#Семинар

⚡️⚡️⚡️ Энергетика соҳасида жорий этилган “ижтимоий норма”ни қандай тушуниш керак?

Хабарингиз бор, 2024 йил 16 апрель куни Вазирлар Маҳкамасининг “Ёқилғи-энергетика соҳасида бозор механизмларини жорий этишнинг қўшимча чора-тадбирлари тўғрисида”ги қарори қабул қилинган эди.

Бугун туман ҳокимлигида мазкур қарорнинг мазмун-моҳиятини кенг аҳоли қатламига етказиш, бу борада келиб чиқадиган саволларга батафсил жавоб берилишини таъминлаш мақсадида “маҳалла еттилиги” учун семинар ташкил этилди.

Ҳоким Сардор Исоқулов ҳамда туманимиздаги тегишли ташкилотларнинг раҳбарлари иштирок этган семинарда Вазирлар Маҳкамасининг ушбу қарорининг мазмун-моҳияти шарҳлаб берилди.

Шунингдек, энергетика соҳасида жорий этилган “ижтимоий норма”ни қандай тушуниш кераклиги ҳақида маълумот бериб ўтилди.

Таъкидланганидек, ушбу ҳужжат орқали энергия истеъмол қилишнинг ижтимоий нормаси жорий қилинмоқда.

Яъни аҳоли учун ижтимоий норма миқдори электр энергияси истеъмоли бўйича 200 кВт соатгача, табиий газ бўйича мавсумийлик нуқтаи назаридан келиб чиқиб, март – октябрь ойлари учун 100 куб метргача ва ноябрь-февраль ойлари учун 500 куб метргача ўрнатилади.

Бунда ижтимоий нормадан ортиқ энергия ресурсларини истеъмол қилганлар қўшимча – оширилган нархларда ҳақ тўлайди.

Шунингдек, давлат томонидан эҳтиёжманд оилаларни қўллаб-қувватлаш бўйича ажратиладиган маблағлар ва уни ажратиш механизмлари тўғрисида “маҳалла еттилиги”га батафсил маълумот бериб ўтилди.

Семинар якунида “маҳалла еттилиги” саволларига баътафсил жавоб олишди.

👉 @PARKENT_TONGI

#Туризм

⚡️⚡️⚡️ “Кумушкон” ва “Чашма” қишлоқлари “Туризм қишлоғи” мақомини олди

Бу ҳақида Кумушкон ҳудудида бўлиб ўтган тадбирда маълум қилинди.

“Кумушкон” ва “Чашма” қишлоқларига “Туризм қишлоғи” мақомини берилиши муносабати билан ташкил этилган маросимда Туризм қўмитаси раиси Умид Шодиев, туманимиз ҳокими Сардор Исоқулов, тегишли соҳа мутасаддилари ҳамда жамоатчилик вакиллари иштирок этишди.

Тадбирда таъкидланганидек, жорий йилда ҳам туманимизда туризм салоҳиятини янада ошириш, бунда сайёҳларга қулайлик яратиш бўйича кенг кўламли ободончилик ишлари олиб борилди.

Шунингдек, туризм объектлари барпо этилиб,  маҳаллий ва хорижий сайёҳлар учун замон талабларига мос даражада шарт-шароитлар, сифатли хизматлар кўрсатиш йўлга қўйилди.

Энг асосийси, туманимизга сайёҳлар қатновини ошириш баробарида аҳоли даромадларини оширишга катта эътибор берилмоқда.

Маълумотларга кўра, туманимизга ўтган йилда 49 минг 305 нафар хорижий ва 863 минг 548 нафар  маҳаллий сайёҳ келган.

Туманимизнинг туризм салоҳияти ошиб бораётгани боис, Туризм қўмитаси томонидан “Кумушкон” ва “Чашма” қишлоқларига “Туризм қишлоғи” мақомини бериш тўғрисида қарор қабул қилинди.

👉 @PARKENT_TONGI

#Долзарб

⚡️⚡️⚡️ Туманимизда электр-энергиясидан фойдаланишдаги муҳим масалалар муҳокама қилинди

Туманимиз прокурори Жасурбек Хайитбоев бошчилигида ИИБ бошлиғи Азизбек Алиасқаров, Давлат солиқ инспекцияси раҳбари Равшан Рўзибоев ҳамда тегишли ташкилот мутасаддилари, “маҳалла еттилиги” иштирокида йиғилиш бўлиб ўтди. Унда Вазирлар Маҳкамасининг шу йил 16 апрелидаги “Ёқилғи-энергетика соҳасида бозор механизмларини жорий этишнинг қўшимча чора-тадбирлари тўғрисида”ги 204-сонли қарорининг мазмун-моҳиятини аҳолига тушунтиришда нималарга эътибор бериш кераклиги ҳақида сўз борди.

Очиқ мулоқот тарзида ўтган йиғилишда маҳаллаларда қарорнинг мазмун-моҳиятини аҳолига етказиш баробарида электр-энергияси ресурсларидан оқилона фойдаланиш юзасидан тушунтириш ишларини ҳам олиб бориш зарурлиги таъкидланди.

Шунингдек, тарғибот ишларини жадаллаштириш, баробарида электр-энергиясидан ноқонуний фойдаланиш ҳолатларини аниқлаш бўйича рейд тадбирларини кучайтириш ҳам айтиб ўтилди.

Прокурор коммунал соҳа масъулларига айни масалалар юзасидан бажариладиган ишларда хатога йўл қўймаслик юзасидан тегишли кўрсатмаларни берди.

👉 @PARKENT_TONGI