#Мулоқот

⚡️⚡️⚡️ Ёшларимизни руҳлантирган учрашув

Паркент ёшлари барча соҳаларда, жумладан, спорт, тадбиркорлик, илм-фан, ҳунармандчиликда ўзларининг истеъдодларини намоён қилиб келмоқда. Улар танлаган соҳалари ривожига ҳисса қўшиш билан бир қаторда туманимиз иқтисодиётини янада ривожлантиришга туртки берувчи кучга айланмоқда.

Бунда албатта, “Раҳбар ва ёшлар учрашуви” руҳида ўтаётган мулоқотлар йигит-қизларимизни янги-янги марралар сари руҳлантирмоқда.

Буни яхши билган ҳоким Сардор Исоқулов ёшлар билан Заркент ҳудудидаги “Паркент ижод уйи”да учрашди.

Ҳоким бошчилигида ўтган учрашувда туман прокурори, Ёшлар ишлар агентлиги туман бўлими бошлиғи, маҳалладаги ёшлар етакчилари ҳамда йигит-қизлар иштирок этди.

Учрашувида Сардор Исоқулов расмиятчиликдан четлашиб, очиқ ва ошкора суҳбатлашиш тарафдори эканлигини билдирди.

Ҳоким мулоқот аввалида бугунги кунда ёшлар учун яратилган имкониятлар кўплиги, улардан унумли фойдаланиш кераклигини ҳаётий мисоллар воситасида тушунтириб берди.

Шундан сўнг, ёшлар мурожаатлари, таклиф ва мулоҳазаларини билдиришга кенг ўрин берилди.

Ҳоким ёшлар ҳаётида ўз ечимини кутаётган муаммоларни ҳар бирини алоҳида назоратга олишини, маҳаллаларимиздаги йигит-қизлар билан тизимли ишлаш, уларни муаммоларини ўз вақтида бартараф этиб боришда доимо қатъиятли бўлишини алоҳида таъкидлади.

Мулоқотда ёшларнинг муаммолари имкон қадар шу жойнинг ўзида бартараф этилишига алоҳида эътибор қаратилди.

Самимий мулоқот руҳида ўтган учрашувда сектор раҳбарлари ёшларимизни қизиқтирган саволларига батафсил жавоб беришди.

Шунингдек, айрим ёшлар томонидан билдирилган мурожаатлар назоратга олиниб, айтилган муаммо бўйича масъул ходимларга тезкор топшириқлар юклатилди.

Энг асосийси, тадбир давомида ҳеч кимнинг таклиф ва мулоҳазалари беэътибор қолмади.

👉 @PARKENT_TONGI

#Хушхабар
#Фахр

⚡️⚡️⚡️ Туманимизнинг 5-синф ўқувчиси республика миқёсидаги интеллектуал ўйинида “Спарк” автомобилини ютиб олди!

Хабарингиз бўлса, иқтидорли ёшларни моддий ва маънавий қўллаб-қувватлаш мақсадида “Бизнинг фахримиз!”  интеллектуал ўйини ташкил этиб келинади.

“Севимли” телеканали орқали эфирга узатиб борилаётган ушбу интеллектуал ўйинининг навбатдаги республика босқичи куни кеча ўз якунига етди.

Пойтахтимизда ўтган мазкур интеллектуал ўйиннинг 5-синфлар ўртасидаги финал беллашувида ғолиблик Паркент туманидан Алиёр Йўлчибоевга насиб қилди.

“Бизнинг фахримиз!”  интеллектуал ўйинида туманимиздаги 1-сонли ИДУМнинг 5-синф ўқувчиси Алиёр Йўлчибоев фаол иштирок этиб, бош соврин  – "Спарк" автомобилини қўлга киритди.

Кеча кеч соат 22:30 лар атрофида мазкур хушхабарни эшитган заҳоти 1-сонли ИДУМ директори Тоҳир Абдуғаффоров билан телефон орқали боғландик.

Мактаб директорининг айтишича, Алиёр Йўлчибоев интеллектуал баҳсларнинг якуний босқичига етиб келгунга қадар нимчорак, чорак ва ярим финал босқичларида умумтаълим фанларидан берилган саволларга энг кўп тўғри жавоб берди.

Якуний финал босқичида эса рақибларидан фарқли равишда берилган саволларга энг кўп тўғри жавоб бериб, ғолибликка эришди.

Шу сабаб Алиёр Йўлчибоев бош соврин – "Спарк" машинасини Паркентга келаётган ҳафтанинг душанба куни олиб келадиган бўлди.

Бугун туманимиз ҳоким Сардор Исоқулов Алиёр Йўлчибоев билан учрашиб, уни эришган улкан ютуғи билан самимий табриклаб, ўзининг эзгу тилакларини билдирди.

Ҳоким Алиёр Йўлчибоевнинг эришган муваффақиятини туманимиздаги тегишли ташкилот бошлиқлари, соҳа масъуллари олдида эътироф этгани Паркент ёшларини янги-янги марралар сари чорлов бўлди, дейиш мумкин.

👉 @PARKENT_TONGI

#Диққат_эълон

⚡️⚡️⚡️ Фақат 10 нафар мижоз учун "YANGI PARKENT"дан 15 фоиз бош тўлов эвазига хонадон харидига улгуринг!

❤️‍🔥 "YANGI PARKENT"дан 15 фоиз бош тўлов билан 48 ойгача ҳалол насияга хонадон харид қилиш имкониятини қўлдан бой берманг!

Замонавий инфратузилмага эга бу мажмуамиз оилангиз ва инвестиция учун энг қулай таклифларни беради.

🙌 Хонадонларнинг афзалликлари:

➖100 фоиз таъмирга эга;

➖бино пишган ғиштдан;

➖қулай жойлашув;

➖очиқ автотураргоҳлар;

➖болалар ўйингоҳи ва кўплаб бошқа қулайликлар.

✅ 2-хонали хонадон учун  бош тўлов 59 280 000 сўм

✅ 3-хонали хонадон учун бош тўлов 69 498 000 сўм

🎉 Агар харидор 30 фоиз бош тўлов амалга оширилса, маиший техника совға қилинади!

❤️‍🔥 Шошилинг, бу имкониятни қўлдан бой берманг!

❗️Мурожаат учун қуйидаги телефон рақамларига қўнғироқ қилинг!

📞 77-104-00-09

📞 88-101-00-09

📞 95-611-99-99

📍Манзил: Паркент тумани Ёшлик маҳалласидаги Нилуфар чорраҳаси.

⭕️ Уй-жой олмоқчи бўлган яқинларингизни шу ҳақда хабардор қилишни унутманг!

👉 @PARKENT_TONGI

#Инсон_қадри

⚡️⚡️⚡️ Ҳоким қабули: кўп қаватли уйлар таъмири, Жаҳон чемпионатига бориш имкони

Бугун туман ҳокими Сардор Исоқуловнинг навбатдаги фуқаролар қабули бўлиб ўтди.

Ҳокимлик биносида ўтказилган қабулда туманимизнинг давлат ва жамоат бошлиқлари иштирок этди. Унда уй-жой учун субсидия, ишга жойлашиш, моддий ёрдам олиш, саломатликни тиклаш ҳамда тадбиркорлик соҳаларига оид мурожаатлар бўлди.

Мулоқотлар вақтида мурожаатчилардан бири қизи шахмат бўйича Жаҳон чемпионатида иштирок этишга кўмаклашишни сўради.

Унинг айтишича, қизи Муҳаббат Абдувоҳидова шахмат бўйича турли мусобақаларга қатнашиши учун маблағ сарфлаб келган.

Бироқ, бугунга келиб оиланинг иқтисодий имкони бироз камайган. Шу боис, жорий йилнинг 1 август куни пойтахтимизда бўлиб ўтадиган шахмат бўйича Жаҳон чемпионатида иштирок этишга қийналаётганини айтди.

Ушбу нуфузли мусобақаларда қатнашиш учун тўланиши керак бўладиган 2,5 млн. сўмни тўлай олмаслигини билдирди.

Ҳоким ушбу маблағни шахсан ўзи беришини айтиб, мурожаатчини кайфиятини кўтарди.

Ёшлик маҳалласидан келган мурожаатчи кучли шамол туфайли кўп қаватли уйларнинг томи ва унга яқин хонадонларга етган зарар туфайли таъмирлаш ишлари қачон якунланишини сўради.

Ҳоким табиий офат ортидан зарар кўрган уй-жойларнинг том қисмининг таъмири учун маблағ ажратилгани, ҳозирда қурувчиларни тендер асосида саралаб олиш жараёнлари кетаётганини маълум қилди.

Мулоқотлардан маълум бўлдики, тез орада қурувчилар ишга киришади.

Мурожаатчилар орасида соғлиғини тиклаш учун моддий ёрдам сўраганлар дард билан курашиб оғир иқтисодий аҳволда қолганлигини айтганларини эшитишнинг ўзи бир азоб!

Ҳоким касалликдан боши чиқмаётганлар учун маблағ ажратиш, уларнинг айримлари учун “ордер” олиб бериш масалаларини тезроқ ҳал қилиш учун чора-тадбир белгилаганидан тушундикки, инсонга меҳр кўрсатиш йўл ҳамиша ёруғ ва хайрли бўлади!

👉 @PARKENT_TONGI