‘qishni boshlashlari ko‘zda tutilgan.

Agentlikning rasmiy sahifalariga ulanish:
Telegram | Facebook | Instagram | YouTube