#Спорт

⚡️⚡️⚡️ Мини-футбол бўйича туман чемпионатининг ғолиблари аниқланди

Бугун, туманимиздаги бир қатор ташкилотларнинг раҳбарлари бошчилигида спортнинг мини-футбол туридан Паркент тумани чемпионати бўлиб ўтди. Корхона ва ташкилот ходимлари ўртасида ўтказилган қизғин ва мазмунли мусобақада 8 та жамоадан 100 нафар ходим иштирок этишди. Мусобақа айланма усулида 30 кун давом этди.

Якуний натижаларига кўра, 1-ўринни туман ички ишлар бўлими, 2-ўринни туман тиббиёт бирлашмаси, 3-ўринни эса Миллий гвардиянинг туманлараро бўлими жамоалари қўлга киритишди.

Ғолиб жамоалар Тошкент вилояти Ёшлар сиёсати ва спорт бош бошқармасининг қимматбаҳо совғалари билан тақдирланди.

Совғаларни 3-сектор раҳбари, туман ички ишлар бўлими бошлиғи, подполковник Азизбек Алиасқаров жамоа сардорларига ўзининг самимий табрик ва тилаклари билан топширди.

👉 @PARKENT_TONGI

#Сарҳисоб

⚡️⚡️⚡️ “Ёшлар форумида” туманимиздаги айрим тоифа ёшлар учун кўрсатилган моддий ёрдам ҳақида айтиб ўтилди

Бугун туман ҳокимлигида “Ёшлар форуми – 2023” тадбирлари доирасида “Раҳбар ва ёшлар” учрашуви бўлиб ўтди.

Унда туман прокурори Жасурбек Ҳайитбоев ва сектор раҳбарлари, тегишли ташкилот бошлиқлари, ўқитувчилар, маҳаллалардаги ёшлар етакчилари ва спорт тренерлари иштирок этди.

Учрашувга “Ёшлар дафтари”дан ёрдам олган, оғир тоифага киритилган индивидуал ишлаш лозим бўлган ҳамда истеъдодли ёшларнинг 14-30 ёш тоифасидаги қатлами таклиф этилди.

Тадбирда сектор раҳбарлари томонидан маҳаллаларимизда  “яшил”, “сариқ”, “қизил” тоифаларга киритилган ўғил-қизларга кўрсатилган эътибор, уларни ҳар томонлама қўллаб-қувватлаш мақсадида берган моддий кўмаклари ҳамда “Ёшлар дафтари” орқали ажратилган ёрдамлар ва келгуси йилда режалаштирилаётган имкониятлар хусусида ҳам сўз борди.

Жумладан, учрашувда жорий йил ҳисобида “Ёшлар дафтари”га йил бошидан 2 минг 845 нафар ёш киритилган бўлиб, улардан 2 минг 560 нафарига турли кўринишда  жами 3 млрд. 785 млн. сўм пул маблағлари аниқ ҳисоб-китоб бўйича секторлар кесимида сарфлангани ҳақида атрофлича маълумот берилди.

Самимий мулоқот руҳида ўтган учрашувда сектор раҳбарлари ёшларимизни қизиқтирган саволларига батафсил жавоб беришди.

Шунингдек, айрим ёшлар томонидан билдирилган мурожаатлар назоратга олиниб, айтилган муаммо бўйича масъул ходимларга тезкор топшириқлар юклатилди.

Учрашув якунида фаолияти давомида бошқаларга ибрат намунасини кўрсатиб келаётган бир гуруҳ ёшлар етакчилари ҳамда иқтидорли йигит-қизлар эсдалик совғалари билан тақдирланди.

👉 @PARKENT_TONGI