У Беларусі пачалося датэрміновае галасаванне на рэферэндуме па пытанні ўнясення змяненняў і дапаўненняў у Канстытуцыю.

Карэспандэнтка газеты “Перамога” наведалася на Чырвонаармейскі ўчастак для галасавання № 10, які знаходзіцца ў сярэдняй школе № 1 горада Дзятлава, дзе чакаюць галасаваць 1550 выбаршчыкаў...
https://diatlovonews.by/2022/02/pachalosya-daterminovae-galasavanne/

#Дзятлава #Дятлово #конституция #референдум

На Казлоўшчынскім участку № 15 галасуюць актыўна.
Сяргей Калодзіч:
– Галасую датэрмінова, бо на выхадныя дні планую паехаць да сваякоў на Брэстчыну, там мае сёстры і браты. Адна з сясцёр нядаўна хварэла, хочацца яе наведаць. Прапусціць важную для нашай краіны палітычную падзею не мог, бо ўсё жыццё быў грамадска актыўным чалавекам, доўгі час узначальваў прафсаюзную арганізацыю Дзятлаўскага ПМС, неаднаразова і сам быў у саставе выбарчых камісій. Згодны з выслоўем: “Што ні робіцца, тое робіцца да лепшага”. Сёння я галасаваў за мір – гэта галоўнае ў нашай краіне, каб не ваявалі ні дзеці, ні ўнукі.
https://diatlovonews.by/2022/02/na-kazlo-shchynskim-uchastku-15-galasujuc-akty-na/

#Дзятлава #Дятлово #конституция #референдум

На Дзятлаўшчыне прадаўжаецца датэрміновае галасаванне на рэферэндуме па пытанні ўнясення змяненняў і дапаўненняў у Канстытуцыю Рэспублікі Беларусь.

Да выбару курсу нашай краіны актыўна далучаецца моладзь. Настаўніца англійскай мовы Алеся Серая, якая ў гэтым навучальным годзе прыбыла на першае месца работы ў роднае Дзятлава, у сярэднюю школу № 3. Яна ўпершыню галасуе на малой радзіме:
https://diatlovonews.by/2022/02/alesya-seraya-moj-golas-budze-lichany-vyalikaj-sprave-nashaj-krainy-videa/

#Дзятлава #Дятлово #конституция #референдум

У Дзятлаўскім раённым цэнтры дадатковай адукацыі дзяцей і моладзі прайшоў адкрыты анлайн-дыялог “Мы – грамадзяне Рэспублікі Беларусь” з дэпутатамі моладзевага парламента пры раённым Савеце дэпутатаў:
https://diatlovonews.by/2022/02/shto-cikavic-deputata-moladzevaga-parlamenta/

#Дзятлава #Дятлово #конституция #референдум

На Вензавецкі ўчастак для галасавання № 1 шматдзетная сям’я Шкель прыйшла з дзецьмі.

Разам з матуляй Таццянай Іванаўнай і татам Генадзем Віктаравічам удзел у важнай грамадскай падзеі, датэрміновым галасаванні на рэспубліканскім рэферэндуме, прымалі трое іх сыноў – дванаццацігадовы Аляксандр, чатырохгадовы Яраслаў і двухгадовы Іван (старэйшыя дзеці Наталля і Ягор ужо дарослыя, яны галасуюць самастойна):
https://diatlovonews.by/2022/02/na-vybarchy-chastak-vyalikaj-syam-joj-videa/

#Дзятлава #Дятлово #конституция #референдум

Актыўны ўдзел у рэферэндуме прымаюць і прадстаўнікі старэйшага пакалення.
Як расказала дырэктар Цэнтра сацыяльнага абслугоўвання насельніцтва Дзятлаўскага раёна Таццяна Нікіпорчык, скарыстацца дапамогай свайго сацыяльнага работніка па суправаджэнні на ўчастак для галасавання могуць пажылыя людзі, якія знаходзяцца на надомным абслугоўванні.
На Кастрычніцкі ўчастак для галасавання № 8 разам са сваім сацыяльным работнікам Валянцінай Капытка прыйшла пажылая дзятлаўчанка Марыя Чараховіч:
– Я дзіця пасляваеннага пакалення, мне ёсць з чым параўноўваць. Ніколі не прапускаю выбарчых кампаній, бо заўсёды выступаю за паляпшэнне жыцця на беларускай зямлі, падтрымліваю палітыку нашага Прэзідэнта. Я ведаю, як было раней, цяпер мы жывём сапраўды добра. Хочацца, каб дабрабыт і мір і надалей панавалі ў Беларусі.
https://diatlovonews.by/2022/02/u-starejshaga-pakalennya-akty-naya-gramadzyanskaya-pazicyya

#Дзятлава #Дятлово #конституция #референдум

Як галасуюць на Дзятлаўшчыне людзі з абмежаванымі магчымасцямі?

Для людзей з праблемамі зроку прадугледжаны спецыяльныя трафарэты. На бланках – кружкі і квадраты, якія дапамогуць людзям, якія дрэнна бачаць або зусім  невідушчым адчуць пальцамі, за што аддаць свой голас: прыняць абноўлены праект Асноўнага Закона ці не. На выбарчым участку, як і належыць, ёсць павелічальная лупа, з дапамогай якой можна ўважліва разгледзець як выбарчы бюлетэнь, так і любую друкаваную інфармацыю. Прыемна і тое, што зроблены прасторныя кабінкі для галасавання, туды лёгка можна заехаць на інваліднай калясцы. Зноў жа, калі грамадзянін па стане здароўя або іншых уважлівых прычынах не зможа ў дзень рэферэндуму наведаць участак для галасавання, ён мае права пісьмова ці вусна звярнуцца ў адпаведную ўчастковую камісію з просьбай арганізаваць галасаванне па месцы яго знаходжання.
https://diatlovonews.by/2022/02/yak-galasujuc-ljudzi-z-abmezhavanymi-magchymascyami

#Дзятлава #Дятлово #конституция #референдум

На Дзятлаўшчыне стартавала галасаванне на рэспубліканскім рэферэндуме 

На Кастрычніцкім участку № 8 у Дзятлаве раніца пачалася з апячатвання урны для галасавання і урны для выязнога галасавання, пераправеркі дакументаў і вырашэння арганізацыйных нюансаў. Выбарчая камісія пад старшынствам Марыі Шавель і назіральнікі прыступілі да работы.
У хуткім часе пасля адкрыцця выбарчага ўчастка тут з’явіліся першыя наведвальнікі. У іх ліку – жыхар вуліцы Навагрудскай Міхаіл Бельскі. Ён лічыць, што ўсе важныя справы трэба пачынаць раніцай:
 - Прачынаюся рана, таму вырашыў не адкладваць на потым наведванне выбарчага ўчастка. Цяпер можна спакойна займацца сваімі справамі. Прыйшоў сёння адзін, бо сям’я ўжо прагаласавала датэрмінова, – кажа мужчына...
https://diatlovonews.by/2022/02/na-dzyatla-shchyne-startavala-galasavanne-na-respublikanskim-referendume/

#Дзятлава #Дятлово #конституция #референдум