Asosiy fan olimpiadasining III(viloyat) bosqichi jarayonlarini boshqarmaning ijtimoiy tarmoqlardagi rasmiy sahifalari orqali kuzatishingiz mumkin.

Biologiya, kimyo, fizika, matematika fanlari Urganch shahridagi IM binosida
https://www.facebook.com/100051296118900/videos/1076723833696207/?mibextid=Nif5oz

informatika fani Urganch shahridagi IT-Park Xorazm filiali binosida

https://youtube.com/live/SYfZbFYyfeo?feature=share

o'tkazilmoqda.

“Bizga maktab kerak”

Kuni kecha Muqimiy nomidagi O‘zbekiston davlat musiqali drama teatrida shu nomli spektakl premyerasi bo‘lib o‘tdi.

Zamon Avloniysi, deya ta’rif berilgan O‘zbekiston Xalq o‘qituvchisi, "Buyuk xizmatlari uchun" va "Mehnat shuhrati" ordenlari sohibi, "Qorako‘l maktabi" asoschisi To‘xtamurod Jumayevning hayotiga bag‘ishlangan mazkur spektakl namoyishiga marhum ustozning oila a’zolari, shogirdlari, “Qorako‘l maktabi” sobiq bitiruvchilari, ta’lim sohasi xodimlari hamda OAV vakillari ishtirok etishdi.

Davomiy olqishlar bilan qarshi olingan mazkur sahna asarida millat kelajagi bilan bog‘liq dolzarb mavzuga qo‘l urilgan bo‘lib, ustozning ilm yo'lida bosib o‘tgan mashaqqatli yo‘li aks etgan. To‘xtamurod Jumayev o‘z orzusidagi maktabni yaratish uchun qanday qiyinchiliklarni boshidan kechirgani, maktabning bugungi kunga kelib erishgan yutuqlari tomoshabinlarning olqishlariga sabab bo‘ldi.

Muallifi Qo‘chqor Norqobil, rejissyor Dilmurod Haqberdiyev, musiqasi Oydin Abdullayevalar tomonidan yaratilgan mazkur sahna asari To‘xtamurod Jumayevning xotirasiga bag‘ishlangan bo‘lib, real voqealar asosida sahnalashtirilgan.

Spektakl premyerasi 3-noyabr kuniga qadar davom etadi. Teatr ijodkorlari barcha ta’lim sohasi xodimlarini mazkur spektakl namoyishiga taklif qiladi.

Fursatdan foydalanib, teatr jamoasiga ta’limning mashaqqatli yo‘liga bag‘ishlab yaratilgan sahna asari uchun minnatdorlik bildiramiz!

Vazirlikning rasmiy sahifalariga ulanish
Telegram | Youtube | Facebook | Instagram