#Спорт

⚡️⚡️⚡️ Бир гуруҳ спортчи ёшлар Тошкент вилояти босқичига йўлланма олишди

“Гулбоғ”марказий ўйингоҳида мактаб ўқувчилари ўртасида “Беш ташаббус олимпиадаси” спорт мусобақаларининг енгил атлетика туридан туман босқичи ўтказилди.

Унда 16 та мактаблардан 32 нафар ўқувчи иштирок этди.

Паркент туман Спорт мактабининг тренерлари ҳакамлик қилган мусобақа натижаларига кўра, ўғил болалар ўртасида 1-ўрин 5-мактаб ўқувчиси Дилшод Йўлдошбоевга, 2-ўрин 40- мактаб ўқувчиси Муҳаммад Aлимбоевга, 3-ўрин 55-мактаб ўқувчиси Лочинбек Жабборбергановга насиб қилди. 

Қиз болалар ўртасида эса, 1-ўринни 22-мактаб ўқувчиси Одина Aбдуқодирова, 2-ўринни 12-мактаб ўқувчиси Сабина Эргашова, 3-ўринни 28-мактаб ўқувчиси Малохат Тўлқинбоева қўлга киритди.

Ғолиблар Тошкент вилояти босқичига йўлланма олишди.

Шунингдек, 10-мактабда “Беш ташаббус олимпиадаси” спорт мусобақаларининг қувноқ стартлар туридан мактаб ўқувчилари ўртасида туман босқичи ўтказилди. Мусобақада 16 та мактабдан 160 нафар ўқувчи иштирок этди.

Баҳсларни Паркент туман Спорт мактабининг малакали тренерлари баҳолаб борди.

Якуний натижаларга кўра, 1-ўринга 10-мактаб, 2-ўринга 30-мактаб, 3-ўринга  47-мактаб жамоалари сазовор бўлишди.

Ғолиблар Тошкент вилоят босқичига йўлланма олишди.

👉 @PARKENT_TONGI

#Қадрият

⚡️⚡️⚡️ Бугун туманимиз маҳаллаларида умумхалқ хайрия ҳашари бўлиб ўтди

Халқимизда ҳашар деган гўзал анъана бор. Асрлар давомида қадрият тусини олган ҳашар мазмун-моҳиятига кўра энг аввало одамлар ўртасидаги аҳил-иноқлик, ҳамжиҳатликни мустаҳкамлайди.

Бугун туманимизнинг кўпгина маҳаллалари ҳамда Красногорск шаҳарчасида умумхалқ ҳашари ташкил этилди.

Ҳоким Шоҳрух Шоаҳмедовнинг ташаббуси билан ўтган ҳашарда туман сектор раҳбарлари ҳамда ташкилот ва идоралар раҳбарлари, кенг жамоатчилик вакиллари фаол иштирок этди.

Инсонийлик, аҳиллик, бирдамлик, олийжаноблик каби эзгу фазилатлари мужассам этган ҳашарда ариқлар лойқадан тозаланди.

Дарахтларга шакл берилиб, таги оқланади. Манзарали дарахт кўчатлари экилди. Катта ҳажмдаги ишларни бажариш учун махсус техникалар жалб қилинди. Маҳаллалар чиқиндилардан ҳоли ҳудудларга айлантирилди.

Туманимизнинг эпидемиологик осойишталигини сақлаш, соғлом турмуш тарзи ва санитария-гигиеник маданиятни тарғиб қилиш мақсадида ўтган ҳашарда одамларнинг уюшқоқлиги, ўзаро аҳил-иноқлиги сезилиб турди.

👉 @PARKENT_TONGI

#Қадрият

⚡️⚡️⚡️ Прокурорга бириктирилган маҳаллалардаги ҳашар аҳоли кайфиятини кўтарди

Туманимизнинг 2-сектор ҳудудига бириктирилган маҳаллаларда ташкил этилган ҳашар уюшқоқликда ўтди.

Маслаҳатли тўй тарқамас, деганларидек туманимиз прокурори, 2-сектор раҳбари Жасурбек Ҳайтбоев ўзига бириктирилган маҳаллалардаги нуронийлар ва кенг жамоатчилик вакиллари ҳамда тегишли ташкилот бошлиқлари билан маслаҳатлашиб, бажариладиган ишларни белгилаб олди.

Шу боис, маҳаллалар аҳолиси, айниқса ёшлар прокурорнинг эзгу саъй-ҳаракатларига хайрхоҳлик билдириб, ҳашарда фаол иштирок этишди.

Кун бўйи давом этган ҳашарда 2-сектор ҳудудидаги маҳаллаларда кенг кўламдаги тозалик ва озодалик ишлари аҳолининг кайфиятини кўтариб юборди.

Катта йўл бўйидаги хонадон эгалари уйларининг атрофини супуриб-сидирди. Кўчалар кўркам ҳолатга келтирилди. Йўл атрофлари тозаланиб, дарахтларга шакл берилди, хазонлардан тозаланди.

Тўпланган чиқиндилар ҳашарга жалб этилган махсус техникалар ёрдамида олиб кетилди.

Бир сўз билан айтганда 2-секторда ибрат олишга арзигулик ишлар бажарилгани туманимизнинг чиройига чирой қўшгани шубҳасиз!

👉 @PARKENT_TONGI