#Диққат_қилинг

⚡️⚡️⚡️ Чўққайма маҳалласидан ўтувчи катта йўлга ўрнатилган "радар" автомобиль тезлигини қайд этмоқда

Хабарингиз бўлса, Чўққайма маҳалласидан ўтган катта йўлга "радар" мосламаси ўргатилганди.

Буни кўрган айрим ҳайдовчилар шунчаки кузатув камераси деган нотўғри фикрга боришди.

Аслида йўл-транспорт ҳодисалари таҳлил қилинганида Чўққайма маҳалласидан ўтган маҳаллий аҳамиятдаги автомобиль йўлига "радар" ўрнатиш зарурлиги маълум бўлган эди.

Шу боис мазкур йўлга автомобилларнинг ҳаракат тезлигини қайд этувчи “радар” мосламаси ўрнатилди.

Айни пайтда "радар" мосламаси автомобиль тезлигини қайд этмоқда.

Мазкур ҳудудда тезликни соатига 50 км.дан оширган ҳайдовчиларга белгиланган тартибда жарима қўлланилади.

Огоҳ бўлинг ҳайдовчилар!

👉 @PARKENT_TONGI

#Жараён

⚡️⚡️⚡️ Маҳаллаларда тоза ичимлик суви қувурлари янгиланмоқда

Бугунги кунда маҳаллаларнинг инфратузилмасини яхшилашда тоза ичимлик суви қувурларини янгилаш, канализация тизимини ишга тушириш муҳим ўрин тутади.

"Тошкент сув таъминот" МЧЖ Паркент тумани бўлими томонидан айни масалада муайян ишлар амалга оширилмоқда.

Жумладан, Истиқбол маҳалласининг Баркамол авлод 1-тор кўчасининг 350 метр қисмида канализация тизими ишга тушириш ишлари олиб борилмоқда.

Шунингдек, Бозорбоши маҳалласида 700 метр, Обод маҳалласининг 250 қисмида тоза ичимлик суви қувурлари янгиланмоқда.

Албатта, бу масалада аҳолининг мурожаатларини ҳал қилиш чораларини кўриш одамларда давлат идораларига бўлган ишончни ошириб бораверади.

👉 @PARKENT_TONGI

#Долзарб

⚡️⚡️⚡️ Коррупцияга қарши курашиш ва унинг олдини олиш бўйича ҳуқуқий тарғибот ўтказилди

Бугун туманимиз ҳокими бошчилигида “Коррупцияга қарши курашиш, унинг олдини олиш бўйича олиб борилаётган ишлар ҳамда келгусидаги вазифалар” мавзусида ҳуқуқий тарғибот тадбири бўлиб ўтди. Унда туман прокурори Ж.Ҳайитбоев иштирок этиб, мавзу юзасидан маъруза қилди.

Туманимиздаги барча ташкилот раҳбарлари, “маҳалла еттилиги”, жамоатчилик фаоллари, ёшлар иштирок этган семинарда 2017 йилнинг 3 январида қабул қилинган Ўзбекистон Республикасининг “Коррупцияга қарши курашиш тўғрисида”ги Қонунининг мазмун-моҳияти, коррупция билан боғлиқ жиноятларнинг сабаблари ва қонунда белгиланган жавобгарлик каби маълумотлар бериб ўтилди.

Шунингдек, коррупция ҳолатларининг олдини олиш борасида амалга ошириш шарт бўлган вазифалар ҳақида батафсил тўхталиб ўтилди.

Мансаб ваколатини суиистеъмол қилиш билан боғлиқ йўл қўйилаётган салбий ҳолатларни барвақт аниқлаш борасида  сўровлар ва бошқа жамоатчилик назорати натижалари тегишли идоралар томонидан ўрганилиб борилаётганини айтиб ўтилди.

Семинарда бугунги куннинг энг оғриқли муаммоларидан бир таниш-билишчилик, масъулиятсизлик ва тамагирликка йўл қўймаслик учун давлат хизматчисининг касб этикаси, одоб-ахлоқ қоидаларига қатъий риоя этган ҳолда ўз зиммасига юклатилган вазифаларни ҳалоллик, масъулият ва садоқат билан бажариш зарурлиги алоҳида қайд этилди.

Таъкидланганидек, бу иллатга қарши нафақат ҳуқуқни муҳофаза қилувчи орган ходимлари, балки барча баробар курашиши шарт.

👉 @PARKENT_TONGI

#Байрам_шукуҳи

⚡️⚡️⚡️ Конституциямиз қабул қилинганлигининг 32 йиллигига бағишланган байрам тадбири бўлиб ўтди

Бугун туман ҳокимлигида Ўзбекистон Республикаси Конституцияси қабул қилинганлигининг 32 йиллигига бағишланган байрам тадбири ташкил этилди.

Унда ҳоким Сардор Исоқулов, сектор раҳбарлари, ҳоким ўринбосарлари ҳамда турли давлат ва жамоат ташкилотларининг бошлиқлари, нуронийлар, ёшлар иштирок этди.

Байрам тадбирида ҳоким йиғилганларни қутлуғ сана билан қизғин табриклаб, ўзининг самимий тилакларини билдирди.

Ҳоким нутқида халқаро ҳуқуқ талабларига тўла мос тарзда янгиланган Конституциямизда белгилаб қўйилган қоида ва нормаларга қатъий риоя қилаётгани халқимиз ҳаётини янада фаровон бўлишига, умуман олганда туманимизда ҳам инсон қадрини улуғлаш барча соҳаларда ўз аксини топаётганлиги ҳақида тўхталиб ўтди.

Шуни алоҳида таъкидлаш жоизки, туманимизда Ўзбекистон Республикаси Конституцияси қабул қилинганлигининг 32 йиллиги муносабати билан давлат ва жамоат ташкилотларида тадбирлар, давра суҳбатлари бўлиб ўтмоқда.

Уларда Асосий қонунимизнинг мазмун-моҳиятини энг аввало, ёшларга чуқурроқ тушунтиришга алоҳида эътибор қаратилмоқда.

Байрам тадбирида йил давомида ўзининг фаоллиги, ташаббускорлиги билан бошқаларга намуна бўлиб келаётган тумандошларимиз тақдирланди.

Туман ҳокимлигида бўлиб ўтган байрам тадбирида Маданият бўлими санъаткорлари томонидан тайёрланган куй-қўшиқ ва рақслар ҳамда 53-мактаб қошидаги “Қалқон жасорат мактаби” ҳарбий-ватанпарварлик спорт муассасаси курсантларининг саҳна кўринишлари йиғилганларга кўтаринки кайфият бағишлади.

👉 @PARKENT_TONGI