ФУҚАРОЛАР МУРОЖААТЛАРИ ДОИМИЙ ЭЪТИБОРДА

Бугун туман ҳокимлигида навбатдаги фуқаролар қабули ўтказилди.

Туман ҳокимининг биринчи ўринбосари И. Акрамов фуқароларни қабул қилиб, уларнинг мурожаатларини тинглади.

Мурожаатлар ижросини таъминлаш учун қабулда ҳозир бўлган турли соҳалар масъулларига фуқаролар сўровлари йўналтирилиб, масъуллар ўз йўналишлари бўйича тушган мурожаатлар ижросини таъминлашга киришдилар.

Ижроси вақт талаб этадиган мурожаатлар назоратга олиниб, айрим фуқароларга ҳуқуқий маслаҳатлар берилди.

🇺🇿 Пахтаобод тумани ҳокимлиги Матбуот хизмати
--------
📱Facebook|🕊Telegram|📱Instagram|📺Youtube|🕊Twitter

ТУМАН ҲОКИМИ ЭКСПОРТ ҚИЛУВЧИ ТЎҚИМАЧИЛИК КОРХОНАЛАРИ ФАОЛИЯТИНИ ЎРГАНДИ

Бугун туман ҳокими Д.Саттаров Президент топшириқлари ижроси доирасида туманда фаолият юритаётган экспорт қилувчи тўқимачилик корхоналарини ўрганди.

Ташриф давомида ҳоким томонидан корхоналарнинг ишлаб чиқариш жараёнлари, экспорт салоҳияти ва мавжуд муаммолар бевосита ўрганилди. Ишлаб чиқарувчиларнинг айрим тўсиқлар ва ечим талаб этувчи масалаларга дуч келаётгани аниқланди.

Аниқланган муаммоларни бартараф этиш мақсадида тегишли масъулларга аниқ вазифалар юклатилди. Шунингдек, ҳоким томонидан маҳаллий ҳокимият вакиллари, солиқ, божхона ҳамда банк тизими раҳбарларига корхоналарни қўллаб-қувватлаш, уларнинг экспорт фаолиятини кучайтириш бўйича аниқ кўрсатмалар берилди.

🇺🇿 Пахтаобод тумани ҳокимлиги Матбуот хизмати
--------
📱Facebook|🕊Telegram|📱Instagram|📺Youtube|🕊Twitter

ГУЛИСТОН СУВ НАСОС СТАНСИЯСИ КЎЗДАН КЕЧИРИЛДИ

Туман ҳокими Д.Саттаров Гулистон сув насосининг ишлаш ҳолатини текширди. Ушбу насос ускуналарининг техник ҳолатини кўздан кечириб, суғориш мавсумида уларнинг узлуксиз ва самарали фаолиятини таъминлаш зарурлиги таъкидланди. Шу билан бирга, ускуналар билан ишлашда техника хавфсизлиги қоидаларига қатъий риоя қилиш бўйича масъулларга аниқ топшириқлар берилди.

Мазкур чоралар деҳқонлар ва фермер хўжаликларининг самарали фаолиятини қўллаб-қувватлаш ҳамда сув ресурсларини оқилона фойдаланишга йўналтирилган.

🇺🇿 Пахтаобод тумани ҳокимлиги Матбуот хизмати
--------
📱Facebook|🕊Telegram|📱Instagram|📺Youtube|🕊Twitter

Туман ҳокими Маданият қишлоғидаги шифохонада бўлди

Соғлиқни сақлаш тизимини ривожлантириш, аҳолига сифатли тиббий хизмат кўрсатиш борасида кенг кўламли ишлар амалга оширилмоқда. Шу мақсадда, туман ҳокими Д.Саттаров Маданият қишлоғида жойлашган шифохонада бўлиб, у ердаги мавжуд шароитлар билан танишди.

Ташриф чоғида туман ҳоким беморлар учун яратилган шароитларни кўздан кечириб, шифохонада амалга оширилаётган ишлар билан яқиндан танишди. Шу билан бирга, тиббиёт муассасасидаги мавжуд муаммо ва камчиликлар ҳақида масъуллар билан суҳбатлашди.

Учрашув якунида шифохона фаолиятини янада яхшилаш, беморларга қулайлик яратиш ҳамда мавжуд камчиликларни бартараф этиш юзасидан тегишли мутасаддиларга аниқ топшириқлар берди.

🇺🇿 Пахтаобод тумани ҳокимлиги Матбуот хизмати
--------
📱Facebook|🕊Telegram|📱Instagram|📺Youtube|🕊Twitter