#Инсон_қадри

⚡️⚡️⚡️ ҲОКИМ ҚАБУЛИ: рақам ортидаги сарсонгарчилик, имтиёзидан фойдалана олмаётган ёлғиз аёл

Ҳоким Шоҳрух Шоаҳмедовнинг навбатдаги фуқаролар қабули туман ҳокимлиги биносида бўлиб ўтди. Унда ҳоким ўринбосарлари ҳамда давлат ва жамоат ташкилотларининг бошлиқлари иштирок этди.

Ҳоким қабулини кузатар эканмиз, мурожаатлар ортида одамларни қийнаётган, ташвишлантираётган чигалликлар, ечимини кутаётган муаммоларни эшитдик. Кимдир дарду ташвишини уялиб, яна бошқаси эса чуқур хўрсинганча, баъзилар эса кўзига ёш олиб айтди.

Келинг, яхшиси улардан энг оғриқли, ҳатто ҳокимни ҳам ташвишга солган мурожаатларни айтиб бера қолайлик.

Қабулда бир фуқаро бундан анча йиллар олдин олган кадастр ҳужжатида уй-жойининг умумий майдонини билдирувчи рақам ёзилмай қолиб кетгани ортида келиб чиққан бир дунё муаммосини айтди. Шу сабаб, ўзининг уйига рўйхатга тура олмай қийналиб, сарсонгарчиликдан чарчаган мурожаатчининг муаммосини тинглаган ҳоким туман паспорт столи раҳбарига қўнғироқ қилди. Биргина рақам ортидаги оворагарчилик бартараф бўлди.

Яна бир фуқаро томонидан шунга ўхшаш муаммо айтилди. Унга бир неча йиллар олдин уй-жойининг кадастр ҳужжатлари берилганини, лекин ўз вақтида эгалик ҳуқуқини эътироф этадиган ордерни олиш эътиборидан четда қолганлигини айтди. Ташвишда юрган мурожаатчининг муаммоси ҳам бартараф қилинадиган бўлди.

Яна бир мурожаатчи айни пайтда олийгоҳ талабаси эканлигини, ёлғиз аёл қарамоғида бир нафар вояга етмаган ногирон фарзанди борлиги учун Вазирлар Маҳкамасининг “Ижтимоий эҳтиёжманд оила вакиллари, етим ёки ота-онасининг қарамоғидан маҳрум бўлган талаба хотин-қизларнинг олий таълим олишини моддий жиҳатдан қўллаб-қувватлаш тартиби тўғрисида”ги қарорида белгиланган имтиёздан фойдаланишда муаммога дуч келаётганлигини айтди. Унинг мурожаати жойида қаноатлантирилди.

👉 @PARKENT_TONGI

#Спорт

⚡️⚡️⚡️ Бир гуруҳ спортчи ёшлар Тошкент вилояти босқичига йўлланма олишди

“Гулбоғ”марказий ўйингоҳида мактаб ўқувчилари ўртасида “Беш ташаббус олимпиадаси” спорт мусобақаларининг енгил атлетика туридан туман босқичи ўтказилди.

Унда 16 та мактаблардан 32 нафар ўқувчи иштирок этди.

Паркент туман Спорт мактабининг тренерлари ҳакамлик қилган мусобақа натижаларига кўра, ўғил болалар ўртасида 1-ўрин 5-мактаб ўқувчиси Дилшод Йўлдошбоевга, 2-ўрин 40- мактаб ўқувчиси Муҳаммад Aлимбоевга, 3-ўрин 55-мактаб ўқувчиси Лочинбек Жабборбергановга насиб қилди. 

Қиз болалар ўртасида эса, 1-ўринни 22-мактаб ўқувчиси Одина Aбдуқодирова, 2-ўринни 12-мактаб ўқувчиси Сабина Эргашова, 3-ўринни 28-мактаб ўқувчиси Малохат Тўлқинбоева қўлга киритди.

Ғолиблар Тошкент вилояти босқичига йўлланма олишди.

Шунингдек, 10-мактабда “Беш ташаббус олимпиадаси” спорт мусобақаларининг қувноқ стартлар туридан мактаб ўқувчилари ўртасида туман босқичи ўтказилди. Мусобақада 16 та мактабдан 160 нафар ўқувчи иштирок этди.

Баҳсларни Паркент туман Спорт мактабининг малакали тренерлари баҳолаб борди.

Якуний натижаларга кўра, 1-ўринга 10-мактаб, 2-ўринга 30-мактаб, 3-ўринга  47-мактаб жамоалари сазовор бўлишди.

Ғолиблар Тошкент вилоят босқичига йўлланма олишди.

👉 @PARKENT_TONGI