#Назорат

⚡️⚡️⚡️ Фермер хўжаликларининг ички ариқларини бетонлаш ишлари амалга оширилмоқда

Ҳоким Шоҳрух Шоаҳмедов туманимизда деҳқон-фермерларнинг даромадини ошириш орқали аҳоли бандлигини таъминлаш, қишлоқ хўжалигида юқори ҳосилдорликка эришишдаги муҳим омилларга эътибор қаратиб келмоқда.

Жумладан, ҳоким қишлоқ хўжалигида сув йўқотишларини камайтириш ва сувни тежаб ишлатиш борасида зарур чора-тадбирлар режасини амалга оширмоқда.

Режага кўра, фермер хўжаликларига тегишли бўлган ер майдонидаги ички ариқларни бетонлаш ишлари бошлаб юборилди.

Ҳоким туманимиз бўйлаб жами 63 км. узунликдаги ички ариқларни бетонлаш тадбирларининг боришини назорат қилиб туриш мақсадида Гулбоғ ва Бойқозон ҳудудида бўлиб, фермер хўжаликлари раҳбарлари ва ишчилари билан суҳбатлашди.

Ҳоким ва прокурор ҳамда тегишли ташкилот раҳбарлари иштирокида ўтган назорат тадбирларидаги суҳбатларда ички ариқларни бетонлаш ишларининг сифатига эътибор қаратиш лозимлиги алоҳида таъкидланди.

Шунингдек, ирригация тизимларини яхшилаш, сув тежовчи технологияларни жорий қилиш ҳам агротехник тадбирларни ўз вақтида амалга ошириш юқори ҳосилдорликка сабаб бўлиши ҳақида фикр-мулоҳазалар билдирилди.

👉 @PARKENT_TONGI

#Тунги_назорат

⚡️⚡️⚡️ Ҳоким қорли кунларда келиб чиқадиган муаммоларни олдини олиш мақсадида тунги назоратни амалга оширмоқда

Туманимизда қиш мавсумига тайёргарлик ишлари қизғин олиб борилди.

Шундай бўлсада, туманимизда қор ёғиши қиш мавсумига тайёргарлик ишларининг самарадорлигини текширишни тақозо қилади.

Шу боис, ҳоким Шоҳрух Шоаҳмедов тун вақтида туман тиббиёт бирлашмасида бўлди.

Ҳоким тиббиёт бирлашмасининг қозонхоналарини синчиклаб текшириб чиқди. Назорат тадбирида муассасада газ босими бир маромдалиги, иссиқлик таъминоти талаб даражасида эканлиги маълум бўлди.

Шоҳрух Шоаҳмедов тиббиёт бирлашмаси мутасаддиларига қорли кунларда эътибор қаратиш шарт бўлган вазифаларни айтиб ўтди.

Жумладан, қозонхоналарни муаммосиз ишлаши учун тунги навбатчиларнинг масъулиятини ошириш, муассаса ҳовлисини қордан тозалаб, қум сепиш ишларини ўз вақтида бажариш ҳақида зарур топшириқларни берди.

Ҳокимнинг тунги назорат тадбирлари давом этмоқда!

👉 @PARKENT_TONGI

#Мулоқот

⚡️⚡️⚡️ Ёш спортчилар билан учрашув

Туманимиздаги 29-сонли Болалар мусиқа ва санъат мактабида спортчи ёшлар иштирокида ватанпарварлик мавзусида давра суҳбати бўлиб ўтди.

Унда туман Спорт мактабининг тўгаракларида мунтазам  шуғулланаётган 350 нафар ёшга Ватанга садоқат, турли ёт ғоялар таъсирига тушиб қолмаслик, жиноят ва ҳуқуқбузарликларнинг  оқибатлари тўғрисида зарур тушунчалар берилди.

Спорт мактаби раҳбарияти, туман ИИБ Вояга етмаганлар бўйича инспектор-психолог, туман бош имом хатиби, Истиқбол маҳалла идораси вакиллари ҳамда тегишли соҳа масъуллари иштирок этган давра суҳбатида ёш спортчиларнинг дарс жараёнларида тўлиқ иштирок этиши, ижтимоий тармоқлардан тўғри фойдаланиши борасида ҳам ҳаётий мисоллар айтиб ўтилди.

👉 @PARKENT_TONGI