– Лічу, што прыйсці на выбары – гэта не проста грамадзянскі, а свяшчэнны абавязак беларусаў. Мы павінны быць адказнымі за лёс сваёй дзяржавы. Узгадаем, што нараджэнню Хрыста папярэднічала тое, што святая сям’я адправілася ў Віфлеем, каб выканаць свой грамадзянскі абавязак – там ішоў перапіс насельніцтва. Кожны з нас, хто называецца хрысціянінам, падобны да Божай Маці і Іосіфа, у гэтыя дні павінен прыняць удзел у лёсавызначальнай дня нашай краіны падзеі – выбарах Прэзідэнта Рэспублікі Беларусь, – адзначыў Іаан Кісель.

🗣️– Аддала свой голас за здаровую і спартыўную Беларусь. У краіне і ў прыватнасці на Дзятлаўшчыне створана выдатная база для заняткаў спортам і актыўнага адпачынку. Нядзіўна, што ўсё больш людзей выбіраюць здаровы лад жыцця, наведваюць спартыўныя залы, стадыёны. Кіраўнік дзяржавы паказвае асабісты прыклад. Рада, што ў хуткім часе на Дзятлаўшчыне будзе адкрыты фізкультурна-аздараўленчы комплекс, у планах яшчэ шмат праектаў для развіцця спартыўнага жыцця раёна, якія, упэўнена, будуць рэалізаваны.

🗣️– Галасаваць на выбарах – гэта не проста права, а абавязак, магчымасць не заставацца абыякавым. Гэта голас сапраўднага грамадзяніна, які любіць сваю краіну, хоча бачыць яе квітнеючай і свабоднай. Наша Дзятлаўшчына развіваецца, як і ў цэлым уся краіна. Нашы дасягненні – не проста лічбы і статыстычныя даныя, гэта рэальнасць, якую жыхары раёна бачаць на свае вочы. Мой голас – за гэту будучыню, далейшае развіццё, стабільнасць, суверэнітэт, магчымасць самім будаваць свой шлях. І, вядома ж, за мірнае стварэнне. Каб кожны новы дом, новы аб’ект, парк прыносіў радасць і дабрабыт нашым людзям.

– Мы перажываем няпросты час, і на дадзеным этапе вельмі важна выбраць дастойнага лідара краіны, захаваць усё добрае, што было напрацавана на працягу трыццаці гадоў развіцця суверэннай Беларусі. Галоўныя набыткі гэтага перыяду – мір, умацаванне нацыянальнай эканомікі, прамысловага патэнцыялу, прыродных рэсурсаў і вельмі важнае – недапушчэнне расслаення грамадства. Мы жывём у краіне роўных магчымасцяў, такой яе абавязаны перадаць нашым нашчадкам, – адзначыў ён.

Уладзімір Фёдаравіч адзначыў, што члены прафсаюза прымаюць актыўны ўдзел у электаральным працэсе як у якасці выбаршчыкаў, так і ў якасці членаў выбарчых камісій, наглядальнікаў.

– Не магла не прагаласаваць за нашу будучыню, – адзначае Валянціна Пецюлевіч. – У нас незалежная краіна, дастойныя пенсіі і зарплаты, ёсць сацыяльныя выгоды і гарантыі. Важна, каб так было і надалей. Хочацца дастойнай будучыні пад мірным небам для нашых дзяцей. Мне, як чалавеку, які перажыў у свой час складаныя дзевяностыя гады, ёсць з чым параўноўваць, і вельмі не хочацца, каб нешта падобнае зноў паўтарылася. Няхай наступныя пакаленні жывуць лепш, чым гэта было ў нас.

– Хочацца, каб у Беларусі па-ранейшаму было мірнае і шчаслівае жыццё, – адзначыў Юрый Бойка, – каб у нашых суайчыннікаў спраўджваліся іх лепшыя спадзяванні. Мяркую, што здароўе, спакой, мір на Зямлі – гэта тое, што заўжды будуць цаніць усе людзі.

🗣️– Толькі што здала сесію і вырашыла, што свой першы голас хачу аддаць на малой радзіме, побач з сям’ёй у роднай школе. Для мяне гэта вялікая падзея, сапраўднае свята. Планую і далей хадзіць на выбары: прыйшоў час нам быць актыўнымі грамадзянамі і клапаціцца аб сваёй краіне. Усім равеснікам жадаю абавязкова галасаваць, не ўпускаць такі шанц, таксама актыўна ўдзельнічаць у іншых важных мерапрыемствах, вучыцца, працаваць і проста атрымліваць задавальненне ад жыцця ў нашай прыгожай добрай краіне.

– Сёння на выбарах я разам з сынам Міхаілам, бо гэта падзея важная для нашай сям’і. Хацела паказаць яму працэс галасавання, каб ён гадаваўся сапраўдным адказным грамадзянінам сваёй краіны. Для мяне і маёй сям’і важная наша будучыня, дабрабыт. Выканалі адказную справу, цяпер можна адпачыць: зрабіць пакупкі ў буфеце і паслухаць канцэрт.

🗣️– Гэтым разам галасую на выбарах толькі я, муж – грамадзянін Расійскай Федэрацыі, таму пакуль падтрымлівае маральна. Тры дні таму я тут прапісалася і прыйшла разам з усёй краінай зрабіць выбар за ўпэўненую будучыню і моцную Беларусь. Нават сямігадовая ўнучка сёння мне нагадала: бабуля, на выбары ісці трэба абавязкова. Настрой выдатны, святочны. Усім жадаю мірнага неба, дабрабыту. У нас самая лепшая краіна, трэба толькі цаніць гэта і развіваць.

🗣️– Раней я сама была наглядальнікам на выбарах, таму добра ведаю, як гэта важна для краіны і кожнага грамадзяніна, – зазначае пенсіянерка Кацярына Іванюк. – Хочацца, каб і надалей жыццё ў нас было не горшае, чым цяпер. Сёння беларусы жывуць вельмі добра, у магазінах усяго хапае ўдосталь, медыцына даступная. Трэба толькі не ленавацца, працаваць сумленна, тады і будзеш усё мець. Я яшчэ памятаю тыя часы, як дзеці з малога дапамагалі бацькам, выконвалі цяжкую фізічную працу. Цяпер жывецца нашмат лягчэй. Жадаю працвітання роднай краіне і ўсім беларусам.