#Онлайн

⚡️⚡️⚡️ Ҳоким Сардор Исоқулов мигрантлар билан онлайн мулоқот ўтказмоқда

Айни вақтда туманимиз ҳокими Сардор Исоқулов ва унинг ўринбосарлари, тегишли ташкилот раҳбарлари Россия Федерациясининг турли вилоят ва шаҳарларида ишлаётган мигрантлар билан онлайн мулоқот ўтказишмоқда.

Суҳбат давомида ҳоким хориждаги тумандошларимизга юқори даромад олиши мумкин бўлган бир қатор соҳаларни таклиф қилди.

Мазкур мулоқотдан асосий мақсад хорижда меҳнат қилаётган фуқароларни туманимизга қайтариш ва уларга муносиб даромад манбаини топиб беришдан иборат.

Шу боис, туманимиз ҳокими ҳар бир фуқаро билан якка тартибда атрофлича суҳбатлашни давом эттириб, уларга муносиб иш топиб бериш чораларини кўрмоқда.

Маълумот ўрнида айтиш жоизки, ҳоким Сардор Исоқуловнинг хориждаги фуқаролар билан суҳбат ҳар куни бўлиб ўтади.

👉 @PARKENT_TONGI

#Инсон_қадри

⚡️⚡️⚡️ Ҳоким бошчилигида оммавий қабул бўлиб ўтди

Бугун Номданак ҳудудидаги 58-мактабда оммавий қабул бўлиб ўтди.

Унда ҳоким Сардор Исоқулов бошчилигида туманимиздаги ҳуқуқни муҳофаза қилувчи орган мутасаддилари ҳамда ташкилотларнинг бошлиқлари ҳар бир мурожаатчи билан юзма-юз ўтириб, уларни ўйлантираётган масалаларга ечим излади.

Очиқ, самимий ўтган қабулда уй-жой, моддий ёрдам, бандлик, тадбиркорлик ва бошқа масалаларда мурожаатлар келиб тушди.

Мурожаатларни имкон қадар жойида ҳал этилиши борасида ҳоким тегишли ташкилотлар мутасаддилари билан биргаликда зарур чоралар кўрди.

Қабулдаги жами 24 та мурожаатдан 5 таси шу жойнинг ўзида ҳал қилинди. Қолган 13 таси вақт талаб қилингани боис, ижрога қаратилиб, 6 тасига ҳуқуқий тушунтириш берилди.

👉 @PARKENT_TONGI

#Жараён

⚡️⚡️⚡️ Саид ота маҳалласининг лой кўчалари таъмирланмоқда

Шу кунларда об-ҳавонинг пасайиши турган гапки, бир қатор соҳаларда муаммоларни пайдо қилади.

Масалан, Красногорск шаҳарчасининг Саид ота маҳалласининг ички кўчалари анча таъмирталаб ҳолга келиб қолганди. 

Ёзнинг иссиқ кунларида чанг-тўзон, ёғингарчилик вақтларида эса кўча лой бўлиб кетиши ортидан аҳоли, айниқса мактаб ўқувчилари қийналар эди.

Бу муаммо жорий йилда куз-қиш мавсумига тайёргарлик ишлари доирасида ҳал бўлди.

Туманимиз ҳокими Сардор Исоқулов анча вақтдан буён одамларга қийинчилик туғдираётган бу муаммони тезда бартараф этиш юзасидан соҳа мутасаддиларига зарур топшириқларни берди.

Туман Йўллардан фойдаланиш корхонасининг махсус техникалари жалб этилиб, маҳалланинг ички Фаробий кўчаси 1500 метр, А.Темур кўчаси 800 метр, Ибн Сино кўчаси 1000 метр, Зулфия кўчаси 100 метр, Увайсий кўчаси 1200 метр, Геологлар кўчаси 800 метр, Бобур кўчаси 1000 метр, Улуғбек кўчаси 1500 метр қисмида шағаллаштириш ишлари бошлаб юборилди.

👉 @PARKENT_TONGI