Любімы горад, красуй у стагоддзях. Дзятлаву – 525!

Напярэдадні важкай юбілейнай даты гараджане выказваюць роднаму Дзятлаву і землякам свае шчырыя і цёплыя пажаданні.
Раіса Каляда:

– Віншуючы наш горад з 525-годдзем, я жадаю кожнаму яго жыхару ўсяго самага найлепшага, асабліва кахання, радасці і шчасця, бо гэта менавіта тое, у чым мае патрэбу кожны з нас. Таксама мне хацелася б пажадаць не забываць свае родныя мясціны, помніць пра іх і як мага часцей наведваць.

#Дзятлава #Дятлово #город #юбилей

Любімы горад, красуй у стагоддзях. Дзятлаву – 525!
Жадаюць дзятлаўчане

Іна Малафей:

– Я ўпэўнена, што кожны з нас бязмерна любіць і шануе свой родны горад. Да такой важкай даты я выказваю Дзятлаву бязмежную любоў і вялікае прызнанне і жадаю толькі дабрабыту і росквіту, ды так, каб праз многія гады нават зоркі дзівіліся, як наш горад жыве і квітнее.

#Дзятлава #Дятлово #город #юбилей

Любімы горад, красуй у стагоддзях. Дзятлаву – 525! Жадаюць дзятлаўчане

Надзея Канявега:

– З горадам Дзятлавам у мяне, несумненна, звязана шмат добрых успамінаў. Глыбока ўдзячна гэтым мясцінам за тое, што менавіта тут выраслі мае дзеці і скончылі школу мае ўнукі, тут жыву я. Дзень горада ўсё бліжэй, і я жадаю яму толькі росту і росквіту, а яго жыхарам – жыцця ў міры і згодзе. Жадаю, каб моладзь расла шчаслівай і актыўнай, каб горад наш славіўся не толькі народнымі ўмельцамі, але і спартыўнымі дасягненнямі. Няхай Дзятлава красуе пад мірным небам.

#Дзятлава #Дятлово #праздник #город

Любімы горад, красуй у стагоддзях. Дзятлаву – 525! Жадаюць дзятлаўчане

Сям’я Андалюкевічаў
❇️ Анатолій:
– Жадаю роднаму гораду спакою, парадку і мірнага жыцця. Моладзі – не забываць родныя мясціны, вяртацца на малую радзіму, дапамагаць умацоўваць дабрабыт сваёй старонкі. Няхай толькі станоўчыя дасягненні нашага горада праслаўляюць яго па ўсёй рэспубліцы, каб пра нас ведалі, цанілі, успаміналі. Жадаю, каб школы і дзіцячыя сады поўніліся хорам звонкіх, вясёлых дзіцячых галасоў, а бацькі радаваліся кожнаму іх дасягненню. Са святам, любімы горад!
❇️ Святлана:
– Несумненна, горад Дзятлава мае важнае значэнне для кожнага з нас, а для кагосьці ён наогул стаў часткай іх саміх. Нехта тут сустрэў сваё першае каханне, другія – правялі дзяцінства і юнацтва, трэція – змаглі знайсці магчымасці і менавіта тут ажыццявіць сваю запаветную мару. З 525-годдзем любімага горада віншую ўсіх землякоў, жадаю мірнага неба над галавой, шчасця і радасці, росту і асобаснага развіцця.

#Дзятлава #Дятлово #праздник #город

Любімы горад, красуй у стагоддзях. Дзятлаву – 525!

Арт-аб’ект ад ЦРБ

Тэматычная акцыя “Наш падарунак да юбілею” крочыць па вуліцах Дзятлава.
Паўдзельнічаць у ёй і пакінуць добры след у гісторыі райцэнтра можа любы жадаючы

#Дзятлава #Дятлово #юбилей #город