#Мулоқот

⚡️⚡️⚡️ Ҳоким маҳаллаларда аҳоли билан учрашув ўтказмоқда

Аввал хабар берганимиздек, туман ҳокими Шоҳрух Шоаҳмедовнинг ҳудудлардаги назорат тадбирлари давом этмоқда.

Унда аҳоли билан учрашувлар ҳам ўтказилмоқда. Мана шундай учрашувлар Булоқбоши, Қўшшукур, Тожибой Ризаев, Шампан ҳамда Новдак маҳаллаларида бўлиб ўтди.

Ҳоким бошчилигидаги маҳалла идораси масъуллари, тегишли ташкилот вакиллари аҳоли билан бўлган суҳбатларда асосий эътиборни  жиноятчиликнинг  олдини олиш, қиш мавсумидан хавфсиз ва беталафот ўтиш ҳамда фуқароларнинг мурожаатларини қонун доирасида имкон борича ҳал этишга қаратди.

Мулоқотлар чоғида ҳоким жиноятчиликнинг олдини олишда нафақат маҳалла идораси вакиллари, профилактика инспекторлари, балки шу маҳаллада яшаётган  ҳар бир фуқаронинг ҳушёрлиги, сергаклиги, шу билан бир қаторда, маҳалла аҳолисининг  ўзаро ҳамжиҳатлиги ҳам муҳим ўринга эга эканлигини  таъкидлади.

Бу борадаги назоратни кучайтиришда маҳалла фаоллари, ҳуқуқни муҳофаза қилувчи органлар ва ёшлар иштирокини таъминлаш аҳамияти ҳақида фикр-мулоҳазалар билдирилди.

Учрашувларда туманимизда ҳаво ҳароратининг кескин пасайиши натижасида келиб чиқиши мумкин бўлган муаммоларни олдини олиш борасида амалга оширилаётган чора-тадбирлар ҳақида ҳам айтиб ўтилди.

Аҳоли мурожаатлари билан ишлаш сифатини ошириш, уларда кўтарилган масалаларга қонун доирасида имкон борича ечим топишда "маҳалла еттилиги"нинг фаолиятини янада кучайтириш зарурлиги қайд этилди.

👉 @PARKENT_TONGI

#Инсон_қадри

⚡️⚡️⚡️ Аҳоли учун бепул тиббий кўрик ташкил этилди

Бугун Оқтепа маҳалласидаги оилавий шифокорлик пунктида Тошкент вилоятидаги  тиббиёт марказларининг малакали мутахассисларидан ташкил топган жамоа жами 253 нафар фуқарони чуқурлаштирилган тиббий кўрикдан ўтказди.

“Тиббиётдаги ислоҳотлар – инсон қадри учун” шиори остида ташкил этилган бепул тиббий кўрикда кардиолог, жарроҳ, педиатр, гинеколог, эндокринолог, невропатолог, офтальмолог, травматолог, онколог, лор, уролог каби тор соҳа мутахассислари иштирок этди.

Тиббий кўрикда ЭКГ, УТТ ва скрининг текширувлари ўтказилди. Шунингдек, лаборатория, тез тиббий ёрдам шифокорлари ва тез ёрдам автомашиналари ҳам жалб этилди.

Чуқурлаштирилган тиббий текширувлар учун зарур шарт-шароит яратилиб, унда энг аввало, ёши улуғлар, ҳомиладорлар, бир ёшгача бўлган болалар, юрак қон-томир хасталиги, жумладан, артериал гипертония касаллиги, қандли диабет, ўпканинг сурункали касалликлари, хавфли ўсмалар, сурункали буйрак ва жигар касалликлари бор бўлган фуқароларга эътибор қаратилди.

Ушбу кўрик жараёнида иштирок этган 253 нафар фуқаронинг  178 нафаридан турли касалликлар аниқланди.

Касаллик аниқланган 164 нафар беморга амбулатор шароитда даволанишга тавсия берилиб, 11 нафари туман, 2 нафари вилоят муассасасига ва яна 1 нафар бемор Республика ихтисослаштирилган Онкология ва радиология илмий-амалий тиббиёт марказининг Тошкент вилояти филиалига текшириш учун юборилди.

👉 @PARKENT_TONGI